LIVE TV
ଦେଶର ସବୁଠାରୁ ବଡ଼ ବିମାନ କମ୍ପାନୀ ଇଣ୍ଡିଗୋ ବିମାନରେ ସିଟ୍ ସିଲେକ୍ସନ ହେଲା ମହଙ୍ଗା। ଏଣିକି ମନମୁତାବକ ଗୋଟିଏ ସିଟ୍ ପାଇଁ ଯାତ୍ରୀଙ୍କୁ ସର୍ବାଧିକ ୨ ହଜାର ଟଙ୍କା ଯାଏଁ ଦେବାକୁ ପଡିବ। ବିମାନର ସିଟ୍ ସିଲେକ୍ସନ ଚାର୍ଜେସ ବଢାଇଛି ଇଣ୍ଡିଗୋ ଏୟାରଲାଇନ୍ସ। ଆଜି ହିଁ ନୂଆ ଦର ଲାଗୁ କରାଯାଇଛି। ବିମାନର 'ଏକ୍ସ ଏଲ୍' ଅର୍ଥାତ୍ ଏକ୍ସଟ୍ରା ଲେଗ୍ ରୁମ୍ ଏବଂ ପ୍ରଥମ ଧାଡିର ସିଟ୍ ଉପରେ ନୂଆ ଦର ଲାଗୁ ହେବ। ତେବେ ଏହି ନିର୍ଦ୍ଦିଷ୍ଟ ସିଟ୍ ର ମୂଲ୍ୟ ୧୪ଶହରୁ ୨ହଜାର ଭିତରେ ରହିବ ବୋଲି ଇଣ୍ଡିଗୋ ପକ୍ଷରୁ ସ୍ପଷ୍ଟ କରାଯାଇଛି।
ଏହି ଏୟାରଲାଇନ୍ସ ଏବେ ବିଭିନ୍ନ ସିଟ୍ ପାଇଁ ଭିନ୍ନ ଭିନ୍ନ ରେଟ୍ ଚାର୍ଟ କରିଛି । ଗତ ସପ୍ତାହରେ ଏହି ଦର ବୁକିଂ ସାଇଟ୍ରେ ଦେଖାଉଥିଲା । କିନ୍ତୁ ଆଜିଠୁ ସଂସ୍ଥା ପକ୍ଷରୁ ବିଦ୍ଧିବଦ୍ଧ ଭାବେ ୱେବ୍ସାଇଟ୍ରେ ମଧ୍ୟ ଏହି ଦର ଅପ୍ଡେଡ୍ କରାଯାଇଛି ।
Also Read
ଇଣ୍ଡିଗୋ ପକ୍ଷରୁ କିଛି ସିଟ୍କୁ "XL" ଭାବେ ବ୍ରାଣ୍ଡ କରାଯାଇଥାଏ । ଏହି ସିଟ୍ ଗୁଡିକ ଅତିରିକ୍ତ ଲେଗରୁମ୍ ସହିତ ଆସିଥାଏ । କିମ୍ବା ପ୍ରଥମ ଧାଡି ସିଟ୍ ଭାବେ ଗଣାଯାଇଥାଏ । ଯାହାଦ୍ୱାରା ଯାତ୍ରୀଙ୍କୁ ଶୀଘ୍ର ଓହ୍ଲାଇବା ପାଇଁ ସୁବିଧା ହୁଏ । କିନ୍ତୁ ଏହି ସିଟ୍ ଗୁଡ଼ିକର ସର୍ଭିସରେ କୌଣସି ପରିବର୍ତ୍ତନ କରିନାହିଁ ସଂସ୍ଥା ।
୧୮୦ କିମ୍ବା ୧୮୬ ସିଟ୍ ବିଶିଷ୍ଟ A320/A320neo ବିମାନ କ୍ଷେତ୍ରରେ, ଜାହାଜର ଅଧିକାଂଶ ଅଂଶ XL ରହିଛି । ଏଥିରେ ୧୮ଟି ସିଟ୍ XL ଟିକେଟ୍ ଦରରେ ଭାବରେ ବିକ୍ରି ହୁଏ । ସାଧାରଣତଃ ସମସ୍ତ XL ସିଟ୍ ବୁକିଂ ୨୦୦୦ ଟଙ୍କାରେ ବିକ୍ରି ହୁଏ ନାହିଁ । ଏହାର ଦର ୧୪୦୦ ରୁ ୨୦୦୦ ମଧ୍ୟରେ ରହିଥାଏ । |
ପୂର୍ବରୁ ୧୫୦ ରୁ ୧୫୦୦ ଟଙ୍କା ରହିଥିବା ଦର ଏବେ ସଂଶୋଧନ କରାଯାଇଛି । ଏବେ ଏହାର ମୂଲ୍ୟ ୧୫୦ ରୁ ୨୦୦୦ ଟଙ୍କା ରହିଛି । ଅନ୍ୟପଟେ ବୁକିଂ ପାଇଁ ଏବେ ବି ସଂସ୍ଥା ପକ୍ଷରୁ ମାଗଣା ସିଟ୍ ମଧ୍ୟ ଉପଲବ୍ଧ ରହିଛି । ଏହି ସିଟ୍ ଗୁଡ଼ିକ ସାଧାରଣତଃ ବିମାନର ପଛ ଆଡକୁ କିମ୍ବା ମଝିରେ ରହିଥାଏ ।
ସବୁ ସିଟ୍ ଗୁଡ଼ିକର ଦର ବୃଦ୍ଧି ଏକ ପ୍ରକାର କରାଯାଇ ନାହିଁ କାରଣ କେତେକ କ୍ଷେତ୍ରରେ ମୂଲ୍ୟ ହ୍ରାସ କରିବାର ଯୋଜନା ମଧ୍ୟ ରହିଛି । ଏମିତିକି କିଛି ସିଟ୍ର ମୂଲ୍ୟ ହ୍ରାସ ମଧ୍ୟ କରାଯାଇଛି । ATR 72-600 ଦ୍ୱାରା ପରିଚାଳିତ ବିମାନଗୁଡ଼ିକରେ ସିଟ୍ ଚୟନ କ୍ଷେତ୍ରରେ କୌଣସି ପରିବର୍ତ୍ତନ ହୋଇନାହିଁ, ଯେଉଁଥିରେ ୪୦ ରୁ ଅଧିକ ଏୟାରଲାଇନ୍ସ ରହିଛି ।
ଏୟାରବସ୍ ବିମାନରେ ଧାଡି ୨ ଏବଂ ୩ ପାଇଁ ସିଟ୍ ଚୟନ ଶୁଳ୍କ ୪୫୦ ରୁ ୪୦୦ କୁ ହ୍ରାସ କରାଯାଇଛି । A320 ବିମାନରେ ଅଧିକାଂଶ ସିଟ୍ ଏହି ଦର ରହିଛି । ୧୧ ଏବଂ ୧୪ ରୁ ୨୦ ନମ୍ବର ଧାଡି ମଧ୍ୟରେ ତଥା ୱିଣ୍ଡୋ ପାଖରେ ରହିଥିବା ସିଟ୍ ଗୁଡ଼ିକର ଦର ୨୫୦ ରୁ ବୃଦ୍ଧି ଘଟି ୪୦୦ରେ ପହଞ୍ଚିଛି ।
