ଦୁର୍ଘଟଣା ପରେ କାର୍‌ରେ ଲାଗିଲା ନିଆଁ, ଜୀଅନ୍ତା ଜଳିଗଲେ ଗୋଟିଏ ପରିବାରର ୫ ଜଣ

ଦୁର୍ଘଟଣା ପରେ ହୁତୁ ହୁତୁ ହୋଇ ଜଳିଗଲା କାର୍। ଆଉ ଗାଡ଼ି ଭିତରେ ଥିବା ଗୋଟିଏ ପରିବାରର ୫ ଜଣ ଜୀଅନ୍ତା ଜଳିଗଲେ। ଛତିଶଗଡ଼ର ରାଜନନ୍ଦଗାଓଁ ଜିଲ୍ଲାରେ ଏହି ଅଭାବନୀୟ ଘଟଣା ଘଟିଛି। ମୃତକଙ୍କ ମଧ୍ୟରେ ୩ ଜଣ ଶିଶୁ ଅଛନ୍ତି। ଗତକାଲି ବିଳମ୍ବିତ ରାତିରେ ଏହି ଘଟଣା ଘଟିଛି। 

ସୂଚନା ଅନୁସାରେ, ଖଇରାଗଡ଼ର ସୁବାସ କୋଚର, ପତ୍ନୀ ଓ ୩ ଝିଅଙ୍କ ସହ ବାଲୋଡରୁ ଖଇରାଗଡ଼ କାର୍‌ରେ ଫେରୁଥିଲେ। ଗାଡ଼ିଟି ଭାରସାମ୍ୟ ହରାଇ ସିଙ୍ଗାରପୁର ନିକଟରେ ଗଣେଶ ମନ୍ଦିର ନିକଟରେ କଲର୍ଭଟରେ ପିଟି ହୋଇ ଓଲଟି ପଡ଼ିଥିଲା। ଦୁର୍ଘଟଣା ପରେ ଗାଡ଼ି ଜଳି ଯାଇଥିଲା। ଫଳରେ ଗାଡ଼ି ଭିତରେ ପରିବାରର ୫ ଜଣ ସଦସ୍ୟ ଜୀଅନ୍ତା ଜଳି ଯାଇଥିଲେ। ରାତି ୨ଟାରେ ଏହି ଦୁର୍ଘଟଣା ଘଟିଥିଲା।

ଖବରପାଇ ପୋଲିସ୍‌ ଓ ଫୋରେନସିକ୍‌ ଟିମ୍‌ ଘଟଣାସ୍ଥଳରେ ପହଞ୍ଚି ଥିଲେ। ପୋଲିସ୍‌ ମୃତଦେହ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଥିବା ଜଣାପଡ଼ିଛି। 

Chhattisgarh | Five members, including 3 children of a family, burnt alive in a fire that broke out in their car after an accident in Rajnandgaon district, police said pic.twitter.com/smlnl01sYn

— ANI MP/CG/Rajasthan (@ANI_MP_CG_RJ) April 22, 2022