ରନ୍‌ୱେରୁ ଖସିଲା ଇଣ୍ଡିଗୋ ବିମାନ: ନିଶ୍ଚିତ ଦୁର୍ଘଟଣାରୁ ବର୍ତ୍ତିଗଲେ ଯାତ୍ରୀ

ରନ୍‌ୱେରୁ ଖସିଲା ଇଣ୍ଡିଗୋ ବିମାନ । ଅଳ୍ପକେ ବର୍ତ୍ତିଲେ ଯାତ୍ରୀ । ଆସାମ ଜୋରହାଟ ବିମାନବନ୍ଦରରେ ଇଣ୍ଡିଗୋର ଏକ ବିମାନ ଉଡାଣ ଆରମ୍ଭ କରୁଥିବା ବେଳେ ରନ୍‌ୱେରୁ ଖସି ପଡିଥିଲା । ଏଥିରେ କୌଣସି ଯାତ୍ରୀ ମୃତାହତ ହୋଇଥିବା ସୂଚନା ମିଳିନି ।

IndiGo's Kolkata-bound flight skidded while taxing for take-off in Jorhat y'day. No passengers suffered injuries in the incident & a team constituted to probe the incident. During the initial inspection of the aircraft no abnormalities were observed, says IndiGo airlines. pic.twitter.com/97tLK2hHfV

— ANI (@ANI) July 29, 2022

ସୂଚନା ଅନୁସାରେ, ବିମାନଟି ଆସାମର ଜୋରହାଟରୁ କୋଲକତା ଆସିବା ପାଇଁ ସ୍ଥିର ହୋଇଥିଲା । ସେହି ସମୟରେ ହଠାତ୍‌ ବିମାନଟି ରନ୍‌ୱେରୁ ଖସିପଡିଥିଲା । ଯାତ୍ରୀମାନେ ଆତଙ୍କିତ ଅବସ୍ଥାରେ ଥିବାବେଳେ କେହି ଆହତ ହୋଇନାହଁନ୍ତି ।

ତେବେ ଇଣ୍ଡିଗୋ ବିମାନ ରନ୍‌ୱେରୁ ଖସିବା ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଛି । ଏଥିପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରାଯାଇଛି । ପ୍ରାଥମିକ ତଦନ୍ତ ବେଳେ ଏୟାରକ୍ରାଫ୍ଟରେ ସେମିତି କିଛି ତ୍ରୁଟି ଦେଖିବାକୁ ମିଳି ନଥିଲା ବୋଲି ଇଣ୍ଡିଗୋ ପକ୍ଷରୁ କୁହାଯାଇଛି ।