LIVE TV
ଗତ କିଛିଦିନ ତଳେ ପାଣି ବିନା ହନ୍ତସନ୍ତ ହେଉଥିବା ବେଙ୍ଗାଲୁରୁ ଆଜି ପାଣି ବହୁଳ ପାଲଟିଛି । ପ୍ରବଳ ବର୍ଷା ଫଳରେ ବେଙ୍ଗାଲୁରୁର ରାସ୍ତାଘାଟ ସବୁ ବୁଡ଼ି ଯାଇଛି । ଗତ ସୋମବାର ଦିନ ବେଙ୍ଗାଲୁରୁରେ ପ୍ରବଳ ବର୍ଷା ହୋଇଥିଲା । ଫଳରେ ରାସ୍ତାରେ ଟ୍ରାଫିକ ସମସ୍ୟା ଉପୁଜିବା ସହ ପୂରା ସହର ପାଣି ପାଣି ହୋଇଯାଇଥିଲା ।
ଗତକାଲି ଅପରାହ୍ନରୁ ଆରମ୍ଭ ହୋଇ ସନ୍ଧ୍ୟା ପର୍ଯ୍ୟନ୍ତ ଲାଗି ରହିଥିବା ଏହି ବର୍ଷା ଫଳରେ ସହରର ଅଧିକାଂଶ ଜାଗାରେ ଆଣ୍ଠୁଏ ଉପରେ ପାଣି ଜମି ରହିଥିଲା । ଗତ କିଛିଦିନ ତଳେ ବେଙ୍ଗାଲୁରୁର ପାଣି ସମସ୍ୟା ସମସ୍ତଙ୍କୁ ଚିନ୍ତାରେ ପକାଇଥିଲା । ସିଟି ଅଫ ଲେକ୍ସ ଭାବେ ପରିଚିତ ଥିବା ବେଙ୍ଗାଲୁରୁର ଜଳ ସଂକଟ ଚରମ ସୀମାରେ ପହଞ୍ଚିଥିଲା । ଏହାକୁ ନେଇ ସାରା ଦେଶରେ ମଧ୍ୟ ଚର୍ଚ୍ଚା ହୋଇଥିଲା।
ସ୍ଥିତି ଏପରି ହୋଇଥିଲା ଯେ, ସ୍କୁଲ-କୋଚିଂ ସେଣ୍ଟର ବନ୍ଦ ହୋଇଯାଇଥିଲା । ଅଧିକାଂଶ ଅଫିସ୍ ୱାର୍କ ଫ୍ରମ୍ ହୋମ୍ କରିଦିଆଯାଇଥିଲା। କାର୍ ଧୋଇବା, ଉଦ୍ୟାନ, ନିର୍ମାଣ କାମରେ ପାନୀୟ ଜଳ ବ୍ୟବହାର କରିବାକୁ ମନା ଥିଲା । ୱାଟର ଫାଉଣ୍ଟେନ, ରାସ୍ତା ନିର୍ମାଣ କାମରେ ବି ପାଣି ବ୍ୟବହାର କରାଯାଉନଥିଲା । କିନ୍ତୁ ବର୍ତ୍ତମାନ ସ୍ଥିତି ଭିନ୍ନ ହୋଇଯାଇଛି । ପ୍ରବଳ ବର୍ଷା ଫଳରେ ମୁଖ୍ୟ ରାସ୍ତାରେ ଯାତାୟାତ ବନ୍ଦ ରହିଛି ।
Also Read
Today, due to rain, we had heavy water logging at 33 locations and tree fall at 16 locations. This has caused considerable traffic congestion at several places. BTP is working round the clock to ensure smooth traffic movement. Temporary traffic diversions are in place. Public are…
— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) May 6, 2024
ଫଳରେ ଯାତ୍ରୀମାନେ ଘଣ୍ଟା ଘଣ୍ଟା ଧରି ଟ୍ରାଫିକ ସମସ୍ୟା ଭୋଗିଛନ୍ତି । ପାଣି ପାଇଁ ଅଧିକ ପ୍ରଭାବିତ ହୋଇଥିବା ଅଞ୍ଚଳ ମଧ୍ୟରେ କୋରାମଙ୍ଗାଲା, ଏମଜି ରୋଡ୍, ଇନ୍ଦିରାନଗର ଏବଂ ହ୍ୱାଇଟ୍ ଫିଲ୍ଡ ରହିଛି । ପ୍ରବଳ ବର୍ଷା ଫଳରେ ସ୍ଥାନେ ସ୍ଥାନେ ଗଛ ମଧ୍ୟ ଉପୁଡ଼ି ପଡ଼ିଥିବା ଦେଖିବାକୁ ମିଳିଥିଲା । ଟ୍ରାଫିକ ସମସ୍ୟା ସହ ପ୍ରବଳ ବର୍ଷା ପାଇଁ ସହରର ବିଭିନ୍ନ ସ୍ଥାନରେ ବିଦ୍ୟୁତ ସରବରାହ ମଧ୍ୟ ବନ୍ଦ ରହିଥିଲା ।
ଏହାକୁ ନେଇ ସୋସିଆଲ ମିଡିଆ ସାଇଟ X ରେ ଅସନ୍ତୋଷ ଝାଡ଼ିଛନ୍ତି ୟୁଜର୍ସ । ଏହାର ଉତ୍ତରରେ କୁହାଯାଇଛି ଯେ, ବର୍ଷା ପାଇଁ ୩୩ଟି ସ୍ଥାନରେ ଜଳବନ୍ଦୀ ହେବା ସହ ୧୬ଟି ସ୍ଥାନରେ ଗଛ ଉପୁଡ଼ି ପଡ଼ିଥିଲା । ଜନସାଧାରଣ ସହଯୋଗ କରିବାକୁ ଅନୁରୋଧ କରାଯାଉଛି । ମାତ୍ର କିଛି ଦିନ ତଳେ ପାଣିର ଘୋର ଅଭାବ ଦେଖାଦେଇଥିଲା । ସ୍ଥିତି ଏପରି ହୋଇଥିଲା ଯେ, ପାଣି ଅମୂଲ ମୂଲ ପାଲଟିଯାଇଥିଲା । ଏପରିକି ନିତ୍ୟକର୍ମ ସାରିବାକୁ ଲୋକଙ୍କୁ ମଲ୍ ଯିବାକୁ ପଡୁଥିଲା।
“ಸಂಚಾರ ಸಲಹೆ “
— ಬೆಂಗಳೂರು ಸಂಚಾರ ಪೊಲೀಸ್ BengaluruTrafficPolice (@blrcitytraffic) May 7, 2024
ಹೂಡಿ ಮೆಟ್ರೋ ಸ್ಟೇಷನ್ ಹತ್ತಿರ ಮರ ಬಿದ್ದಿರುವ ಕಾರಣ Y -ಜಂಕ್ಷನ್ ಕಡೆಗೆ ನಿಧಾನಗತಿಯ ಸಂಚಾರವಿರುತ್ತದೆ. ಅದನ್ನು ಶೀಘ್ರದಲ್ಲೇ ತೆರವುಗೊಳಿಸಲಾಗುವುದು, ದಯಮಾಡಿ ಸಹಕರಿಸಿ.
"Traffic advisory”
Slow-moving traffic due to a Tree has fallen at Hoodi Metro Station towards Y Junction. it will be… pic.twitter.com/BWZ3v5AgYU
ଚାରି ପାଞ୍ଚ ଦିନରେ ଥରେ ଲୋକେ ଗାଧୋଉଥିଲେ । ଲୋକଙ୍କୁ କେବଳ ଟ୍ୟାଙ୍କର୍ ଯୋଗେ ପାଣି ଯୋଗାଉଥିଲା ପ୍ରଶାସନ । କେଉଁଠି ସପ୍ତାହରେ ଥରେ ଲୋକଙ୍କୁ ୨ ଘଣ୍ଟା ଲାଗି ପାଣି ଯୋଗା ଯାଉଥିଲା ତ କେଉଁଠି ରୋଷେଇ, ଗାଧୁଆ ଓ ଶୌଚ ପାଇଁ ବି ପାଣିର ଅଭାବ ଥିଲା । ଏପରି ସ୍ଥଳରେ ବେଙ୍ଗାଲୁରୁରେ ଏ ବର୍ଷା ବିତ୍ପାତ ମଧ୍ୟ ଲୋକଙ୍କ ଦୁର୍ଦ୍ଦଶାକୁ କମାଇ ପାରିନାହିଁ ।
