LIVE TV
ଆରବ ସାଗରରେ ବଡ଼ଧରଣର ଅଘଟଣ ଘଟିଛି। ୯ ଜଣଙ୍କୁ ନେଇ ଯାଉଥିବା ପବନ ହଂସ ହେଲିକପ୍ଟର ସମୁଦ୍ର ମଝିରେ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ଜଣେ ଓଡ଼ିଆଙ୍କ ସମେତ ୪ ଜଣଙ୍କ ମୃତ୍ୟୁ ଘଟିଥିବା ସୂଚନା ମିଳିଛି। ସମସ୍ତ ମୃତକ ONGCର ଅଧିକାରୀ ବୋଲି ଜଣାପଡ଼ିଛି।
ମୃତକଙ୍କ ନାଁ ମୁକେଶ ପଟେଲ୍ , ବିଜୟ ମଣ୍ଡଲୋଇ, ସତ୍ୟମ୍ବଦ ପାତ୍ର ଓ ସଞ୍ଜୁ ଫ୍ରାନ୍ସିସ୍। ଏନେଇ ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ୍ ମନ୍ତ୍ରୀ ହରଦୀପ ସିଂ ପୁରୀ ଟ୍ୱିଟ୍ କରି ସୂଚନା ଦେଇଛନ୍ତି। ONGCର ଜିଓଲୋଜିଷ୍ଟ ବା ଭୂତତ୍ତ୍ୱବିତ୍ ସତ୍ୟମ୍ବଦ ପାତ୍ର ଓଡ଼ିଶାର ବୋଲି ସୂଚନା ମିଳିଛି। ଆରବ ସାଗରରେ ଜରୁରୀକାଳୀନ ଅବତରଣ(ଏମରଜେନ୍ସି ଳ୍ୟାଣ୍ଡିଂ) ବେଳେ ହେଲିକପ୍ଟରଟି କ୍ରାଶ୍ ହୋଇଯାଇଥିଲା।
ONGCର ୪ ଅଧିକାରୀଙ୍କୁ ଅଚେତ ଅବସ୍ଥାରେ ଭାରତୀୟ ନୌସେନା ଉଦ୍ଧାର କରି ହସ୍ପିଟାଲ୍ରେ ଭର୍ତ୍ତି କରିଥିଲେ। ହେଲେ ସେମାନଙ୍କର ଜୀବନ ରକ୍ଷା କରାଯାଇପାରିନଥିଲା। ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ONGC ପକ୍ଷରୁ ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି।
