LIVE TV
ଦୀପାବଳି ପୂର୍ବରୁ ପ୍ରବଳ ଟ୍ରାଫିକ୍ ଜାମ୍ । ଦିଲ୍ଲୀ -ଗୁରୁଗ୍ରାମ ଏକ୍ସପ୍ରେସ୍ ୱେରେ ଗତକାଲି ଅସମ୍ଭାଳ ଭିଡ଼ ଦେଖିବାକୁ ମିଳିଥିଲା । ଏପରିକି ରାତି ୧୨ଟା ପର୍ଯ୍ୟନ୍ତ ମଧ୍ୟ ଭିଡ଼ କମି ନଥିଲା । ଗତକାଲି ଧନତେରାସ୍ ଥିବାରୁ ଅନେକ ଲୋକ ସୁନା କିଣିବାକୁ ବଜାରକୁ ଯାଇଥିଲେ ।
ଏଥିସହ ଦୀପାବଳୀ ପାଇଁ ଅନେକ ଲୋକ ଘରମୁହାଁ ହୋଇଥିଲେ । ଏଥିଯୋଗୁ ୮ ଲେନ୍ ବିଶିଷ୍ଟ ଦିଲ୍ଲୀ-ଗୁରୁଗ୍ରାମ ଏକ୍ସପ୍ରେସ୍ ୱେରେ ହଜାର ହଜାର ଗାଡ଼ି ଚାଲିଥିଲା । ଭିଡ଼ ଏତେ ଅଧିକ ଥିଲା ଯେ କାର୍ ଗୁଡିକ ଆଗକୁ ଯିବା କଷ୍ଟକର ହୋଇପଡ଼ିଥିଲା ।
Also Read
#WATCH | Gurugram, Haryana: Traffic congestion seen on Gurgaon - Delhi Expressway ahead of #Diwali pic.twitter.com/vxoBE2Ni55
— ANI (@ANI) November 10, 2023
ସେପଟେ ପ୍ରଦୂଷଣରେ କଲବଲ ହେଉଥିବା ଦିଲ୍ଲୀବାସୀଙ୍କୁ ସାମାନ୍ୟ ଆଶ୍ୱସ୍ତି ମିଳିଛି । ନିକଟରେ ଦିଲ୍ଲୀରେ ସ୍ୱଳ୍ପ ବର୍ଷା ହୋଇଛି । ଫଳରେ ବିଜୟଚୌକ୍, କର୍ତ୍ତବ୍ୟପଥ, ରାଜଘାଟ ସମେତ ପୁରା ଅଞ୍ଚଳ ପ୍ରଦୂଷଣ ମୁକ୍ତ ଥିବା ଦେଖିବାକୁ ମିଳିଥିଲା । ଯେଉଁ ରାସ୍ତାର କିଛି ମିଟର ଯାଏ ଦେଖା ଯାଉନଥିଲା ବର୍ଷା ପରେ ଦୂର ଦୂର ଯାଏ ଏକଦମ୍ ସଫା ଦେଖିବାକୁ ମିଳିଥିଲା ।
ଭୟଙ୍କର ପ୍ରଦୂଷଣରୁ ବର୍ତ୍ତିବାକୁ ଦିଲ୍ଲୀରେ ହେବ କୃତ୍ରିମ ବର୍ଷା । ଆସନ୍ତା ୨୦ ଓ ୨୧ ତାରିଖରେ ଦିଲ୍ଲୀ ଆକାଶରୁ କୃତ୍ରିମ ବର୍ଷା ପାଇଁ ଯୋଜନା କରାଯାଉଛି । ଦିଲ୍ଲୀ ସରକାରଙ୍କ ପକ୍ଷରୁ ଅନୁଷ୍ଠିତ ଏକ ଉଚ୍ଚ ସ୍ତରୀୟ ବୈଠକ ପରେ ଦିଲ୍ଲୀ ପରିବେଶ ମନ୍ତ୍ରୀ ଏହି ସୂଚନା ଦେଇଛନ୍ତି ।
