/odishatv-khabar/media/post_attachments/uploadimage/library/16_9/16_9_0/IMAGE_1660999824.jpg)
Police Seeking Help
ଆତ୍ମଘୋଷିତ ବାବାଙ୍କ ମାଗଦର୍ଶନ ପଡ଼ିଲା ମହଙ୍ଗା । ମର୍ଡର କେସ୍ର ସମାଧାନ ପାଇଁ ଆତ୍ମଘୋଷିତ ବାବାଙ୍କ ସାହାଯ୍ୟ ଲୋଡ଼ିଲେ ଆସିଷ୍ଟାଣ୍ଟ ସବ୍ଇନ୍ସପେକ୍ଟର(ASI) ଏବଂ ଶେଷରେ ସସ୍ପେଣ୍ତ ହେଲେ । ମଧ୍ୟପ୍ରଦେଶ ଛତ୍ରପୁରରୁ ଏଭଳି ଘଟଣା ସାମ୍ନାକୁ ଆସିଛି । ସୋସିଆଲ ମିଡ଼ିଆରେ ଏହାର ଏକ ଭିଡିଓ ଭାଇରାଲ ହେବା ପରେ ଏଭଳି କାର୍ଯ୍ୟାନୁଷ୍ଠାନ ନିଆଯାଇଛି ।
୧୭ ବର୍ଷର ଝିଅକୁ ହତ୍ୟା କରିଥିବା ଆସାମୀକୁ ଧରିବା ପାଇଁ ପୋଲିସ ଏସ୍ଆଇ ଆତ୍ମଘୋଷିତ ବାବାଙ୍କ ନିକଟକୁ ଯାଇ ହାତ ଯୋଡ଼ୁଥିବାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ସୋସିଆଲ ମିଡିଆରେ ଏହି ଭିଡିଓ ସାମ୍ନାକୁ ଆସିବା ପରେ ଏଏସଆଇ ଅଶୋକ ଶର୍ମାଙ୍କୁ ନିଲମ୍ବିତ କରାଯାଇଛି ।
ଭିଡିଓରେ ପୋଲିସ ASI ଜଣକ ଆତ୍ମଘୋଷିତ ବାବାଙ୍କୁ ହାତ ଯୋଡ଼ି ମାମଲାରେ ସମ୍ପୃକ୍ତ ଅଭିଯୁକ୍ତ ମାନଙ୍କ ତାଲିକା ଧରାଉଥିବାର ଦେଖିବାକୁ ମିଳିଛି । ଏହାପରେ ବାବା ଜଣକ କହୁଛନ୍ତି ଯେ, ‘ତୁମ ତାଲିକାରେ ଥିବା ଦୋଷୀଙ୍କ ନାଁ ଛଡ଼ା ମୁଁ ଆଉ କିଛି ନାମ ନେବି। ଯେଉଁଟା ତୁମ ତାଲିକାରେ ନଥିବ, ସେ ହେଉଛି ମୁଖ୍ୟ ଅଭିଯୁକ୍ତ’ ।
ପରବର୍ତ୍ତୀ ସମୟରେ, ସେ ତିନୋଟି ନାମ ନେଇଥିଲେ ଏବଂ ତାପରେ କହିଥିଲେ, "ବର୍ତ୍ତମାନ ଆପଣ ବୁଝିପାରିବେ ସେହି ବ୍ୟକ୍ତି କିଏ। ଏହି ମାମଲାରେ ପଚରାଉଚରା ପାଇଁ ଆପଣ ତାଙ୍କୁ ଅଟକ ରଖିଛନ୍ତି"।
ପୋଲିସ ବାବୁଙ୍କ ଏହି ଭିଡିଓ ଭାଇରାଲ ହେବା ପରେ ଲୋକେ ଏବେ ପୋଲିସଙ୍କ ଉପରେ ପ୍ରଶ୍ନ ଉଠାଉଥିବାର ଦେଖିବାକୁ ମିଳିଛି । ଏଥିପାଇଁ ଛତ୍ରପୁର ଏସ୍ପି ସଚିନ୍ ଶର୍ମା ଏସ୍ଆଇ ଅଶୋକ ଶର୍ମାଙ୍କୁ ସସ୍ପେଣ୍ତ କରିଛନ୍ତି ।
/odishatv-khabar/media/agency_attachments/2025/07/30/2025-07-30t051037428z-screenshot-2025-07-30-at-104031-am-2025-07-30-10-40-38.png)

/odishatv-khabar/media/media_files/2025/09/22/khabar-advertise-banner-2025-09-22-13-15-01.jpeg)