LIVE TV
ଦେଶରେ ସାଂପ୍ରଦାୟିକ ସଂପ୍ରୀତି ପାଇଁ ପ୍ରୟାସ । ଦିଲ୍ଲୀ ମସଜିଦ୍ରେ ସର୍ବଭାରତୀୟ ଇମାମ୍ ସଂଗଠନର ମୁଖ୍ୟଙ୍କୁ ଭେଟିଲେ ଆର୍ଏସଏସ୍ ପ୍ରମୁଖ ମୋହନ ଭାଗବତ । ଆଜି ରାଷ୍ଟ୍ରୀୟ ସ୍ୱୟଂ ସେବକ ସଂଘର ମୁଖ୍ୟ ମୋହନ ଭାଗବତ ଦିଲ୍ଲୀର କସ୍ତୁରବା ଗାନ୍ଧୀ ମାର୍ଗ ଅଞ୍ଚଳରେ ଥିବା ଏକ ମସଜିଦକୁ ଯାଇ ଅଲ୍ ଇଣ୍ଡିଆ ଇମାମ୍ ଅର୍ଗାନାଇଜେସନ୍ର ମୁଖ୍ୟ ମୌଲବୀ ଉମର୍ ଅହମଦ୍ ଇଲିୟାସିଙ୍କୁ ସାକ୍ଷାତ କରିିଛନ୍ତି ।
ଆଜି ଉଭୟଙ୍କ ମଧ୍ୟରେ ପ୍ରାୟ ୧ ଘଣ୍ଟା ଧରି ରୁଦ୍ଧଦ୍ୱାର ବୈଠକ ହୋଇଥିଲା । ପରେ ଭାଗବତ ମଦ୍ରାସାକୁ ଯାଇ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ । ଏହି ଆଲୋଚନା ଅତ୍ୟନ୍ତ ସୌହ୍ୱାଦ୍ୱର୍ୟପୂର୍ଣ୍ଣ ଓ ଫଳପ୍ରଦ ହୋଇଥିବା ଉଭୟ କହିଛନ୍ତି । ଆଲୋଚନା ପରେ ଉମର ଅହମ୍ମଦ ଇଲିୟାସୀ ମୋହନ ଭାଗବତଙ୍କୁ ରାଷ୍ଟ୍ରପିତା ଏବଂ ରାଷ୍ଟ୍ରଋଷି ବୋଲି ସମ୍ବୋଧନ କରିଥିବା କିଛି ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
Also Read
ଗଲା ମାସକ ମଧ୍ୟରେ ମୁସଲିମ୍ ବୁଦ୍ଧିଜୀବୀଙ୍କ ସହ ଭାଗବତଙ୍କ ଏହା ଦ୍ୱିତୀୟ ବୈଠକ । ଏହା ପୂର୍ବରୁ ଗତ ଅଗଷ୍ଟ ୨୨ ତାରିଖରେ ୫ ଜଣ ମୁସଲିମ୍ ବୁଦ୍ଧିଜୀବୀଙ୍କୁ ସାକ୍ଷତ କରି ଦେଶର ସାଂପ୍ରଦାୟିତ ଅସ୍ଥିରତା ପ୍ରସଙ୍ଗ ନେଇ ଆଲୋଚନା କରିଥିଲେ । ସେପଟେ ଆର୍ଏସ୍ଏସ୍ର ମୁଖପାତ୍ର ସୁନୀଲ୍ ଅମ୍ବେକର୍ କହିଛନ୍ତି, ସର ସଙ୍ଘଚାଳକ ମୋହନ ଭାଗବତ ସମାଜର ସବୁ ବର୍ଗର ଲୋକଙ୍କୁ ଭେଟୁଛନ୍ତି । ଆର୍ଏସ୍ଏସ୍ ପକ୍ଷରୁ ହେଉଥିବା ନିରବଚ୍ଛିନ୍ନ ସାମଗ୍ରିକ ଆଲୋଚନାର ଏହାର ଏକ ଅଂଶବିଶେଷ ।
