ଭାରତ ପ୍ରତ୍ୟର୍ପଣ ହେବେ କି ମେହୁଲ ଚୋକସି ? ଦେଶର ସବୁଠୁ ବଡ଼ ବ୍ୟାଙ୍କ ସ୍କାମ୍ ପିଏନବି ଘୋଟାଲାର ଅଭିଯୁକ୍ତ ମେହୁଲ ଚୋକସୀ ବେଲଜିୟମରେ ଗିରଫ। ଜାତୀୟ ଗଣମାଧ୍ୟମର ସୂଚନା ଅନୁସାରେ, ଗତ ୧୧ ତାରିଖ ଦିନ ମେହୁଲଙ୍କୁ ଗିରଫ କରିଛି ବେଲଜିୟମ ପୋଲିସ୍। ଭାରତ ସରକାରଙ୍କ ନିବେଦନ ପରେ ତାଙ୍କୁ ଗିରଫ କରାଯାଇଛି।
ଖୁବ୍ଶୀଘ୍ର ତାଙ୍କୁ ଭାରତ ଫେରାଇ ଆଣିବାକୁ ବେଲଜିୟମକୁ ନିବେଦନ କରାଯାଇପାରେ। ଯଦି, ଏପରି ହୁଏ ତା ହେଲେ ଚୋକସି ଭାରତ ଫେରିବା ସମ୍ଭାବନା ଅନେକ ରହିଛି। କାରଣ, ଭାରତ-ବେଲଜିୟମ୍ ଭିତରେ ପ୍ରତ୍ୟର୍ପଣ ଚୁକ୍ତି ରହିଛି। ମୁମ୍ବାଇ ପଞ୍ଜାବ ନ୍ୟାସନାଲ୍ ବ୍ୟାଙ୍କ-ପିଏନବିରୁ ୧୩ ହଜାର ୫୦୦ କୋଟି ଟଙ୍କା ଠକେଇରେ ଅଭିଯୁକ୍ତ ରହିଛନ୍ତି ଚୋକସୀ।
Also Read
ଅଧିକ ପଢ଼ନ୍ତୁ: ଭାରତ ଫେରିଲା କୁଖ୍ୟାତ ତହବୁର ରାଣା, ଏହି ଜେଲରେ ରହିପାରେ ମୁମ୍ବାଇ ଆକ୍ରମଣ ମାଷ୍ଟରମାଇଣ୍ଡ
ସିବିଆଇ ମାମଲାର ତଦନ୍ତ କରିବା ପୂର୍ବରୁ ମାମୁ ମେହୁଲ ଓ ଭଣଜା ନୀରବ ମୋଦି ଦେଶ ଛାଡ଼ି ପଳାଇଥିଲେ। ଏହାପୂର୍ବରୁ ମୁମ୍ବାଇ ଆତଙ୍କୀ ହମଲାର ଅନ୍ୟତମ ମାଷ୍ଟରମାଇଣ୍ଡ୍ ତହବୁର ରାଣା । ତହବୁରକୁ ଆମେରିକାର ପ୍ରତ୍ୟର୍ପଣ ପରେ ସ୍ବତନ୍ତ୍ର ବିମାନ ଯୋଗେ ଦିଲ୍ଲୀ ଅଣାଯାଇଛି । ପାଲମ ଏୟାରବେସରେ ଓହ୍ଲାଇବା ପରେ ତହବୁରକୁ ଗିରଫ କରିଥିଲା ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି ।
NIA ଓ ର' ପକ୍ଷରୁ ମିଳିତ ଟିମ୍ ତହବୁରକୁ ଭାରତ ଅଣାଯାଇଛି । ଏହାପରେ ତାକୁ ବୁଲେଟପ୍ରୁଫ୍ ଗାଡ଼ିରେ NIA ହେଡକ୍ବାର୍ଟର୍ସକୁ ନେଇଛନ୍ତି ଏଲିଟ୍ କମାଣ୍ଡୋ । ସେଠାରେ ମେଡିକାଲ ଟେଷ୍ଟ୍ ପରେ ରାଣାକୁ NIA ସ୍ପେଶାଲ କୋର୍ଟରେ ହାଜର କରାଯାଇଛି । ଏବେ ଯଦି, ମେହୁଲ ଆସେ ତାହେଲେ ୟେ ହେବ ଭାରତୀୟ କୁଟନୀତିର ଆଉ ଏକ ବଡ଼ ବିଜୟ।