ଗୁଜରାଟରେ ବର୍ଷା ବିତ୍ପାତ: ଭାସିଗଲା ବସ୍‌,ବର୍ତ୍ତିଗଲେ ପିଲେ

ଗୁଜରାଟରେ ବର୍ଷା ବିତ୍ପାତ । ଲଗାଣ ବର୍ଷା ଯୋଗୁଁ ସମସ୍ୟା ବଢ଼ିବାରେ ଲାଗିଛି । ଗତକାଲି ଜାମନଗରରେ ଲଗାଣ ବର୍ଷା ଓ ପାଣି ଜମିବାରୁ ଏକ ଅଘଟଣ ଘଟିଛି । ଜାମନଗର କଲାବାଡ଼ ଗାଁରେ ପାଣି ଭିତରେ ଭାସି ଯାଇଛି ସ୍କୁଲ ବସ୍ ।

ପିଲାଙ୍କୁ ନେଇ ବସ୍ ଯାଉଥିବା ବେଳେ ହଠାତ୍ ମାଟି ଭିତରେ ଧସି ଯାଇଥିଲା । ଯାହା ପରେ ଚାହୁଁ ଚାହୁଁ ବସ୍‌ଟି ଓଲଟିବାକୁ ଲାଗିଥିଲା । ପାଖରେ ଥିବା ଲୋକେ ବସ୍‌ରୁ ସମସ୍ତ ଛାତ୍ରଛାତ୍ରୀ ଓ ଶିକ୍ଷକଙ୍କୁ ବାହାରକୁ ଆଣିଥିଲେ । ସୌଭାଗ୍ୟବଶତଃ କୌଣସି ପିଲାଙ୍କୁ କିଛି ବି ହାନୀ ପହଞ୍ଚିନି । କିଛି ସମୟର ଅପରେସନ୍ ପରେ ରେସ୍କ୍ୟୁ ଟିମ୍ ବସ୍‌ଟି ବାହାର କରିଥିଲା । 

ଦେଖନ୍ତୁ କିପରି ପାଣି ଭିତରେ ସ୍କୁଲ୍‌ ବସ୍‌ଟି ଫସିରହିଛି :- 

#WATCH | Gujarat: Locals rescue people after their school bus overturned as it got stuck in a turbulent flow of water triggered by heavy rainfall in Kalavad in Jamnagar district pic.twitter.com/k3gEiooWUh

— ANI (@ANI) July 7, 2022

ତେବେ ପ୍ରବଳ ବର୍ଷା ହେତୁ ଦେଶର ବିଭିନ୍ନ ସ୍ଥାନରେ ପାଣି ଜମିବା ସହ ଲୋକେ ପ୍ରଭାବିତ ହୋଇଛନ୍ତି । ପାଣି ଘରରେ ରହିଥିବାରୁ ରାସ୍ତାଘାଟ ସମେତ ଅନ୍ୟାନ୍ୟ ଅଞ୍ଚଳ ଗୁଡିକରେ ଯିବା ଆସିବା ତଥା ରହିବା ପାଇଁ ଲୋକେ ନାନା ଅସୁବିଧାର ସମ୍ମୁଖୀନ ହେଉଛନ୍ତି । ଅନ୍ୟପଟେ ପ୍ରବଳ ବର୍ଷାରେ କେରଳ, କର୍ଣ୍ଣାଟକ ଆଦି ବିଭିନ୍ନ ଅଞ୍ଚଳ ଜଳବନ୍ଦୀରେ ରହିଛି ।