ବିଦ୍ରୋହୀ ନେତାଙ୍କୁ ହତ୍ୟା ପରେ ମେଘାଳୟରେ ଅସନ୍ତୋଷ ତୀବ୍ର : ମୁଖ୍ୟମନ୍ତ୍ରୀଙ୍କ ବାସଭବନ ଉପରକୁ ପେଟ୍ରୋଲ ବୋମା ମାଡ଼

ଶିଲଂ : ବିଦ୍ରୋହୀ ନେତାଙ୍କୁ ହତ୍ୟା ପରେ ମେଘାଳୟରେ ଅସନ୍ତୋଷ ତୀବ୍ର ହେବାରେ ଲାଗିଛି । ରାଜ୍ୟର ବିଭିନ୍ନ ସ୍ଥାନରେ ହିଂସା ଉପୁଜିଛି । ମୁଖ୍ୟମନ୍ତ୍ରୀ କର୍ଣ୍ଣାଡ ସାଙ୍ଗମାଙ୍କ ବ୍ୟକ୍ତିଗତ ବାସଭବନ ଉପରକୁ ପେଟ୍ରୋଲ ବୋମା ମାଡ଼ କରାଯାଇଛି । ତେବେ ଘରେ କୌଣସି ସଦସ୍ୟ ରହୁ ନଥିବାରୁ କେହି ମୃତାହତ ହୋଇନାହାନ୍ତି । ସେପଟେ ଶିଲଂକୁ ଆସିଥିବା ଆସାମର ଗୋଟିଏ ବସକୁ ବିକ୍ଷୋଭକାରୀ ଜାଳି ଦେଇଛନ୍ତି । ଫଳରେ ଡ୍ରାଇଭର ଗୁରୁତର ଆହତ ହୋଇଛନ୍ତି । ସହରର ଅନେକ ସ୍ଥାନରେ ପଥର ମାଡ଼ ଭଳି ଘଟଣା ଘଟିଛି ।

ତେବେ ରାଜଧାନୀ ଶିଲଂରେ ୨ ଦିନିଆ କର୍ଫ୍ୟୁ ଲଗାଯାଇଛି । ରାଜ୍ୟ ସରକାରଙ୍କ ନିର୍ଦ୍ଦେଶରେ ଅନୁସାରେ ଅଗଷ୍ଟ ୧୭ ପର୍ଯ୍ୟନ୍ତ କର୍ଫ୍ୟୁ ବଳବତ୍ତର ରହିବ । ମଙ୍ଗଳବାର ସକାଳ ୫ ଟା ପର୍ଯ୍ୟନ୍ତ କର୍ଫ୍ୟୁ ଜାରି ରହିବ ବୋଲି ସରକାର କହିଛନ୍ତି । ଭଙ୍ଗାରୁଜା ଓ ଅଗ୍ନିକାଣ୍ଡ ଖବର ପରେ ଅନେକ ସ୍ଥାନରେ ପରିସ୍ଥିତି ନିୟନ୍ତ୍ରଣ ଲାଗି ରାଜ୍ୟର ବିଭିନ୍ନ ସ୍ଥାନରେ ମୋବାଇଲ୍ ଇଣ୍ଟରନେଟ୍ ବନ୍ଦ କରି ଦିଆଯାଇଛି । ଅନ୍ୟପକ୍ଷରେ ହିଂସାକାଣ୍ଡକୁ ନଜରରେ ରଖି ଆସାମ ଡିଜି ଜି. ପି. ସିଂହ ରାଜ୍ୟବାସୀଙ୍କ ପାଇଁ ସତର୍କତା ଜାରି କରିଛନ୍ତି ।

ଆସାମରୁ କେହି ଶିଲଂ ନଯିବାକୁ ସେ ପରାମର୍ଶ ଦେଇଛନ୍ତି । ତେବେ ଶିଲଂରେ କର୍ଫ୍ୟୁ ଲାଗୁ ହେବା ପୂର୍ବରୁ ମେଘାଳୟ ଗୃହମନ୍ତ୍ରୀ ଲକମେନ୍ ରିମ୍ବୁଇ ପଦରୁ ଇସ୍ତଫା ଦେଇଛନ୍ତି । ବିଦ୍ରୋହୀ ନେତାଙ୍କୁ ହତ୍ୟା କରିବା ବେଆଇନ ଓ ଅମାନବୀୟ ଘଟଣା ଦର୍ଶାଇ ରିମ୍ବୁଇ ଇସ୍ତଫା ଦେଇଥିବା ସେ କହିଛନ୍ତି । ଏହାସହ ସେ ମୁଖ୍ୟମନ୍ତ୍ରୀଙ୍କୁ ଏକ ଚିଠି ଲେଖି ବିଦ୍ରୋହୀ ନେତାଙ୍କ ହତ୍ୟା ଘଟଣାର ବିଚାର ବିଭାଗୀୟ ତଦନ୍ତ ଦାବି କରିଛନ୍ତି ।

ସେହିପରି ଆଜି ଶିଲଂର ଜାଆୱ ଅଞ୍ଚଳରେ କିଛି ଅଜ୍ଞାତ ବ୍ୟକ୍ତି ମାନକିନରୋହ ପୋଲିସ ପୋଷ୍ଟର ଥିବା ଏକ ଗାଡିକୁ ନିଆଁ ଲଗାଇ ଦେଇଛନ୍ତି । ତେବେ ଗାଡିରେ ଥିବା ପୋଲିସ କର୍ମଚାରୀ, ଆଉଟପୋଷ୍ଟର ଦାୟିତ୍ୱରେ ଥିବା କର୍ମୀମାନେ ଏହି ଘଟଣାରୁ ଅଳ୍ପକେ ବର୍ତ୍ତି ଯାଇଛନ୍ତି ।

Also Read

ଖୋଲିଲା ସ୍ୱର୍ଗଦ୍ୱାର : ୧୦ ଜଣ ଉପସ୍ଥିତିରେ ପୁରୀ ବାହାର ଜିଲ୍ଲାର ଲୋକଙ୍କୁ ଶବଦାହ କରିବାକୁ ଅନୁମତି

ଆସିଲା କି ତୃତୀୟ ଲହର ? ଆଜି ବି ୧୮ ବର୍ଷରୁ କମ୍ ବର୍ଗର ୧୦୪ ରୋଗୀ ଚିହ୍ନଟ

ଶ୍ରୀମନ୍ଦିରରେ ଭକ୍ତଙ୍କ ଭିଡ, ମିଳିଲା କାଳିଆ ଦର୍ଶନ

ପୂର୍ବତନ ବିଦ୍ରୋହୀ ନେତା ଚେରିସଷ୍ଟାରଫିଲ୍ଡ ଥାଙ୍ଗସୁଙ୍କ ଘରେ ପୋଲିସର ଚଢ଼ାଉ ସମୟରେ ମୃତ୍ୟକୁ ନେଇ ସିଲଂର କିଛି ଅଞ୍ଚଳରେ ବିଦ୍ରୋହ ଦେଖିବାକୁ ମିଳିଛି । ଥାଙ୍ଗଖୁଙ୍କ ପରିବାର ପକ୍ଷରୁ ଏହି ମୃତ୍ୟୁକୁ ପୋଲିସର ଏକ ନିର୍ଦ୍ଦୟ ହତ୍ୟା ବୋଲି କୁହାଯାଇଛି । ଆଜି ତାଙ୍କ ଅନ୍ତିମ ସଂସ୍କାରରେ ଶହ ଶହ ଲୋକ କଳା ପତାକା ପ୍ରଦର୍ଶନ କରିଥିଲେ ।