ଅଗ୍ନିବୀରଙ୍କୁ କୋଟିଏ ଟଙ୍କାର ସୁବିଧା

ଅଗ୍ନିପଥ ନିଯୁକ୍ତି ନେଇ ବିସ୍ତୃତ ତଥ୍ୟ ଜାରି କଲା ବାୟୁସେନା। ବେତନ, ୟୁନିଫର୍ମ ଓ ଛୁଟି ନେଇ ବିସ୍ତୃତ ତଥ୍ୟ ଦେଲା ବାୟୁସେନା।  ଅଗ୍ନିବୀରଙ୍କୁ ବାୟୁସେନାରେ କେଉଁ କେଉଁ ସୁବିଧା ସୁଯୋଗ ମିଳିବ ? ମାସିକ ବେତନଠୁ ଅାରମ୍ଭ କରି ବୀମା ଯାଏଁ ସମସ୍ତ ବ୍ୟବସ୍ଥା ସମ୍ପର୍କରେ ଗୋଟି ଗୋଟି କରି ତଥ୍ୟ ରଖିଛି ବାୟୁ ସେନା।

• ୧ କୋଟି ଟଙ୍କାର ବୀମା ସହ କ୍ୟାଣ୍ଟିନ ସୁବିଧା ପାଇବେ ଅଗ୍ନିବୀର।
• ଚାକିରିରେ ପ୍ରାଣ ହରାଇଲେ ପରିବାରକୁ ମିଳିବ ୧ କୋଟି ଟଙ୍କା।
• ଡ୍ୟୁଟି ସମୟରେ ବିକଳାଙ୍ଗ ହେଲେ ମିଳିବ ୪୪ ଲକ୍ଷ ଟଙ୍କା।
• ବର୍ଷକୁ ୩୦ ଦିନର ଛୁଟି, ଏହାବାଦ୍ ସ୍ବତନ୍ତ୍ର ମେଡିକାଲ ଛୁଟି ବି ମିଳିବ।
• ପ୍ରଥମ ବର୍ଷ ଅଗ୍ନିବୀରଙ୍କ ମାସିକ ୩୦ ହଜାର ଟଙ୍କା ଦରମା।
• ୩୦ ହଜାର ଦରମାରୁ ୨୧ ହଜାର ସିଧା ବ୍ୟାଙ୍କ ଆକାଉଣ୍ଟକୁ ଯିବ।
• ଆଉ ୯ ହଜାର ଟଙ୍କା ଅଗ୍ନିବୀର କର୍ପସ ଫଣ୍ଡକୁ ଯିବ।
• ପ୍ରତିବର୍ଷ ଦରମା ବୃଦ୍ଧି ହୋଇ ଚତୁର୍ଥ ବର୍ଷରେ ୪୦ ହଜାର ଟଙ୍କା ମିଳିବ।
• ସ୍ବତନ୍ତ୍ର ୟୁନିଫର୍ମ ରହିବ; ୪ ବର୍ଷ ପରେ ମିଳିବ ୧୦.୦୪ ଲକ୍ଷ ଟଙ୍କା

 ଜୁନ୍ ୨୪ ତାରିଖରୁ ଅଗ୍ନିପଥ ଯୋଜନାରେ ନିଯୁକ୍ତି ପ୍ରକ୍ରିୟା ଆରମ୍ଭ ହେବ। ଇଚ୍ଛୁକ ପ୍ରାର୍ଥୀ ବାୟୁସେନା ୱେବସାଇଟ୍‌ରୁ ସମସ୍ତ ତଥ୍ୟ ପାଇ ପାରିବେ।