LIVE TV
ବାହାଘର ପାଇଁ ପ୍ରସ୍ତୁତି ଚାଲିଥାଏ । କନ୍ୟାପକ୍ଷ ସବୁ କାମ ସାରି କେବଳ ବରର ଆଗମନକୁ ଅନେଇଥାନ୍ତି । କେତେବେଳ ବର ଆସିବ ଆଉ ହାତଗଣ୍ଠି ପଡ଼ିବ । କନ୍ୟାର କିନ୍ତୁ ଗୋଟିଏ ସ୍ୱପ୍ନ...ସେ ନୂଆପ୍ରକାର ମେକ୍ଅପ୍ ନେଇ ବରକୁ ପୂରା ଚମକେଇଦେବ । ଏଇ କଥା ଭାବି ସ୍ୱପ୍ନ ରାଇଜରେ ବୁଲୁଥିବା କନ୍ୟା ମେକ୍ଅପ୍ ରୁମ୍ରୁ ଜମା ବାହାରୁନଥାଏ । କିନ୍ତୁ ତା’ପରେ ଯାହା ଘଟିଲା ଶୁଣିଲେ ଆପଣ ନିଶ୍ଚୟ ତାଜୁବ୍ ହେବେ ।
ବର ହାଜର ହେଇଗଲା, କିନ୍ତୁ କନ୍ୟା ଜମା ମେକ୍ରୁମ୍ ଛାଡୁନଥାଏ । ୟା ଭିତରେ ଘର ଲୋକ ବ୍ୟସ୍ତ ହୋଇ କନ୍ୟାକୁ ଡାକିବାକୁ ଗଲା ବେଳକୁ ଯାହା ଦେଖିଲେ ସେମାନଙ୍କ ବୁଦ୍ଧି ହଜିଗଲା । ନୂଆ ପ୍ରକାର ମେକ୍ଅପ୍ରେ କନ୍ୟାର ମୁହଁ ପୂରା କଳାପଡ଼ି ଫୁଲି ଯାଇଛି । କନ୍ୟା ବିଚରା ବି ତା’ ମୁହଁ ଦେଖି ଚିନ୍ତାରେ ପଡ଼ିଗଲା ।
Also Read
ଅଧିକ ପଢ଼ନ୍ତୁ: ବିବାହ ମଣ୍ଡପରେ ବରକୁ ଦେଖି କନ୍ୟା ବେହୋସ, ଭାଙ୍ଗିଲା ବାହାଘର...
ଏଭଳି ଅବସ୍ଥାରେ ବର ଆଉ କନ୍ୟାକୁ ଯେତେବେଳେ ବେଦିକୁ ଅଣାଗଲା, ସମସ୍ତେ ତାଜୁବ୍। କନ୍ୟାର ମୁହଁ ଦେଖି ଆଉ କାହା ମୁହଁରୁ କିଛି କଥା ବାହାରିଲାନି । କେହି କେହି କନ୍ୟା ବଦଳ କଥା ବି ଭାବିଲେ । କିନ୍ତୁ ବୁଝୁ ବୁଝୁ ଜଣାଗଲା ଯେ, ମେକ୍ଅପ୍ ଯୋଗୁ ଏପରି ହୋଇଛି।
ତେବେ କନ୍ୟାର ଏଭଳି ଚେହେରା ଦେଖି ବର ବେଦିରୁ ଉଠିଯିବା ପରେ ବରଘର ଲୋକ ବାହାଘର ଭାଙ୍ଗିଦେଇଥିଲେ । କର୍ଣ୍ଣାଟକ(Karnataka) ର ହସନ୍ ଜିଲ୍ଲାର ଅରସିକିରି ଗାଁରେ ଏଭଳି ଅଭାବନୀୟ ଘଟଣା ଘଟିଛି । କନ୍ୟାଘର ପକ୍ଷରୁ ସଂପୃକ୍ତ ପାର୍ଲର ବିରୋଧରେ ଥାନାରେ ଏତଲା ଦିଆଯାଇଛି । ପୋଲିସ ଘଟଣାର ତଦନ୍ତ କରୁଛି । ସଂପୃକ୍ତ କନ୍ୟା ଏବେ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।
