ସୁରକ୍ଷା କର୍ମୀଙ୍କ କ୍ୟାମ୍ପ ଉପରେ ମାଓ ଆକ୍ରମଣ, ୩ ଯବାନ ସହିଦ

ଛତିଶଗଡ଼ ସୁକମାରେ ମାଓବାଦୀଙ୍କ ବଡ଼ ହମଲା। ସୁକମା-ବିଜାପୁର ସୀମାରେ ଥିବା ଟେକାଲଗୁଡେମ କ୍ୟାମ୍ପରେ ଅତର୍କିତ ଆକ୍ରମଣ କରିଛନ୍ତି ମାଓବାଦୀ। ଏଥିରେ ୩ ଜଣ ଯବାନ ସହିଦ ହୋଇଛନ୍ତି। ଅନ୍ୟ ୧୪ ଜଣ ଯବାନ ଗୁରୁତର ହୋଇଛନ୍ତି। ସେମାନଙ୍କୁ ଜଗଦଲପୁରକୁ ଏୟାରଲିଫ୍ଟ କରାଯାଉଛି।

ଦିନକ ତଳେ ଯୋନାଗୁଡ଼ା-ଆଲିଗୁଡ଼ା ମଧ୍ୟରେ ଥିବା ଟେକାଲଗୁଡେମରେ ଏହି କ୍ୟାମ୍ପ କରାଯାଇଥିଲା। ଅଂଚଳରେ ମାଓବାଦୀଙ୍କ ଚଳପ୍ରଚଳ ଅଧିକ ଥିବାରୁ ସତର୍କ ନଜର ରଖିଥିଲେ କୋବ୍ରା, ଏସଟିଏଫ୍ ଓ ଡିଆରଜିଙ୍କ ମିଳିତ ଫୋର୍ସ। ଜଙ୍ଗଲରେ ଲଗାତର କୁମ୍ବିଂ ଜାରି ରହିଥିଲା। ଏଭଳି ସ୍ଥିତିରେ ଆଜି ଯବାନଙ୍କ ଉପରେ ହୋଇଛି ଅତର୍କିତ ଆକ୍ରମଣ। ସେପଟେ ଘଟଣାସ୍ଥଳରେ କମ୍ବିଂ ଜୋରଦାର କରାଯାଇଛି।

Three security personnel killed and 14 injured in encounter with Naxalites along Sukma-Bijapur border in Chhattisgarh: Police

— Press Trust of India (@PTI_News) January 30, 2024