LIVE TV
ସଂସଦ ପରିସରରେ ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦୀପ ଧନକରଙ୍କ ମିମିକ୍ରି କରାଯିବା ଘଟଣାକୁ ନେଇ ଉଦବେଗ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସୋସିଆଲ୍ ମିଡିଆ ଏକ୍ସରେ ରାଷ୍ଟ୍ରପତି ଲେଖିଛନ୍ତି, ଯେଭଳି ଭାବରେ ସଂସଦ ଭବନ ପରିସରରେ ଉପରାଷ୍ଟ୍ରପତିଙ୍କୁ ଅପମାନିତ କରାଗଲା ତାହା ଦେଖି ସେ ନିରାଶ ହୋଇଛନ୍ତି । ନିର୍ବାଚିତ ପ୍ରତିନିଧିମାନେ ସ୍ୱାଧୀନ ଭାବେ ନିଜର ମତ ପ୍ରକାଶ କରିପାରିବେ । ତେବେ ସେମାନଙ୍କ ଅଭିବ୍ୟକ୍ତି ନିର୍ଦ୍ଦିଷ୍ଟ ଗରିମା ଓ ଶିଷ୍ଟାଚାର ମଧ୍ୟରେ ରହିବା ଆବଶ୍ୟକ । ଏହି ସଂସଦୀୟ ପରମ୍ପରା ନେଇ ଆମେ ଭାରତୀୟମାନେ ଗର୍ବ କରି ଆସୁଛୁ । ଆଉ ଏହି ପରମ୍ପରା ବଜାୟ ରହିବ ବୋଲି ଭାରତର ଲୋକମାନେ ଆଶା ରଖିଛନ୍ତି ।
Also Read
I was dismayed to see the manner in which our respected Vice President was humiliated in the Parliament complex. Elected representatives must be free to express themselves, but their expression should be within the norms of dignity and courtesy. That has been the Parliamentary…
— President of India (@rashtrapatibhvn) December 20, 2023
ସେପଟେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଉପରାଷ୍ଟ୍ରପତି ଜଗଦୀପ ଧନକରଙ୍କୁ ଫୋନ କରି କିଛି ସାଂସଦଙ୍କ ଦ୍ୱାରା କରାଯାଇଥିବା ବିଦ୍ରୁପକୁ ଦୁର୍ଭାଗ୍ୟଜନକ ବୋଲି କହିବା ସହ ଦୁଃଖ ପ୍ରକାଶ କରିଛନ୍ତି । ନିଜେ ଧନକର ଏ ନେଇ ଏକ୍ସରେ ପୋଷ୍ଟ କରିଛନ୍ତି । ଏହି ଅବସରରେ ପ୍ରଧାନମନ୍ତ୍ରୀ ଗତ ୨୦ ବର୍ଷ ହେବ ଏଭଳି ଅପମାନକୁ ସହି ଆସୁଥିବା ନେଇ ତାଙ୍କୁ କହିଥିବା ଧନକର ଉଲ୍ଲେଖ କରିଛନ୍ତି । ସେହିପରି ଲୋକସଭା ବାଚସ୍ପତି ଓମ୍ ବିର୍ଲା ମଧ୍ୟ ଆଜି ଧନକରଙ୍କୁ ଭେଟିଛନ୍ତି ।
ସାଂସଦଙ୍କ ଦ୍ୱାରା ରାଜ୍ୟସଭା ଅଧ୍ୟକ୍ଷଙ୍କ ମିମିକ୍ରି କରାଯିବା ଘଟଣାକୁ ନେଇ ବାଚସ୍ପତି ବିର୍ଲା ଗଭୀର ଉଦବେଗ ପ୍ରକାଶ କରିଛନ୍ତି । ଗତକାଲି ସଂସଦର ପ୍ରବେଶ ଦ୍ୱାରରେ ତୃଣମୂଳ କଂଗ୍ରେସ ସାଂସଦ କଲ୍ୟାଣ ବାନାର୍ଜୀ ରାଜ୍ୟସଭା ଅଧ୍ୟକ୍ଷ ଧନକରଙ୍କ ଭଳି ଅଙ୍ଗଭଙ୍ଗୀ କରିଥିଲେ । ଏହି ଭିଡିଓ ଭାଇରାଲ୍ ହେବା ପରେ ରାଜନୀତି ତେଜିଛି ।...
ସେପଟେ ଆଜି ରାଜ୍ୟସଭା ଅଧ୍ୟକ୍ଷ ତଥା ଉପରାଷ୍ଟ୍ରପତି ଜଗଦୀପ ଧନକରଙ୍କୁ ସମର୍ଥନରେ ଗୃହ ଭିତରେ ଛିଡା ହେଲେ ଏନଡିଏ ସାଂସଦ । ରାଜ୍ୟସଭାରେ ପ୍ରଶ୍ନକାଳ ଆରମ୍ବ ହେବା ମାତ୍ରକେ ଗୃହରେ ଉପସ୍ଥିତ ସମସ୍ତ ସଦସ୍ୟ ଛିଡା ହୋଇଥିଲେ । ଆଉ ଗୃହକାର୍ଯ୍ୟରେ ଭାଗ ନେଇଥିଲେ । ତେବେ କିଛି ସମୟ ଗୃହ କାର୍ଯ୍ୟ ଚାଲିବା ପରେ ଅଧ୍ୟକ୍ଷ ଧନକର ଗୃହର ସଦସ୍ୟମାନଙ୍କ
ସମର୍ଥନକୁ ନେଇ ସେମାନଙ୍କୁ ଧନ୍ୟବାଦ ଜଣାଇବା ସହ ଆସନରେ ବସିବା ଲାଗି ଅନୁରୋଧ କରିଥିଲେ ।
