ନାଗକୁ ମାରିଦେବା ପରେ ନାଗୁଣୀ ନେଲା ପ୍ରତିଶୋଧ !

ନାଗକୁ ମାରିଦେଲା ବାପା । ପୁଅକୁ ମାରି ପ୍ରତିଶୋଧ ନେଲା ନାଗୁଣୀ । ମଧ୍ୟପ୍ରଦେଶର ସେହୋର ଜିଲ୍ଲା ଜୋଶିପୁର ଗାଁରୁ ସାମ୍ନାକୁ ଆସିଛି ଏହି ଘଟଣା ।

ଗାଁର ଜଣେ ଶ୍ରମିକଙ୍କ ପୁଅକୁ ସାପ କାମୁଡ଼ି ଦେଇଥିଲା। ଡାକ୍ତରଖାନା ଯିବା ସମୟରେ ହିଁ ବାଟରେ ପୁଅର ମୃତ୍ୟୁ ହୋଇଥିଲା। ଗତ ଗୁରୁବାର ଦିନ ମୃତକଙ୍କ ପିତା ଏକ ସାପକୁ ମାରିଥିଲେ । ତେବେ ସାପକୁ ମାରିବା ପରେ ଆଉ ଏକ ସାପ ପ୍ରତିଶୋଧ ପରାୟଣ ହୋଇ ପୁଅକୁ ଚୋଟ ମାରିଥିଲା ବୋଲି ଗାଁ ଲୋକେ କହିଛନ୍ତି ।

ସୂଚନା ଅନୁଯାୟୀ, ଜୋଶିପୁରରେ ରହୁଥିବା କିଶୋରୀ ଲାଲ ଜଣେ ଶ୍ରମିକ ଭାବରେ କାର୍ଯ୍ୟ କରନ୍ତି। ଦେବୀ ପୂଜାପାଠର ଚୈତନ୍ୟ ନବରାତ୍ରୀରେ ତାଙ୍କ ଘରେ ଘଟ ସ୍ଥାପନ ହୋଇଥିଲା । ସବୁକିଛି ଠିକ୍ ଚାଲିଥିଲା ହେଲେ ଗତ ଗୁରୁବାର ସକାଳେ ପ୍ରାୟ ୮ଟା ବେଳେ ତାଙ୍କ ଘର ନିକଟରେ ଏକ ସାପ ବାହାରିଲା । ସାପକୁ ଦେଖି ଘରେ ଆତଙ୍କ ସୃଷ୍ଟି ହୋଇଥିଲା । କିଶୋରିଲାଲ ଏବଂ ତାଙ୍କ ପରିବାର ସଦସ୍ୟ ମିଳିତ ଭାବରେ ଏହି ସାପଟିକୁ ହତ୍ୟା କରିଦେଇଥିଲେ ।

ଘଟଣାର କିଛି ସମୟ ପରେ ପୁରା ପରିବାର ପୁଣି ପୂଜାରେ ନିୟୋଜିତ ହୋଇଥିଲେ । ଏହି ଘଟଣାର ଠିକ୍‌ ୨୪ ଘଣ୍ଟା ପରେ ମଧ୍ୟ ରାତି ପ୍ରାୟ ୨ ଟା ବେଳେ କିଶୋରୀ ଲାଲଙ୍କ ପୁଅ ୧୨ ବର୍ଷର ପୁଅ ରୋହିତ ଘରେ ଶୋଇଥିବା ଅବସ୍ଥାରେ ଏକ ସାପ ଆସି ତାକୁ କାମୁଡ଼ି ଦେଇଥିଲା। ଘଟଣାସ୍ଥଳରେ ହିଁ ସମ୍ପର୍କୀୟମାନେ ସାପଟିକୁ ମାରିଦେଇଥିବାବେଳେ ପୁଅକୁ ଚିକିତ୍ସା ପାଇଁ ହୋଶଙ୍ଗାବାଦର ଜିଲ୍ଲା ଡାକ୍ତରଖାନାରେ ଭର୍ତ୍ତି କରିଥିଲେ । ଅବସ୍ଥା ଗୁରୁତର ହେବାରୁ ହୋଶଙ୍ଗାବାଦରୁ ଭୋପାଳକୁ ଆଣିବାବେଳେ ହିଁ ପୁଅର ମୃତ୍ୟୁ ହୋଇଥିଲା।