LIVE TV
ୟୁନିୟନ ପେଟ୍ରୋଲିୟମ ମନ୍ତ୍ରୀ ହରଦୀପ ସିଂ ପୁରୀଙ୍କ ବଡ଼ ଘୋଷଣା । ଖୁବ୍ଶୀଘ୍ର ଏଲ୍ପିଜି ସିଲିଣ୍ତରରେ ବି ଲଗାଯିବ କ୍ୟୁ ଆର୍ କୋଡ୍ । ସୁରକ୍ଷା ଦୃଷ୍ଟିରୁ ଏଭଳି ପଦକ୍ଷେପ ନିଆଯାଇଥିବା କହିଛନ୍ତି ପେଟ୍ରୋଲିୟମ ମନ୍ତ୍ରୀ । ଏହାଦ୍ୱାରା ସିଲିଣ୍ତରକୁ ଟ୍ରେସ୍ ଓ ଟ୍ରାକ୍ କରିବା ସହଜ ହେବ । ଉପଭୋକ୍ତା ସମ୍ମୁଖୀନ ହେଉଥିବା ସମସ୍ତ ସମସ୍ୟାର ସମାଧାନ ପାଇଁ ଏହି ପଦକ୍ଷେପ ନିଆଯାଇଛି।
Also Read
ପେଟ୍ରୋଲିୟମ ମନ୍ତ୍ରୀ ନିଜ ଟ୍ୱିଟର୍ ପେଜ୍ରେ ଏକ ଭିଡିଓ ମାଧ୍ୟମରେ ଏନେଇ ଘୋଷଣା କରିଛନ୍ତି । ସେ ଲେଖିଛନ୍ତି ଯେ, ‘ଇନ୍ଧନ ଅନୁସନ୍ଧାନ! ଏକ ଉଲ୍ଲେଖନୀୟ ଉଦ୍ଭାବନ । ଏହି QR କୋଡ୍ ପୂର୍ବରୁ ବ୍ୟବହୃତ ସିଲିଣ୍ଡର ଏବଂ ନୂତନ ସିଲିଣ୍ତର ଦୁଇଟି ଯାକରେ ଲଗାଯିବ । ଏହି କୋଡ୍ ସକ୍ରିୟ ହେଲେ ଟ୍ରାକିଂ ଏବଂ ଅନୁସନ୍ଧାନ ଏବଂ ଗ୍ୟାସ ସିଲିଣ୍ଡରର ଉନ୍ନତ ଭଣ୍ଡାର ପରିଚାଳନା ସମସ୍ୟାର ସମାଧାନ ହେବ’ ।
Fueling Traceability!
— Hardeep Singh Puri (@HardeepSPuri) November 16, 2022
A remarkable innovation - this QR Code will be pasted on existing cylinders & welded on new ones - when activated it has the potential to resolve several existing issues of pilferage, tracking & tracing & better inventory management of gas cylinders. pic.twitter.com/7y4Ymsk39K
ମନ୍ତ୍ରୀଙ୍କ ଦ୍ୱାରା ପୋଷ୍ଟ କରାଯାଇଥିବା ଏହି ଭିଡିଓଟି ଉତ୍ତରପ୍ରଦେଶରେ ଚାଲିଥିବା ବିଶ୍ୱ ଏଲ୍ପିଜି ସପ୍ତାହ ୨୦୨୨ ଅବସରରେ ରେକର୍ଡ ହୋଇଥିଲା । ହରଦୀପ ସିଂ ପୁରୀ ଅଧିକାରୀଙ୍କ ସହ ଏହି ବିଷୟରେ ଆଲୋଚନା କରୁଥିବାର ଏହି ଭିଡିଓରେ ଦେଖିବାକୁ ମିଳିଛି । ଏହି କ୍ୟୁ ଆର୍ କୋଡ୍ ମେସିନ୍ ଦ୍ୱାରା ପରିଚାଳିତ, ଯେଉଁଥିରେ ସିଲିଣ୍ତର ସମ୍ବନ୍ଧିତ ସବିଶେଷ ତଥ୍ୟ ରହିଥାଏ ।
ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ ପ୍ରାରମ୍ଭିକ ପର୍ଯ୍ୟାୟରେ ୨୦ ହଜାର ସିଲିଣ୍ତରରେ କ୍ୟୁ ଆର୍ କୋଡ୍ ଲଗାଯିବା ନେଇ କାର୍ଯ୍ୟ ଆରମ୍ଭ ହୋଇଯାଇଛି । ଏହି ଯୋଜନା ଦ୍ୱାରା ଚୋରି ସମସ୍ୟା ଦୂର କରାଯିବା ସହ ଉପଭୋକ୍ତାଙ୍କୁ ଅଧିକ ସୁରକ୍ଷା ଯୋଗାଇ ଦିଆଯାଇପାରିବ ।
