• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Manoranjan Behera

ଭାରତୀୟ ବାୟୁସେନାରେ ସାମିଲ ହେଲା ଏଲ୍‌ସିଏଚ୍, ଲାଇଟ୍ କମ୍ବାଟ ହେଲିକପ୍ଟର । ଏହାର ନାଁ ରଖା ଯାଇଛି ପ୍ରଚଣ୍ଡ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ଏୟାରଫୋର୍ସ ମୁଖ୍ୟ ଚିଫ୍ ଏୟାର ମାର୍ଶଲ ଭିଆର୍ ଚୌଧୁରୀଙ୍କ ଉପସ୍ଥିତିରେ ରାଜସ୍ଥାନ ଯୋଧପୁର ଏୟାରବେସ୍‌ରେ ପ୍ରଚଣ୍ଡକୁ ବାୟୁସେନାରେ ଆନୁଷ୍ଠାନିକ ଭାବେ ସାମିଲ କରାଯାଇଛି ।

ସଂପୂର୍ଣ୍ଣ ସ୍ୱଦେଶୀ ଜ୍ଞାନକୌଶଳରେ ଡିଜାଇନ ହୋଇଥିବା ପ୍ରଚଣ୍ଡ ସବୁ ପରିସ୍ଥିତିରେ କାମ କରିପାରିବ । ହିନ୍ଦୁସ୍ଥାନ ଏରୋନଟିକାଲ ଦ୍ୱାରା ନିର୍ମିତ ଏହି ହେଲିକପ୍ଟରର ଓଜନ ୫ ଦଶମିକ ୮ ଟନ୍ । ଏଥିରେ ଥିବା କ୍ଷେପଣାସ୍ତ୍ର ଟ୍ୟାଙ୍କ ଓ ଅଳ୍ପ ଉଚ୍ଚତାରେ ଉଡୁଥିବା ଯୁଦ୍ଧ ବିମାନକୁ ଧ୍ୱଂସ କରିପାରିବ । ଏହା ୫ ହଜାର ମିଟର ଉଚ୍ଚତାରେ ଉଡାଣ ଭରିବା ସହ ଯେ କୌଣସି ପରିସ୍ଥିତିରେ ଅବତରଣ କରିପାରିବ । ପ୍ରଚଣ୍ଡର ବିଶେଷତ୍ୱ ହେଲା ପାହାଡ଼ିଆ ଅଞ୍ଚଳରେ ମଧ୍ୟ ଏହା ବଢିଆ କାମ କରିଥାଏ ।

ତେଣୁ ହିମାଳୟ ଅଞ୍ଚଳରେ ଚୀନକୁ ଚେକ୍ ମେଟ୍ ଦେବ ଏହି ଲାଇଟ୍ କମ୍ବାଟ ହେଲିକପ୍ଟର । ଉଚ୍ଚ ପାର୍ବତ୍ୟାଞ୍ଚଳରେ ଶତ୍ରୁ ପକ୍ଷର ଧ୍ୱଂସ କରିବାରେ, ଜଙ୍ଗଲରେ କାଉଣ୍ଟର ଇନ୍‌ସରଜେନ୍ସି ଅପରେସନ ଏପରିକି ସହରାଞ୍ଚଳରେ ମଧ୍ୟ ଏହା ବହୁତ ଭଲ କାମ କରିବ ବୋଲି କୁହାଯାଇଛି । ପ୍ରଥମ ପର୍ଯ୍ୟାୟରେ ୯୫ଟି ଏଲ୍‌ସଏଚ୍ ଆର୍ମିକୁ ଦିଆଯିବ ଓ ୬୫ଟି ଏଲ୍‌ସଏଚ୍ ବାୟୁସେନାକୁ ଦିଆଯିବ । ବାୟୁସେନାର ପ୍ରଚଣ୍ଡକୁ ସାମିଲ କରାଯିବା ଅବସରରେ ନିଜେ ରାଜନାଥ ସିଂହ ଏହି କାଟ ହେଲିକପ୍ଟରରେ ଉଡ଼ିଛନ୍ତି ।

Other Stories