ଡାକ୍ତରଙ୍କୁ ଦ୍ୱିତୀୟ ଭଗବାନ ରୂପେ ବିବେଚନା କରାଯାଏ । ପୁରୁଷ ହୁଅନ୍ତୁ କି ମହିଳା ରୋଗୀ ସୁସ୍ଥ ଆଶାରେ ବିଶ୍ୱାସର ସହ ଚିକିତ୍ସା ପାଇଁ ଆସିଥାନ୍ତି ଡାକ୍ତରଖାନା କିମ୍ବା କ୍ଳିନିକ୍ । ତେବେ ଚିକିତ୍ସା ବାହାନାରେ କ୍ଲିନିକ ଭିତରେ ଜଣେ ଡାକ୍ତରଙ୍କ ହରକତ ଲଜ୍ଜାରେ ସମସ୍ତଙ୍କ ମୁଣ୍ଡ ନୁଆଁଇ ଦେଇଛି । ଜଣେ ୨୨ ବର୍ଷୀୟା ମହିଳା ରୋଗୀଙ୍କୁ ଅନୁପଯୁକ୍ତ ଭାବେ ଛୁଇଁବା ଅଭିଯୋଗ ହୋଇଛି । ଏହାପରେ ମହାରାଷ୍ଟ୍ରର ଥାନେ ପୋଲିସ ଡାକ୍ତରଙ୍କ ବିରୋଧରେ ମାମଲା ରୁଜୁ କରିଛି । ଏନେଇ ଗୁରୁବାର ଜଣେ ଅଧିକାରୀ ସୂଚନା ଦେଇଛନ୍ତି ।
ଅଧିକାରୀ ଜଣଙ୍କ ସୂଚନା ଅନୁସାରେ ଡାକ୍ତରଙ୍କ ନାମ ଅବଦୁଲ କୁଡୁସ ହୋଇଥିବାବେଳେ ସେ ସ୍ଥାନୀୟ ସିଲ୍-ଫଟ ଅଞ୍ଚଳର । ଅଗଷ୍ଟ ୨୦ ତାରିଖ ଦିନ ତାଙ୍କ କ୍ଲିନିକକୁ ଚିକିତ୍ସା ପାଇଁ ଯାଇଥିବାବେଳେ ଚେକ୍ କରିବା ବାହାନାରେ ମହିଳାଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି ।
ଅଧିକ ପଢ଼ନ୍ତୁ: ମହାରାଷ୍ଟ୍ରରେ ପୁଣି ଲଜ୍ଜା; ୬ ଛାତ୍ରୀଙ୍କୁ ଅଶ୍ଳୀଳ ଭିଡ଼ିଓ ଦେଖାଇ ଯୌନ ଶୋଷଣ କରୁଥିଲେ ଶିକ୍ଷକ...
Also Read
ସିଲ୍ ଦୈଘର ଥାନାର ଅଧିକାରୀଙ୍କ ସୂଚନା ଅନୁସାରେ ଭାରତୀୟ ନ୍ୟାୟ ସଂହିତା (ବିଏନଏସ) ଧାରା ୭୪(ମହିଳାଙ୍କ ଗରିମାକୁ କ୍ଷତି ପହଞ୍ଚାଇବା ଉଦ୍ଦେଶ୍ୟରେ ଆକ୍ରମଣ କିମ୍ବା ଅପରାଧିକ ବଳ ପ୍ରୟୋଗ) ଓ ୭୬ ଅନୁଯାୟୀ ଡାକ୍ତରଙ୍କ ବିରୋଧରେ ପୋଲିସ ମାମଲା ରୁଜୁ କରିଛି ।
ନିକଟରେ କଟକ ବଡ଼ ମେଡିକାଲରେ ମଧ୍ୟ ଏପରି ଏକ ଅଭିଯୋଗ ଆସିଥିଲା । ଇସିଜି କରିବା ବାହାନାରେ ଦୁଇ ମହିଳା ରୋଗୀଙ୍କୁ ଡାକ୍ତର ଅସଦାଚରଣ କରିଥିବା ଅଭିଯୋଗ ହୋଇଥିଲା । ଏହାପରେ ମାମଲା ଥାନାରେ ପହଞ୍ଚିଥିଲା । କାର୍ଡିଓଲୋଜି ବିଭାଗର ଜଣେ ଡାକ୍ତରଙ୍କ ନାଁରେ ଆସିଥିଲା ଏଭଳି ସଂଗୀନ ଅଭିଯୋଗ । ପୋଲିସ ମାମଲା ରୁଜୁ କରି ପୀଡିତାଙ୍କ ବୟାନ ରେକର୍ଡ କରି ତଦନ୍ତ କରିଥିଲା ।