LIVE TV
ପାରିବାରିକ କଳହର କରୁଣ ପରିଣତି। ଏତେ ରାଗ ଯେ, ସ୍ତ୍ରୀ ସହ ଝଗଡ଼ା ପରେ ୩ ବର୍ଷର ପୁଅକୁ ହତ୍ୟା ପରେ ପୋତି ଦେଲା ସ୍ୱାମୀ। ସ୍ତ୍ରୀ ସହ ଝଗଡ଼ା କରିବା ପରେ ସମ୍ପୃକ୍ତ ବ୍ୟକ୍ତି ନିଜ ପୁଅ ଉପରେ ଆକ୍ରମଣ କରିଥିଲେ। ଉତ୍ତରପ୍ରଦେଶର ହୁସେନଗଞ୍ଜରେ ଏହି ହତ୍ୟାକାଣ୍ଡ ଘଟିଛି।
ସୂଚନା ଅନୁସାରେ, ହୁସେନଗଞ୍ଜ ଥାନା ଅନ୍ତର୍ଗତ ଚିତିସାପୁର ଗାଁର ଚନ୍ଦ୍ର କିଶୋର ଲୋଧି ନିଜ ପୁଅକୁ ହତ୍ୟା କରିଥିବା ଅଭିଯୋଗ ହୋଇଛି। ବୁଧବାର ରାତିର ସ୍ତ୍ରୀଙ୍କ ସହ କିଶୋରଙ୍କ ପ୍ରବଳ ଯୁକ୍ତିତର୍କ ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ସେ ପୁଅ ରାଜ୍ଙ୍କ ଉପରେ ଆକ୍ରମଣ କରିବା ସହ ହତ୍ୟା କରିଥିଲେ।
Also Read
ଅଧିକ ପଢ଼ନ୍ତୁ: ୪ ମାସର ପୁଅକୁ ମାରି ବିଲରେ ଫୋପାଡ଼ିଲା ବାପା, କହିଲା..‘ଆଶ୍ରମରେ ଛାଡ଼ିଦେଇ ଆସିଛି’
ପ୍ରମାଣ ନଷ୍ଟ ପାଇଁ ସେହି ଦିନ ରାତିରେ ପୁଅର ମୃତଦେହକୁ ଫାର୍ମ ହାଉସ୍କୁ ନେଇ ସେଠାରେ ପୋତି ଦେଇଥିଲା। ଏସମ୍ପର୍କରେ ଚନ୍ଦ୍ର କିଶୋରଙ୍କ ସ୍ତ୍ରୀ ଗୁରୁବାର ଦିନ ପୋଲିସ୍କୁ ଜଣାଇଥିଲେ। ଅଭିଯୋଗ ଆଧାରରେ ପୋଲିସ୍ ମୃତଦେହ ଉଦ୍ଧାର କରି କିଶୋରଙ୍କୁ ଗିରଫ କରିଛି। ଏହାସହ ଘଟଣାର ତଦନ୍ତ ଚଳାଇଛି।
