LIVE TV
ନିପଟ ମଫସଲ, ପାହାଡ଼ ଜଙ୍ଗଲ ଘେରା ଗାଁର ଲୋକ ପାଇଁ ରାଷ୍ଟ୍ରପତି ଭବନରେ ଭୋଜନ କରିବା ଗୋଟିଏ ବିରାଟ ସ୍ୱପ୍ନ ହୋଇପାରେ। ହେଲେ ଓଡ଼ିଶାର ଆଦିବାସୀ ଅଧ୍ୟୁଷିତ ମୟୂରଭଞ୍ଜ ଜିଲ୍ଲାର ୬୦ ଜଣଙ୍କ ପାଇଁ ଏହା ସତ ହୋଇଛି।
ମୟୂରଭଞ୍ଜ ଜିଲ୍ଲାରୁ ପ୍ରାୟ ୬୦ ଜଣ ଲୋକ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ସହ ରାଷ୍ଟ୍ରପତି ଭବନରେ ମଧ୍ୟାହ୍ନ ଭୋଜନ କରିଛନ୍ତି। ଶପଥଗ୍ରହଣ ସମାରୋହରେ ଯୋଗଦେବାକୁ ରାଷ୍ଟ୍ରପତିଙ୍କ ନିଜ ଜିଲ୍ଲା ମୟୂରଭଞ୍ଜରୁ ନିମନ୍ତ୍ରିତ ହୋଇ ଆସିଥିବା ୬୦ ଜଣଙ୍କୁ ରାଷ୍ଟ୍ରପତି ଭବନରେ ମଧ୍ୟାହ୍ନ ଭୋଜନରେ ଆପ୍ୟାୟିତ କରାଯାଇଥିଲା।
ନିଜ ଅଞ୍ଚଳର ଝିଅ ରାଷ୍ଟ୍ରପତି ଭାବେ ଶପଥ ନେଉଥିବାବେଳେ ଅଧିକାଂଶ ସାନ୍ତାଳୀ ପୋଷାକ ପରିଧାନ କରି ସେଣ୍ଟ୍ରାଲ ହଲ୍ରେ ଉପସ୍ଥିତ ଥିଲେ। ମଧ୍ୟାହ୍ନ ଭୋଜନରେ ସବୁ ଖାଦ୍ୟ ନିରାମିଷ ଥିଲା। ଯେହେତୁ ରାଷ୍ଟ୍ରପତି ଆମିଷ ଖାଆନ୍ତି ନାହିଁ, ତେଣୁ ତାଙ୍କ ଜିଲ୍ଲାର ଅତିଥିଙ୍କ ପାଇଁ ନିରାମିଷ ଖାଦ୍ୟ ପରଷା ଯାଇଥିଲା।
ଜାଣନ୍ତୁ, ମଧ୍ୟାହ୍ନ ଭୋଜନ ମେନ୍ୟୁରେ କ’ଣ ଥିଲା...
- ଭେଜିଟେବୁଲ ସୁପ୍
- ପାଲକ୍ ପନିର
- ଡାଲ୍ ତଡ଼କା
- କୋବି ଗାଜର ବିନ୍ସ
- ମଲାଇ କୋଫ୍ତା
- ଜିରା ପଲାଉ
- ନାନ୍
- ଗ୍ରୀନ୍ ସାଲାଡ୍
- ବୁନ୍ଦି ରାଇତା
- କେଶର ରସମଲାଇ
- ଫଳ
ମଧ୍ୟାହ୍ନ ଭୋଜନ ପରେ ମୟୂରଭଞ୍ଜ ଜିଲ୍ଲାରୁ ଆସିଥିବା ଅତିଥି ଷ୍ଟ୍ରପତି ଭବନ ବୁଲି ଦେଖିଥିଲେ। ଏହି ଅତିଥିମାନଙ୍କୁ ତା’ ପରେ ଗୋଟିଏ ଗୋଟିଏ ମିଠା ପକେଟ୍ ଦିଆଯାଇଥିଲା। ସମସ୍ତଙ୍କୁ ରାଷ୍ଟ୍ରପତି ଭବନକୁ ମୋବାଇଲ୍ ଫୋନ୍ ନେବାକୁ ଅନୁମତି ନ ଥିବାରୁ ମହାମହିମଙ୍କ ସହ ସେଲ୍ଫି ନେଇ ନ ପାରି କେତେକ ମନଦୁଃଖ କରିଥିଲେ।
