ବନ୍ଧକ ରଖି ଅକଥନୀୟ ନିର୍ଯାତନା ଦେଉଥିଲା ସ୍ୱାମୀ ! ଚାରି ବର୍ଷରେ ହାଡ଼ ଆଉ ଚର୍ମର ଢ଼ାଞ୍ଚାରେ ପରିଣତ ହେଲେ ୨୫ ବର୍ଷୀୟ ମହିଳା

ଗ୍ୱାଲିଅର : ବନ୍ଦ କୋଠରୀରେ ଚାରି ବର୍ଷ । ଶୁଖିଲା ରୁଟି ଆଉ ମେଞ୍ଚା ମେଞ୍ଚା ବହଳ ଅନ୍ଧାରରେ ନର୍କ ପାଲଟି ଯାଇଥିଲା ଜୀବନ । ସ୍ୱାମୀ ପାଲଟି ଯାଇଥିଲା ରାକ୍ଷସ, ଆଉ ଶାଶୂଘର ଲୋକେ ତା’ ଠାରୁ ବି ହୀନ । ବିବାହ କରି କଳାପାଣି ସଜା କାଟିଲେ ମହିଳା । ମାତ୍ର ୨୫ ବର୍ଷ ବୟସରେ ୬୦ ବର୍ଷର ବୟସ୍କ ମହିଳା ପରି ଦେଖାଯାଉଛନ୍ତି ପୀଡ଼ିତା । ଦେହରେ ମାଂସ ବୋଲି କିଛି ନାହିଁ । ହାଡ଼ ଦୁଇ ଖଣ୍ଡ ଗଣି ହୋଇଯାଉଛି । ବିବାହ ସମୟର ସୁନ୍ଦର ଚେହେରା ଆଉ ନାହିଁ, ଚମ ଲୋଚାକୁଚା ହୋଇଗଲାଣି । ବେଡରେ ଅସହାୟ ହୋଇ ପଡ଼ି ରହିଛନ୍ତି । ଗ୍ୱାଲିଅରରେ ଏପରି ଏକ ଅମାନବୀୟ ଘଟଣା ଘଟିଛି ।

ଜଣେ ୨୫ ବର୍ଷୀୟ ମହିଳାଙ୍କୁ ଶାଶୂଘର ଲୋକ ଚାରି ବର୍ଷ ଧରି ବନ୍ଧକ ରଖିଛନ୍ତି । ବିବାହ ପର ଠାରୁ ଦିନେ ହେଲେ ପେଟ ପୂରା ଖାଇବାକୁ ଦେଇନାହାନ୍ତି । ଏତେ ନିର୍ଯାତନା ପରେ ଆଜି ମହିଳା ଜଣକ ଅସୁସ୍ଥ ହୋଇ ପ୍ରକୃତ ବୟସ ଠାରୁ ଦୁଇ ଗୁଣ ଅଧିକ ଦେଖାଯାଉଛନ୍ତି । ରୋଗୀଣା ପରି ଦେଖାଯାଉଥିବା ସେହି ମହିଳାଙ୍କ ଭିଡିଓ ଭାଇରାଲ ହେବା ପରେ ପୋଲିସ ତାଙ୍କୁ ଡାକ୍ତରଖାନାରେ ଭର୍ତ୍ତି କରି ତାଙ୍କ ଶାଶୂଘର ଲୋକଙ୍କ ବିରୋଧରେ ଯୌତୁକ ନିର୍ଯାତନା ମାମଲା ରୁଜୁ କରିଛି ।

ग्वालियर: 25 साल की युवती को ससुराल वालों ने चार साल से बंधक बनाकर रखा, कभी पेट भर खाना नहीं दिया। आज इतनी बीमार है कि वह अपनी वास्तविक उम्र से दोगुना आयु की लगती है। वीडियो वायरल होने पर पुलिस ने उसे अस्पताल में दाखिल कर ससुराल वालों पर दहेज प्रताड़ना का मामला दर्ज किया है।#MP pic.twitter.com/Eltg888JdH

— Hindustan (@Live_Hindustan) December 13, 2021

ଗ୍ୱାଲିଅରରେ ଜଣେ ମହିଳା ଏକ ଘରେ ଚାରି ବର୍ଷ ଧରି ବନ୍ଧକ ରଖିବାର ଏକ ଯନ୍ତ୍ରଣାଦାୟକ କାହାଣୀ ସାମ୍ନାକୁ ଆସିଛି । ମହିଳାଙ୍କୁ ତାଙ୍କ ସ୍ୱାମୀ ଏବଂ ଶାଶୂ ଘର ଲୋକ ଚାରି ବର୍ଷ ଧରି ବନ୍ଧକ ରଖିଥିଲେ । କେବଳ ଘର କାମ ପାଇଁ ମହିଳାଙ୍କୁ ବାହାରକୁ ଆସିବାକୁ ଦେଉଥିଲା ରାକ୍ଷସ ସ୍ୱାମୀ, ଆଉତା’ ପରେ ପୁଣି ତାଙ୍କୁ ବନ୍ଦ କୋଠରୀରେ ବନ୍ଦ କରି ଦିଆଯାଉଥିଲା । କେବଳ ଏତିକି ନୁହେଁ ପଶୁ ଠାରୁ ବି ତାଙ୍କୁ ହୀନ ବ୍ୟବହାର କରାଯାଉଥିଲା । ଠିକରେ ଖାଇବା ପିଇବାକୁ ଦେଉନଥିଲେ ପରିବାର ଲୋକ । ଚାରି ବର୍ଷ ଧରି ସେ ଏକ କୋଠରୀରେ ଜେଲ ଦଣ୍ଡ କାଟିଛନ୍ତି । ଫଳରେ ସେ ଯକ୍ଷ୍ମା ରୋଗର ଶିକାର ହୋଇଥିଲେ।

ବର୍ତ୍ତମାନ ସେହି ମହିଳାଙ୍କୁ ମାତ୍ର ୨୫ବର୍ଷ ବୟସ ହୋଇଛି, କିନ୍ତୁ ସ୍ୱାମୀ, ଶାଶୂ ଓ ଶ୍ୱଶୁରଙ୍କ ନିର୍ଯାତନା ପାଇଁ ଦୁଇଗୁଣ ବୟସର ଦେଖାଯାଉଛନ୍ତି । ବିବାହର ଚାରି ବର୍ଷ ପରେ ମହିଳା ଜଣକ ସ୍ୱାମୀଙ୍କ ଅତ୍ୟାଚାର ବିରୁଦ୍ଧରେ ସ୍ୱର ଉତ୍ତୋଳନ କରିଥିଲେ । ପୀଡ଼ିତାଙ୍କ ଅଭିଯୋଗ ଆଧାରରେ ସ୍ୱାମୀ ଏବଂ ଶାଶୁଶୂଙ୍କ ବିରୋଧରେ ଆକ୍ରମଣ, ଯୌତୁକ ନିର୍ଯାତନା ମାମଲା ରୁଜୁ କରାଯାଇଛି । ନିର୍ଯାତନାର କାହାଣୀ ଯେପରି କାହାକୁ କହିପାରିବେନି, ସେଥିପାଇଁ ମହିଳାଙ୍କ ସ୍ୱାମୀ ତାଙ୍କୁ ବନ୍ଧକ ରଖିଥିଲେ ବୋଲି କହିଛନ୍ତି । ପଡୋଶୀଙ୍କ ସହ କଥାବାର୍ତ୍ତା କରି ଘରକୁ ଖବର ଦେଇଦେବେ ବୋଲି ଗୋଡେ ଗୋଡ଼େ ଜଗି ରହୁଥିଲେ ।

୧୪ ଜାନୁୟାରୀ ୨୦୧୮ରେ କଟିଘାଟିର ଗୁଲଫାମ ଖାନଙ୍କୁ ବିବାହ କରିଥିଲେ ପୀଡ଼ିତା ସୋନିଆ । ରାକ୍ଷସ ସ୍ୱାମୀ ଗୁଲଫାମ ଏକ ଦୋକାନରେ କାମ କରୁଥିଲେ । ବିବାହ ସମୟରେ ସୋନିଆଙ୍କ ବାପଘର ଲୋକେ ଜ୍ୱାଇଁକୁ ଏକ ବାଇକ୍ ଦେଇଥିଲେ । ହେଲେ ଯୌତୁକରେ ମିଳିଥିବା ବାଇକକୁ ସ୍ୱାମୀ ବିକ୍ରି କରିଦେଇଥିଲେ ଗୁଲଫା । ଆଉ ତା’ପରେ ଘରୁ ଏକ କାର ଆଣିବାକୁ କହି ସୋନିଆଙ୍କୁ ଉନିର୍ଯାତନା ଦେବା ଆରମ୍ଭ କରିଥିଲେ ।

ସୋନିଆ ଏହାର ବିରୋଧର କରିବାରୁ ତାଙ୍କୁ ମାଡ଼ ମାରିବା ଆରମ୍ଭ କଲେ । ଘରର ଚାକରାଣୀ ପରି ବ୍ୟବହାର କଲେ । ତାଙ୍କୁ ଗୋଟିଏ କୋଠରୀରେ ବନ୍ଧକ ରଖା ଯାଇଥିଲା । ଘର କାମ ପାଇଁ ସକାଳେ ତାଙ୍କୁ ବାହାରକୁ ବାହାରିବାକୁ ଅନୁମତି ଦିଆଯାଇଥିଲା । ଏହା ପରେ ସେ କୋଠରୀରେ ତାଲା ପକାଇ ରଖୁଥିଲେ ତାଙ୍କ ସ୍ୱାମୀ । ପୁଣି ସନ୍ଧ୍ୟାରେ କାମ କରିବା ପାଇଁ ସୋନିଆଙ୍କୁ ବାହାରକୁ ଅଣାଯାଉଥିଲା । ପ୍ରାୟ ଚାରି ବର୍ଷ ଧରି ଏହିପରି ହୋଇଥିଲା ।

ହେଲେ ଏବେ ଦୁଇ ଦିନ ପୂର୍ବରୁ ତାଙ୍କ ମାଆ ସ୍ୱାମୀଙ୍କ ଅନୁପସ୍ଥିତିରେ ସୋନିଆଙ୍କୁ ବାହାରକୁ ଆଣିଛନ୍ତି । ଏହା ପରେ ଶାଶୂଘର ଲୋକଙ୍କ ବିରୋଧରେ ପୋଲିସ ଷ୍ଟେସନରେ ଅଭିଯୋଗ କରିଛନ୍ତି । ଅଭିଯୁକ୍ତ ସ୍ୱାମୀ ଗୁଲଫାମଙ୍କ ବିରୋଧରେ ପୋଲିସ ମାମଲା ରୁଜୁ କରିଛି ।