LIVE TV
ନୂଆଦିଲ୍ଲୀ: ସୁନା ଓ ରୂପା କିଣିବା ପାଇଁ ଆପଣ ଇଚ୍ଛା ରଖିଛନ୍ତି କି? ତେବେ ଆଜି ହିଁ କିଣିନିଅନ୍ତୁ। କାରଣ ସୁନା ଓ ରୂପା ଦାମ୍ରେ ଆଜି ହ୍ରାସ ହୋଇଛି। ତେଣୁ ଯଦି ଆପଣ ଆଜି କିଣିବେ ତେବେ ନିଶ୍ଚିତ ଭାବରେ ଲାଭରେ ରହିବେ। ସୂଚନା ଅନୁସାରେ, ସେପ୍ଟେମ୍ବର ୧୬ ତାରିଖ ଅର୍ଥାତ୍ ଆଜି ଆନ୍ତର୍ଜାତୀୟ ବଜାରରେ ସୁନାର ମୂଲ୍ୟ ହ୍ରାସ ହୋଇଥିବା ନେଇ ସୂଚନା ରହିଛି। ଏହାସହ ଟଙ୍କା ମୂଲ୍ୟରେ ମଧ୍ୟ ହ୍ରାସ ହୋଇଛି। ଆଉ ଆଜି ଜାତୀୟ ରାଜଧାନୀ ଦିଲ୍ଲୀରେ ସୁନା ପ୍ରତି ୧୦ ଗ୍ରାମ୍ ପ୍ରତି ୪୫,୭୩୫ ଟଙ୍କା ରହିଛି।
ଆନ୍ତର୍ଜାତୀୟ ବଜାରରେ ସୁନା ଅନ୍ସ ପିଛା ୧୭୮୬ ଡଲାରରେ କମ୍ ଥିଲା ଏବଂ ରୂପା ଅନ୍ସ ପ୍ରତି ୨୩.୬୦ ଡଲାରରେ ଫ୍ଲାଟ ରହିଥିଲା | ଇଣ୍ଡିଆନ୍ ବୁଲିଅନ୍ ଜୁଏଲର୍ସ ଆସୋସିଏସନର ୱେବସାଇଟ୍ ଅନୁଯାୟୀ, ଗତକାଲି ସୁନା ଦଶ ଗ୍ରାମ ପିଛା ୪୭,୨୫୫ ଟଙ୍କା ରହିଥିଲା। ଏଥି ସହିତ, ଆଜି ସକାଳେ ଏହା ଦଶ ଗ୍ରାମ ପ୍ରତି ୪୬,୮୩୯ ଟଙ୍କାରେ ଆରମ୍ଭ ହୋଇଥିଲା। ତେବେ ଆଜି ଦଶ ଗ୍ରାମ ପ୍ରତି ସୁନା ପାଖାପାଖି ୫୦୦ ଟଙ୍କା ହ୍ରାସ ପାଇଛି। ଅବଶ୍ୟ, ଏହା ପରେ ମଧ୍ୟ ସୁନା ଏହାର ସର୍ବକାଳୀନ ତୁଳନାରେ ୧୦ ଗ୍ରାମ ପିଛା ପ୍ରାୟ ୯ ହଜାର ଟଙ୍କା ଶସ୍ତାରେ ବିକ୍ରି ହେଉଛି।
Also Read
ଅଗଷ୍ଟ ୨୦୨୦ ରେ ସୁନା ଏହାର ସର୍ବକାଳୀନ ରେକର୍ଡ଼ ହାସଲ କରିଥିଲା | ସେତେବେଳେ ସୁନା ଦଶ ଗ୍ରାମ ପିଛା ୫୬,୨୦୦ ଟଙ୍କା ସ୍ତରକୁ ଯାଇଥିଲା। ଏଥି ସହିତ ଆଜି ରୂପା ହାର କିଲୋଗ୍ରାମ ପିଛା ୬୨,୫୩୨ ଟଙ୍କା ରହିଛି। ଗତକାଲି ରୂପା କିଲୋଗ୍ରାମ ୬୩ ହଜାର ୦୮୧ ଟଙ୍କା ରହିଥିଲା। ସୁନା ପରି ରୂପାରେ ମଧ୍ୟ ୫୮୦ ଟଙ୍କା ଶସ୍ତା ହୋଇଥିବା ନେଇ ସୂଚନା ରହିଛି। ଏଠାରେ ସ୍ପଷ୍ଟ ଭାବରେ କହିରଖୁଛୁ ଯେ, ଆଗାମୀ ଦିନରେ ମଧ୍ୟ ସୁନା ଏବଂ ରୂପା ଦର ହ୍ରାସ ହେବାର ସମ୍ଭାବନା ରହିଥିବା ବିଭିନ୍ନ ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି କିନ୍ତୁ କେତେ ପରିମାଣରେ କମିବ ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ।
