LIVE TV
କଥାରେ ଅଛି କନ୍ୟାଦାନ ମହାପୂଣ୍ୟ । ହିନ୍ଦୁଧର୍ମରେ କନ୍ୟାଦାନର ବିଶେଷ ମହତ୍ତ୍ୱ ରହିଛି । ହେଲେ ଜଣେ ଯୁବତୀ ନିଜ ବିବାହ ଉତ୍ସବରେ କନ୍ୟାଦାନ ପରମ୍ପରାକୁ ଅସ୍ୱୀକାର କରି ଚର୍ଚ୍ଚାର ପରିଧିକୁ ଆସିଛନ୍ତି । ଆଉ ଝିଅର କଥା ମଧ୍ୟ ରଖିଛନ୍ତି ବାପାମା’ । ବିନା କନ୍ୟାଦାନରେ ହିଁ ଶୁଭକାର୍ଯ୍ୟ ସମ୍ପନ୍ନ ହୋଇଛି । ଆଉ କନ୍ୟାଙ୍କ ଏହି ନିଷ୍ପତ୍ତିରେ ବର ବି ମାନି ନେଇଛନ୍ତି । ଏପରି ନିଆରା ବିବାହ ସମ୍ପର୍କରେ ନିଜେ ଯୁବତୀ ଜଣକ ଏକ ପୋଷ୍ଟ୍ କରିଛନ୍ତି । ଆଉ ତାଙ୍କର ଏପରି ପଦକ୍ଷେପ ପାଇଁ ପ୍ରଶଂସାରେ ପୋତି ପକାଇଛନ୍ତି ୟୁଜର ।
Had no kanyadaan at my wedding. No transfer of girl from one ancestry to another. My mom and dad refused to do all the BS.
Also Read
The collective meltdown of the rest of the marwaris has been gorgeous to witness.— seething and growing (@keepsitrustic) December 7, 2022
ଯୁବତୀ ଜଣକ ନିଜ ପୋଷ୍ଟରେ ବଖାଣିଛନ୍ତି, ବିବାହ ସମୟରେ ସେ କିପରି ସଫା ସଫା କନ୍ୟାଦାନ ପରମ୍ପରାକୁ ମନା କରିଦେଇଛନ୍ତି । ଭାରତୀୟ ପରମ୍ପରାରେ ବିବାହ ସମୟରେ କନ୍ୟା ପିତା ଝିଅର ହାତକୁ ବର ହାତକୁ ଟେକି ଦେଇଥାଆନ୍ତି । ଆଉ ନିଜ ଝିଅକୁ ସ୍ତ୍ରୀ ରୂପେ ସ୍ୱୀକାର କିରବା ପାଇଁ ଅନୁରୋଧ କରନ୍ତି । ଉଭୟ ପକ୍ଷଙ୍କ ଅନୁମତି କ୍ରମେ ଶହ ଶହ ଲୋକଙ୍କ ଉପସ୍ଥିତିରେ କନ୍ୟାଦାନ କରାଯାଇଥାଏ । ହେଲେ @keepitrustic ମାଇକ୍ରୋବ୍ଲଗିଂ ସାଇଟରୁ ସେୟାର ହୋଇଥିବା ପୋଷ୍ଟରେ ଲେଖାଯାଇଛି, ମୋ ବିବାହରେ କନ୍ୟାଦାନ କରାଯାଇ ନାହିଁ । ଗୋଟିଏ କୂଳରୁ ଆଉ ଗୋଟିଏ କୂଳକୁ ଯିବାପାଇଁ ଏପରି ପରମ୍ପରାର କୌଣସି ଆବଶ୍ୟକତା ନାହିଁ ।
ଅଧିକ ପଢ଼ନ୍ତୁ:‘ମୁଁ ଦାନର ସାମଗ୍ରୀ ନୁହଁ, ମୁଁ ତୁମ ଝିଅ ବାପା ’! ବିବାହରେ କନ୍ୟାଦାନ ପ୍ରଥାକୁ ମାନିବାକୁ ମନାକଲେ ମହିଳା IAS
ହେଲେ ବିବାହ କରାଉଥିବା ପୁରୋହିତ ଏହି ନିଷ୍ପତ୍ତିର ବିରୋଧ କରିଥିଲେ । କିନ୍ତୁ ସ୍ୱାମୀ ମଧ୍ୟ ଏଥିରେ ସମର୍ଥନ କରିବା ପରେ ବିନା କନ୍ୟାଦାନରେ ଖୁବ୍ ଧୁମଧାମରେ ବିବାହ ସମ୍ପନ୍ନ ହୋଇଛି । ସମାଜରେ ସମାନତା ଆଣିବା ପାଇଁ ଏପରି ପଦକ୍ଷେପ ନେବା ଜରୁରୀ ବୋଲି ସେ କହିଛନ୍ତି ।
ଅନ୍ୟପଟେ ତାଙ୍କର ଏହି କାମକୁ ସୋସିଆଲ ମିଡିଆ ୟୁଜର୍ ଖୁବ୍ ପ୍ରଶଂସା କରିଛନ୍ତି । ଜଣେ ୟୁଜର ଲେଖିଛନ୍ତି, ତୁମକୁ ଅନେକ ଅନେକ ଧନ୍ୟବାଦ । ଆଉ ତୁମର ସ୍ୱାମୀ ଓ ବାପାମା’ ଏହାକୁ ସମର୍ଥନ କରିଥିବାରୁ ତାଙ୍କୁ ମଧ୍ୟ ଶୁଭେଚ୍ଛା ।
