LIVE TV
ରାସ୍ତା କଡରେ ହୁତୁହୁତୁ ହୋଇ ଜଳୁଥିଲା କାର । ଆଉ ସେଇ ରାସ୍ତା ଦେଉ ଯାଉଥିଲେ ମୁଖ୍ୟମନ୍ତ୍ରୀ । ହଠାତ୍ ରାସ୍ତାରେ କାର୍ ଜଳୁଥିବା ଦେଖି ନିଜ କାରକେଡ୍କୁ ଅଟକାଇଥିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ । ଖାଲି ନିଜ କାରକେଡ୍ ଅଟକାଇଥିଲେ ତାହା ନୁହେଁ ବରଂ ଯେକୌଣସି ପରିସ୍ଥିତିରେ ପ୍ରଥମେ ନିଜ ଜୀବନ ବଂଚାଇବା ପାଇଁ ପରାମର୍ଶ ଦେଇଥିଲେ । ଏହାସହ କାର ଚାଳକଙ୍କୁ ସମସ୍ତ ପ୍ରକାର ସହାୟତା ଦେବା ପାଇଁ ପ୍ରତିଶ୍ରୁତି ଦେଇଥିଲେ ଏକନାଥ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ମୁମ୍ବାଇର ୱେଷ୍ଟର୍ଣ୍ଣ ଏକ୍ସପ୍ରେସ ହାଇୱେରେ ସୋମବାର ରାତିରେ ଏକ ଫରଚ୍ୟୁନର୍ କାର୍ରେ ହଠାତ୍ ନିଆଁ ଲାଗି ଯାଇଥିଲା । କାର୍ଟି ହୁତୁହୁତୁ ହୋଇ ଜଳୁଥିବା ବେଳେ ସେଥିରେ ଥିବା ଚାଳକ ଓ ତାଙ୍କ ପରିବାର ସଦସ୍ୟ ତୁରନ୍ତ ବାହାରି ଆସି ଜୀବନ ବଞ୍ଚାଇଦେଲେ । ତତ୍କ୍ଷଣାତ ଅଗ୍ନିଶମ କର୍ମଚାରୀ ପହଞ୍ଚି ନିଆଁ ଲିଭାଇଥିଲେ ବି କାରଟି ସମ୍ପୂର୍ଣ୍ଣ ଜଳି ଯାଇଥିଲା ।
Also Read
ଗୁରୁତ୍ୱପୂର୍ଣ୍ଣ କଥା ହେଲା, କାର ଜଳୁଥିବା ବେଳେ ସେଇ ରାସ୍ତା ଦେଇ ଯାଉଥିଲେ ସିନ୍ଦେ । ଆଉ ଦୁର୍ଘଟଣାଗ୍ରସ୍ତ କାର ଦେଖି ନିଜ କାରକେଡ୍ ଅଟକାଇଥିଲେ ଏବଂ ଡ୍ରାଇଭରଙ୍କ ସହ ଅନେକ ସମୟ ପର୍ଯ୍ୟନ୍ତ ଆଲୋଚନା ବି କରିଥିଲେ । ଏପରିକି ଯେକୌଣସି ସମୟରେ ପ୍ରଥମେ ଜୀବନକୁ ପ୍ରାଥମିକତା ଦେବାକୁ ପରାମର୍ଶ ଦେଇଥିଲେ । କାର୍ଠାରୁ ଜୀବନ ଅଧିକ ମୂଲ୍ୟବାନ ବୋଲି କହିବା ସହ ଜୀବନରେ ଆହୁରି ବହୁ କାର୍ ଆସିପାରିବ ବୋଲି ମଧ୍ୟ କହିଥିଲେ।
Dutiful CM Eknath Shinde stops his convoy at highway, helps man whose car caught fire pic.twitter.com/XpeUxpRfuz
— Sheetal Chopra 🇮🇳 (@SheetalPronamo) September 13, 2022
ଏପରିକି ଆବଶ୍ୟକ ପଡ଼ିଲେ ସାହାଯ୍ୟ ଯୋଗାଇଦେବାକୁ ପ୍ରତିଶ୍ରୁତି ଦେଇ ସେଠାରୁ ଆଗକୁ ବଢିଥିଲେ ସିନ୍ଦେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସତରେ ଜଣେ ମୁଖ୍ୟମନ୍ତ୍ରୀ ଏମିତି ରାସ୍ତାରେ ଗାଡି ଅଟକାଇ ଦୁର୍ଘଟଣାଗ୍ରସ୍ତ କାର ଚାଳକଙ୍କ ସହ କଥା ହେବା ନିଶ୍ଚୟ ନିଆରା।
