ଏଣିକି କରୋନା କବଳରୁ ବଞ୍ଚିବେ ପଶୁ: ଦିଆଯିବ କୋଭିଡ୍ ଭ୍ୟାକ୍ସିନ

ଏଣିକି ପଶୁଙ୍କୁ ହେବନି କରୋନା । ଦିଆଯିବ କଭିଡ ଭ୍ୟାକ୍ସିନ । କରୋନା କବଳରୁ ରକ୍ଷା କରିବା ପାଇଁ ପଶୁଙ୍କ ନିମନ୍ତେ କରୋନା ଟିକା ପ୍ରସ୍ତୁତ କରାଯାଇଛି । ପଶୁପକ୍ଷୀ ଯେପରି କୋଭିଡର ଶିକାର ନହୁଅନ୍ତୁ ତାହାକୁ ଦୃଷ୍ଟିରେ ରଖି ପାଇଁ ପଶୁଙ୍କୁ ଟିକା ଦିଆଯିବାର ନିଷ୍ପତ୍ତି ନିଆଯାଇଛି । ତେଣୁ ପଶୁଙ୍କୁ ଆଙ୍କୋଭାକ୍ସା ନାମକ ଟିକା ଦିଆଯିବ ବୋଲି ଭାରତୀୟ କୃଷି ଅନୁସନ୍ଧାନର ବୈଜ୍ଞାନିକଙ୍କ ପକ୍ଷରୁ ସୂଚନା ଦିଆଯାଇଛି ।

ଦେଶର ବିଭିନ୍ନ ପ୍ରାଣୀ ଉଦ୍ୟାନର ପଶୁଙ୍କ ଉପରେ ଆଣ୍ଡି-କରୋନା ଟିକାକୁ ପରୀକ୍ଷା କରାଯିବା ପରେ ଏହ ସଫଳତାର ସହ ଏହି ଟିକା ପ୍ରସ୍ତୁତ କରାଯାଇଛି । ଏହାସହ ଗୁଜୁରାଟର ଜୁନାଗଡ ସ୍ଥିତ ସାକରବାଗ୍ ପ୍ରାଣୀ ଉଦ୍ୟାନର ଚିତାବାଘ ଓ ସିଂହଙ୍କୁ ଏହି ଟିକା ଦିଆଯାଇଛି । ଏହାର ଠିକ୍ ୨୧ ଦ୍ନ ପରେ ସେମାନଙ୍କୁ ବୁଷ୍ଟର ଜୋଡ୍ ମଧ୍ୟ ଦିଆଗଲା । ଟିକାକରଣର ୪୨ ଦିନ ପରେ ଟିକା ଦିଆଯାଇଥିବା ପଶୁଙ୍କ ରକ୍ତ ନମୁନା ପରୀକ୍ଷା କରାଯାଇଥିଲା । ଏଥିରୁ ଜଣାପଡିଥିଲା ଯେ, ସେମାନଙ୍କ ରୋଗ ପ୍ରତିରୋଧକର ଶକ୍ତି ପୂର୍ବ ଅପେକ୍ଷା ଆହୁରି ଅଧିକ ବଢଯାଇଛି । କେବଳ ଏତିକି ନୁହେଁ ଟିକାକରଣର ପ୍ରତ୍ୟେକ ଡୋଜ୍ ପରେ ସେମାନେ କୋଭିଡ୍ ମହାମାରୀରୁ ସମ୍ପୂର୍ଣ୍ଣ ସୁରକ୍ଷିତ ଅଛନ୍ତି ।

ଏନେଇ ଜଣେ ବରିଷ୍ଠ ବୈଜ୍ଞାନିକ ଡ. ନବୀନ କହିଛନ୍ତି, କୋଭିଡ୍‌ର ପ୍ରଥମ ଲହର ସମୟରେ ପଶୁ ପକ୍ଷୀମାନେ ମଧ୍ୟ ଏଥିରେ ଆକ୍ରାନ୍ତ ହେବାର ଘଟଣା ସାମ୍ନାକୁ ଆସିଲା । ତେଣୁ ସେମାନଙ୍କୁ କୋଭିଡ ମହାମାରୀରୁ ରକ୍ଷା କରିବା ପାଇଁ ଦ୍ୱିତୀୟ ଲହର ସମୟରେ ଆମେ ଭ୍ୟାକ୍ସିନ୍ ତିଆରି କରିବା ଆରମ୍ଭ କରିଥିଲୁ । ଯାହାର ନାମ ‘ଆଙ୍କୋଭାକ୍ସା’ ରଖାହୋଇଛି ।

ସୂଚନା ଅନୁସାରେ, ଏହି ଟିକାକୁ ପ୍ରଥମେ ମୂଷା ଓ ଠେକୁଆଙ୍କ ଉପରେ ପ୍ରୟୋଗ କରାଯାଇଥିଲା । ପରବର୍ତ୍ତୀ ପର୍ଯ୍ୟାରେ ସେନାବାହୀନିର କୁକୁରଙ୍କ ଉପରେ ପ୍ରୟୋଗ କରାଯାଇଥିଲା ।ଶେଷ ପର୍ଯ୍ୟାରେ ସାକରବାଗ୍ ପ୍ରାଣୀ ଉଦ୍ୟାନର ଚିତାବାଘ ଓ ସିଂହଙ୍କୁ ଏହି ଟିକା ଦିଆଯାଇଥିଲା । ଯାହାର ଫଳାଫଳ ସକାରାତ୍ମକ ବୋଲି ହୋଇଛି । ଏମିତିକି ପଶୁଙ୍କ ପାଇଁ ପ୍ରସ୍ତୁତ କରାଯାଇଥିବା ଟିକା ସେମାନଙ୍କ ଉପରେ ଭଲ ପ୍ରଭାବ ପକାଇବା ସହ ତାଙ୍କ ରୋଗ ପ୍ରତିରୋଧକ ଶକ୍ତି ମଧ୍ୟ ଭଲ ରହିଛି । ତେବେ ଗୋଟିଏ ପ୍ରାଣୀକୁ ମୋଟ୍ ୨ ଟି ଡୋଜ୍ ଦିଆଯାଉଛି ।