ଗଲୱାନ ଘାଟିରେ କ୍ରିକେଟ୍‌ ଖେଳିଲେ ଯବାନ

ଚୀନ ଓ ଭାରତ ମଧ୍ୟରେ ତିକ୍ତତା ଲାଗି ରହିଛି । କେତେବେଳେ ଚୀନ ତାର ସୀମାରେ ସୈନ୍ୟ ଠୁଳ କରୁଛି ତ ପୁଣି କେତେବେଳେ ଭାରତ ସୀମାକୁ ଅନୁପ୍ରବେଶ କରିବାକୁ ଚେଷ୍ଟା କରୁଛି । ପୂର୍ବରୁ ସୀମା ବିବାଦକୁ ନେଇ ଚୀନ-ଭାରତ ମଧ୍ୟରେ ମୁହାଁମୁହିଁ ହୋଇଛି । ହାତାହାତି ହେବା ସମୟରେ ଉଭୟ ଦେଶର ଯବାନମାନେ ଆହତ ଓ ନିହତ ମଧ୍ୟ ହୋଇଛନ୍ତି ।

୨୦୨୦ ଜୁନ୍‌ ମାସରେ ଚୀନ ଭାରତ ସୀମାରେ ଅନୁପ୍ରବେଶ କରିବାକୁ ଚେଷ୍ଟା କରିଥିଲା । ଆଉ ସେଥିପାଇଁ LACରେ ଉଭୟ ଦେଶର ସୈନିକମାନେ ମୁହାଁମୁହିଁ ହୋଇଥିଲେ ।

ସୂଚନା ମୁତାବକ ୨୦୨୦ରେ ଗଲୱାନ୍‌ ଘାଟିର ଯେଉଁସ୍ଥାନରେ ଚୀନ ଓ ଭାରତର ସୈନିକ ମାନେ ମୁହାଁମୁହିଁ ହୋଇଥିଲେ ସେଠାରେ ବର୍ତ୍ତମାନ ଭାରତୀୟ ଯବାନମାନେ କ୍ରିକେଟ ଖେଳିଛନ୍ତି । ଯାହାର ଫଟୋ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ANI ପକ୍ଷରୁ ଏନେଇ ଏକ ଟ୍ୱିଟ କରାଯାଇଥିବାବେଳେ କଛି ଫଟୋ ମଧ୍ୟ ଟ୍ୱିଟ୍ କରାଯାଇଛି ।

ଯେଉଁଥିରେ ଭାରତୀୟ ଯବାନ ମାନେ କ୍ରିକେଟ୍‌ ଖେଳୁଥିବା ଦେଖିବାକୁ ମିଳୁଛି । ଖାଲି ସେତିକି ନୁହେଁ ସେହି ସ୍ଥାନରେ କ୍ରିକେଟ୍‌ ଖେଳିବା ପାଇଁ ସୁନ୍ଦର ପିଚ୍‌ ସହ ଯବାନ ପ୍ଲେୟାର ମାନେ ସଜାଗ ହୋଇଛନ୍ତି । ଯବାନମାନେ କ୍ରିକେଟ୍‌ ଖେଳୁଥିବା ସ୍ଥାନଟି ଗଲୱାନ୍‌ ଘାଟି ବୋଲି କୁହାଯାଇଥିବା ବଳେ ତାହାର ସଠିକ୍‌ ସ୍ଥାନ କୁହାଯାଇନାହିଁ ।

ଆମେ ଏଠାରେ କହିରଖିବୁ ଯେ, ଗଲୱାନ୍‌ ଘାଟିର ଏହି ସ୍ଥାନ ଯେଉଁଠି ୨୦୨୦ରେ ଭାରତ ଓ ଚୀନ ସେନା ମଧ୍ୟରେ ହାତାହାତି ପରିସ୍ଥିତି ସୃଷ୍ଟି ହୋଇଥିଲା । ଯେଉଁଥିରେ ଭାରତର ୨୦ ଜଣ ଯବାନ ସହିଦ ହୋଇଥିଲେ । ଚୀନର ମଧ୍ୟ କିଛି ସୈନିକଙ୍କ ମୃତ୍ୟୁ ହୋଇଥିବା ବଳେ କିଛି ଯାବନ ଆହତ ହୋଇଥିଲେ । ହେଲେ ଚୀନ ତାର ସୈନିକଙ୍କ ମୃତ୍ୟୁସଂଖ୍ୟା ଘୋଷଣା କରିନଥିଲା ।