LIVE TV
ଟଙ୍କା ଓ ସଂପତ୍ତି ପାଇଁ ଅନେକ ସମୟରେ ସମ୍ପର୍କରେ ଫାଟ ଦେଖାଦିଏ। ସଂପତ୍ତି ପାଇଁ ଭାଇ ବି ଭଗାରୀ ସାଜେ। ହେଲେ ଦମ୍ପତି ନିଜର ୨୦୦କୋଟିର ସଂପତ୍ତି ଦାନ କରିଦେଇ ସନ୍ନ୍ୟାସ ଧର୍ମ ଆପଣାଇଛନ୍ତି। ପାଖରେ କୋଟି କୋଟି ଟଙ୍କା ସହ ସମସ୍ତ ସୁଖ ସୁବିଧା ଥାଇ ମଧ୍ୟ ସେ ସବୁକୁ ତୁଚ୍ଛ କରିଛନ୍ତି । ପୂର୍ବରୁ ସେମାନଙ୍କର ପୁଅ-ଝିଅ ମଧ୍ୟ ସନ୍ନ୍ୟାସ ଧର୍ମ ଗ୍ରହଣ କରିସାରିଛନ୍ତି।
ଗୁଜରାଟର ଦମ୍ପତି ୨୦୦କୋଟିର ସମ୍ପତ୍ତି ଦାନ କରି ସନ୍ନ୍ୟାସୀ ହୋଇଛନ୍ତି । ସାବରକାଣ୍ଠା ଜିଲ୍ଲା ହିମ୍ମତନଗର ବ୍ୟବସାୟୀ ଭବେଶ ଭଣ୍ଡାରୀ ଓ ତାଙ୍କ ପତ୍ନୀ ସାଂସାରିକ ମୋହ ତ୍ୟାଗ କରି ସନ୍ନ୍ୟାସ ମାର୍ଗ ଆପଣେଇଛନ୍ତି ।ଏବେ ସେମାନେ ପରିତ୍ରାଣ ପାଇଁ ଯାତ୍ରା କରିବାକୁ ଯୋଜନା କରିଛନ୍ତି। ଫେବୃଆରୀରେ ଏକ ସମାରୋହରେ ଭବେଶ ଓ ତାଙ୍କ ପତ୍ନୀ ସେମାନଙ୍କର ସମସ୍ତ ସମ୍ପତ୍ତି ଦାନ କରିଥିଲେ ଏବଂ ଏହି ମାସ ଶେଷରେ ଏକ କାର୍ଯ୍ୟକ୍ରମରେ ଆନୁଷ୍ଠାନିକ ଭାବରେ ସନ୍ନ୍ୟାସୀ ପାଲଟିଯିବେ।
Also Read
ଅଧିକ ପଢ଼ନ୍ତୁ: ସନ୍ନ୍ୟାସ ନେଲେ କୋଟିପତି ଘରର ୯ ବର୍ଷୀୟା ଝିଅ
ଭବେଶଙ୍କର ୧୬ ବର୍ଷୀୟ ପୁଅ ଓ ୧୯ ବର୍ଷୀୟା ଝିଅ ୨୦୨୨ରେ ଜୈନ ଦୀକ୍ଷା ନେବାକୁ ନିଷ୍ପତ୍ତି ନେଇଥିଲେ । ଉଭୟ ସେମାନଙ୍କ ପିଲାମାନଙ୍କ ଦ୍ୱାରା ଅନୁପ୍ରାଣିତ ହୋଇ ଏସବୁ ତ୍ୟାଗ କରିବା ପାଇଁ ନିଷ୍ପତ୍ତି ନେଇଥିବା ସ୍ଥାନୀୟ ଲୋକ କହିଛନ୍ତି।
ଏପ୍ରିଲ୍ ୨୨ତାରିଖରେ ଶପଥ ନେବା ପରେ ଦମ୍ପତିଙ୍କୁ ସମସ୍ତ ପାରିବାରିକ ସମ୍ପର୍କ ଛିନ୍ନ କରିବାକୁ ପଡିବ ଏବଂ ସେମାନଙ୍କୁ କୌଣସି ବସ୍ତୁବାଦୀ ଜିନିଷ ରଖିବାକୁ ଦିଆଯିବ ନାହିଁ। ଏହା ପରେ ସେମାନେ ଖାଲି ପାଦରେ ଚାଲିବା ସହ ଭିକ୍ଷା ବୃତ୍ତି କରି ଜୀବନ ଅତିବାହିତ କରବେ।ସେମାନଙ୍କୁ କେବଳ ଦୁଇଟି ଧଳା ପୋଷାକ, ଭିକ୍ଷା ପାଇଁ ଏକ ପାତ୍ର ଏବଂ ଏକ "ରାଜୋହରନ୍" ପ୍ରଦାନ କରାଯିବ।
ଧନୀ ତାଲିକାରେ ଭଣ୍ଡାରି ପରିବାରର ନାଁ ଆସେ। ଏବେ ଏହି ନିଷ୍ପତ୍ତି ସମସ୍ତଙ୍କର ଦୃଷ୍ଟି ଆକର୍ଷଣ କରିଛି। ଭଣ୍ଡାରୀ ଦମ୍ପତି, ଅନ୍ୟ ୩୫ ଜଣଙ୍କ ସହିତ ଚାରି କିଲୋମିଟର ବ୍ୟାପି ଏକ ଶୋଭାଯାତ୍ରା କରିଥିଲେ ଯେଉଁଠାରେ ସେମାନେ ମୋବାଇଲ୍ ଫୋନ୍ ଏବଂ ଏୟାର କଣ୍ଡିସନର ସମେତ ସମସ୍ତ ସମ୍ପତ୍ତି ଦାନ କରିଥିଲେ।
ତାଙ୍କର ଜଣେ ସଂପର୍କୀୟ କହିଛନ୍ତି, ଜୈନ ସମାଜରେ ଦୀକ୍ଷାର ଖୁବ୍ ମହତ୍ତ୍ୱ ରହିଛି । ଦୀକ୍ଷା ଗ୍ରହଣ କରିଥିବା ବ୍ୟକ୍ତିକୁ ଭିକ୍ଷା ମାଗି ଜୀବନଯାପନ କରିବାକୁ ପଡ଼େ । ସମସ୍ତ ସୁଖ ସୁବିଧା ତ୍ୟାଗ କରିବାକୁ ପଡ଼େ । ସମଗ୍ର ଦେଶରେ ଖାଲି ପାଦରେ ଭ୍ରମଣ କରିବାକୁ ପଡ଼େ । ସନ୍ନ୍ୟାସୀ ହେବାକୁ ଯାଉଥିବା ଭବେଶଙ୍କର ୪ କିମି ଲମ୍ବା ଶୋଭାଯାତ୍ରା ଖୁବ୍ ଧୂମ୍ଧାମରେ ହୋଇଛି । ଆସନ୍ତା ୨୨ ତାରିଖରେ ହିମ୍ମତନଗର ରିଭର ଫ୍ରଣ୍ଟ୍ରେ ଭଣ୍ଡାରୀ ପରିବାର ସମେତ ୩୫ ଜଣ ସନ୍ନ୍ୟାସ ନେବେ ।
ଗତ ବର୍ଷ ଗୁଜୁରାଟରେ କୋଟିପତି ହୀରା ବ୍ୟବସାୟୀ ଏବଂ ତାଙ୍କ ପତ୍ନୀ ମଧ୍ୟ ତାଙ୍କ ୧୨ ବର୍ଷର ପୁଅ ସନ୍ନ୍ୟାସ ନେବାର ୫ବର୍ଷ ପରେ ସନ୍ନ୍ୟାସ ଗ୍ରହଣ କରିଥିଲେ। ୨୦୧୭ରେ, ମଧ୍ୟପ୍ରଦେଶର ଜଣେ ଧନୀ ଦମ୍ପତି ୧୦୦କୋଟିର ସମ୍ପତ୍ତି ଦାନ କରିବା ପରେ ତିନି ବର୍ଷର ଝିଅକୁ ଛାଡି ସନ୍ନ୍ୟାସ ନେଇଥିଲେ।
