ରାଜଧାନୀରେ ବଢ଼ୁଛି ପ୍ରଦୂଷଣ, ଆଗାମୀ ତିନି ଦିନରେ ସାଂଘାତିକ ହୋଇପାରେ ସ୍ଥିତି

ନୂଆଦିଲ୍ଲୀ : ପୁଣି ବଢ଼ିବ ଦିଲ୍ଲୀ ବାୟୁ ପ୍ରଦୂଷଣ । ଜାତୀୟ ରାଜଧାନୀରେ ପ୍ରଦୂଷଣ ସ୍ଥିତି ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଚାରିଆଡେ ଧୂଳି ଧୂଆଁର ଆସ୍ତରଣ । ପ୍ରଦୂଷଣର ମାତ୍ରା ସାଂଘାତିକ ସ୍ଥିତିରେ ପହଞ୍ଚିଛି । ଦିନରେ ମୁହଁକୁ ମୁହଁ ଦିଶୁନି । ବର୍ତ୍ତମାନ ସମୟରେ ବାୟୁର ଗୁଣବତ୍ତା ଓ ସ୍ତର ଧୀରେ ଧୀରେ ଅଧିକ ପ୍ରଦୂଷିତ ହେଉଛି । ରବିବାର ଦିନ ଦିଲ୍ଲୀର ବାୟୁ ଗୁଣବତ୍ତା ରବିବାର 'ମଧ୍ୟମ' ବର୍ଗରେ ରହିଥିଲା, କିନ୍ତୁ ଆସନ୍ତା ତିନି ଦିନ ମଧ୍ୟରେ ' ନିମ୍ନ' ସ୍ତରରେ ପହଞ୍ଚିବାର ଆଶଙ୍କା ରହିଛି । କେନ୍ଦ୍ରୀୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (ସିପିସିବି) ଅନୁଯାୟୀ ରାଜଧାନୀର ସାଧାରଣ ବାୟୁ ଗୁଣବତ୍ତା ସୂଚକାଙ୍କ (AQI) ରବିବାର ଦିନ ୧୬୮ ରେ ପହଞ୍ଚିଛି।

ଶକ୍ତି, ପରିବେଶ ଏବଂ ଜଳ ପରିଷଦ (CEEW) କାର୍ଯ୍ୟକ୍ରମର ସହଯୋଗୀ ଏଲ୍ ଏସ୍ କୁରେଞ୍ଜି କହିଛନ୍ତି , ଗତ ତିନି ଦିନ ଧରି ଦିଲ୍ଲୀର ବାୟୁରେ ଉପସ୍ଥିତ PM ୨.୫ ର ସ୍ତର ବୃଦ୍ଧି ପାଉଛି । ପରିବହନ ଏବଂ ଶିଳ୍ପ ଏବଂ ବିଦ୍ୟୁତ୍ ଉତ୍ପାଦନ ଯୋଗୁଁ ରାଜଧାନୀ ପ୍ରଦୂଷିତ ହେଉଛି । ଶୂନରୁ ୫୦ ମଧ୍ୟରେ AQI 'ଭଲ', ୫୧ ରୁ ୧୦୦ ମଧ୍ୟରେ 'ସନ୍ତୋଷଜନକ', ୧୦୧ ରୁ ୨୦୦ ମଧ୍ୟରେ 'ମଧ୍ୟମ', ୨୦୧ ରୁ ୩୦୦ ମଧ୍ୟରେ 'ନିମ୍ନ', ୩୦୩ ରୁ ୪୦୦କୁ 'ଅତି ନିମ୍ନ' ବିବେଚନା କରାଯାଏ । ଏହାସହ ୪୦୧ ଏବଂ ୫୦୦କୁ 'ଅତ୍ୟନ୍ତ ' ପ୍ରଦୂଷିତ ଭାବରେ ବିବେଚନା କରାଯାଏ ।

ଏଥି ସହିତ ପଞ୍ଜାବ ଏବଂ ହରିୟାଣାରେ ଜମିରେ ଲାଗିଥିବା ନିଆଁ ଦିଲ୍ଲୀରେ ବାୟୁ ପ୍ରଦୂଷଣର ଅନ୍ୟତମ କାରଣ । ସେପ୍ଟେମ୍ବର ୦୧ ରୁ ଅକ୍ଟୋବର ୧୦ ମଧ୍ୟରେ ପଞ୍ଜାବ ଏବଂ ହରିୟାଣାରେ ୬୭୬ ରୁ ୧୯୩ ସ୍ଥାନରେ ଅଗ୍ନିକାଣ୍ଡ ଘଟିଥିବାର ସୂଚନା ମିଳିଛି । ପଞ୍ଜାବର ଅମୃତସର, ତାରନତାରନ ଏବଂ ପଟିଆଲା ଏବଂ ହରିୟାଣାର କୁରୁକ୍ଷେତ୍ର, କର୍ଣ୍ଣଲ, କେଥଲ ଏବଂ ଅମ୍ବାଲା ଠାରେ ବ୍ୟାପକ ଅଗ୍ନିକାଣ୍ଡ ଘଟିଛି । ଆଉ ଏହାର ସିଧାସଳଖ ପ୍ରଭାବ ରାଜଧାନୀ ଦିଲ୍ଲୀ ଉପରେ ପଡ଼ୁଛି ।

“ଆସନ୍ତା ସପ୍ତାହରେ ସ୍ଥାନୀୟ ଏବଂ ଆଞ୍ଚଳିକ ଶକ୍ତିରୁ ପ୍ରଦୂଷଣ ଦ୍ୱାରା ବାୟୁର ଗୁଣବତ୍ତାରେ ଅବନତି ଘଟିବ । ତେଣୁ ସହରରେ ଖରାପ ବାୟୁ ଗୁଣବତ୍ତା ପରିସ୍ଥିତିକୁ ରୋକିବା ପାଇଁ ଦିଲ୍ଲୀ ସରକାର ଏୟାର କ୍ୱାଲିଟି ଫୋରକାଷ୍ଟର ଉପଯୋଗ କରିବା ଉଚିତ୍ ବୋଲି କହିଛନ୍ତି କୁରେଞ୍ଜି ।