LIVE TV
କିଏ ସେ ଆତଙ୍କୀ ? କାହିଁକି ଦେଲା ଧମକ ? ଦିଲ୍ଲୀର ଦିଲରେ ଥିବା ସ୍କୁଲକୁ, ଇମେଲ୍ ପରେ ଛନକା । ବନ୍ଦ ହେଲା ବିଦ୍ୟାଳୟ, ଘରକୁ ଗଲେ ପିଲା, ଆଉ ତା ପରେ...
ଦିଲ୍ଲୀ ଓ ଏନସିଆର ଅଞ୍ଚଳରେ ଥିବା ୬୦ ସ୍କୁଲକୁ ଆସିଲା ଧମକପୂର୍ଣ୍ଣ ଇମେଲ୍ । ବୋମାମାଡ଼ ଧମକ ମିଳିବା ପରେ ସ୍କୁଲରେ ଖେଳିଗଲା ଆତଙ୍କ । ଛାତ୍ରଛାତ୍ରୀମାନଙ୍କ ସୁରକ୍ଷା ଦୃଷ୍ଟିରୁ ସେମାନଙ୍କୁ ଘରକୁ ପଠାଇ ଦିଆଯାଇଥିଲା । ଯାହାକୁ ନେଇ ଚିନ୍ତିତ ଥିବା ଅଭିଭାବକଙ୍କ ଭିଡ଼ ମଧ୍ୟ ବିଭିନ୍ନ ସ୍କୁଲରେ ଦେଖିବାକୁ ମିଳିଲା । ଖବର ଅନୁସାରେ ଆଜି ବଡ଼ି ଭୋରରୁ ଏହି ଧମକପୂର୍ଣ୍ଣ ଇମେଲ୍ ଆସିଥିଲା, ଖବର ଜଣାପଡ଼ିବା ପରେ ଅଗ୍ନିଶମ ବାହିନୀ ସମତେ ପୋଲିସ ପହଞ୍ଚି ଆରମ୍ଭ କରିଥିଲା ତନାଘନା ।
Also Read
ଗୋଟିଏ କି ଦୁଇଟି ସ୍କୁଲକୁ ନୁୁହେଁ ଅନେକ ସ୍କୁଲକୁ ବମ୍ ଥ୍ରେଟ୍ ମିଳିଥିଲା । କେବଳ ସ୍କୁଲ ନୁହେଁ ଅନେକ ହସ୍ପିଟାଲକୁ ମଧ୍ୟ ଗତକାଲି ମେଲ୍ ଯୋଗେ ଧମକ ଆସିଥିଲା ବୋଲି କହିଛନ୍ତି ଦିଲ୍ଲୀ ପୋଲିସ କ୍ରାଇମ୍ ବ୍ରାଞ୍ଚର ସ୍ପେଶାଲ ସିପି ରବୀନ୍ଦ୍ର ଯାଦବ । ଏହା ପରେ ବିଭିନ୍ନ ସ୍କୁଲରେ ବମ୍ ସ୍କ୍ୱାଡ ପଠାଇ ତନ୍ନ ତନ୍ନ କରି ଯାଞ୍ଚ କରାଯାଇଛି ।
ଆଉ ଏଥିରେ ସାମିଲ ହୋଇଥିଲା ଡଗ ସ୍ୱାଡ । ତେବେ ଯାଞ୍ଚ ବେଳେ ଯେଉଁ ମେଲ୍ ଆସିଥିଲା ତାହା ଫେକ୍ । କେହି ଜଣେ ମିଛରେ ଏଭଳି ଧମକପୂର୍ଣ୍ଣ ଇମେଲ୍ ଦେଇଥିବା ଜଣାପଡ଼ିଛି । ତଥାପି ସୁରକ୍ଷା ଦୃଷ୍ଟିରୁ କଡ଼ାକଡ଼ି ଯାଞ୍ଚ କରୁଛି ଦିଲ୍ଲୀ ପୋଲିସ । ସେପଟେ ପୁରା ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ଦିଲ୍ଲୀ ଏଲଜି ଭିକେ ସକ୍ସେନା ।
ଖବର ପାଉ ପାଉ ଦିଲ୍ଲୀ ପୋଲିସ କର୍ଡନ କରି ସର୍ଚ୍ଚ ଅପରେସନ କିରିଥିଲା । ଗଗ ସ୍କ୍ୱାଡ, ବୋମା ନିଷ୍କ୍ରୀୟକାରୀ ଟିମ୍ ମଧ୍ୟ ତତକ୍ଷଣାତ ବିଭିନ୍ନ ସ୍କୁଲରେ ପହଞ୍ଚିଥିଲେ । ଭୟଭିତ ହେବାର କିଛି ନାହିଁ ଏପରି ଯିଏ କରିଛି ତାକୁ ନିଶ୍ଚିତ ଭାବେ ପୋଲିସ ଧରି ତା’ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି କହିଛନ୍ତି ଏଲଜି ।
