ଦେଶରେ ଗୋଟିଏ ଦିନରେ ଲକ୍ଷେ ଉପରେ ଆକ୍ରାନ୍ତ ଚିହ୍ନଟ

ଦେଶରେ ଗତ ୨୪ ଘଣ୍ଟାରେ ୧ ଲକ୍ଷ ୧୭ ହଜାର ୧୦୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । କାଲିଠାରୁ ଆଜି ୨୬ ହଜାରରୁ ଅଧିକ ସଂକ୍ରମିତ ଚିହ୍ନଟ ହୋଇଛନ୍ତି । ଦୈନିକ ପଜିଟିଭିଟି ହାର ୭.୭୪ ପ୍ରତିଶତକୁ ବୃଦ୍ଧି ପାଇଛି । ଏହାସହ ଦେଶରେ ଦିନକରେ ୩୦୨ କରୋନା ଆକ୍ରାନ୍ତଙ୍କ ମୃତ୍ୟୁ ହୋଇଛି । ଦେଶରେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୪ ଲକ୍ଷ ୮୩ ହଜାର ୧୭୮କୁ ବୃଦ୍ଧି ପାଇଛି । ଦେଶରେ ଆକ୍ଟିଭ କେସ୍ ସଂଖ୍ୟା ବଢ଼ି ୪ ଲକ୍ଷ ମୁହାଁ ହୋଇଛି । ଆକ୍ଟିଭ୍ କେସ୍‌ ୩,୭୧,୩୬୩ ରହିଥିବାବେଳେ ୩,୪୩,୭୧,୮୪୫ ଜଣ ସୁସ୍ଥ ହେଲେଣି ।

 ରାଜଧାନୀ ଦିଲ୍ଲୀରେ କରୋନାର ଯେଉଁ ପ୍ରକୋପ ଦେଖିବାକୁ ମିଳିଛି, ତାହା ହେଲା କୋଭିଡ୍‌ର ୫ମ ଲହର। ଦିଲ୍ଲୀରେ କୋଭିଡ୍‌ ସଂକ୍ରମଣ ବୃଦ୍ଧିକୁ ନେଇ ରାଜ୍ୟ ସରକାର ଏହା କହିଛନ୍ତି । ଏନେଇ ଦିଲ୍ଲୀର ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ କହିଛନ୍ତି ଯେ, ଦିଲ୍ଲୀରେ ଏବେ ଦୈନିକ କୋଭିଡ୍‌ କେସ୍ ୧୦ ହଜାରରୁ ଅଧିକ ଚିହ୍ନଟ ହେଉଛି। ଖୁବଶୀଘ୍ର ପଜିଟିଭିଟି ରେଟ୍‌ ୧୦ ପ୍ରତିଶତ ଉପରକୁ ଯାଇପାରେ। ଯାହା ତୁଳନାରେ ୫ ପ୍ରତିଶତ ତଳକୁ ହସ୍ପିଟାଲ ବେଡ୍‌ ଖାଲି ରହିଛି।

India reports 1,17,100 fresh COVID cases, 30,836 recoveries, and 302 deaths in the last 24 hours

Daily positivity rate: 7.74%

Active cases: 3,71,363
Total recoveries: 3,43,71,845
Death toll: 4,83,178

Total vaccination: 149.66 crore doses pic.twitter.com/5uqB5lmnMj

— ANI (@ANI) January 7, 2022

ସେହିପରି ଦିଲ୍ଲୀରେ ସଂକ୍ରମଣକୁ ଦେଖି ଆଗୁଆ ପ୍ରସ୍ତୁତ ହେଲାଣି ଓଡ଼ିଶା। କୋଭିଡ୍‌ ଗାଇଡଲାଇନ କିପରି କଡ଼ାକଡ଼ି ପାଳନ କରାଯିବ, ଏନେଇ ରାଜ୍ୟ ସରକାର ବରିଷ୍ଠ ଅଧିକାରୀଙ୍କୁ ପରାମର୍ଶ ଦେଇଛନ୍ତି। ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଥିଲେ ଯେ- ଦିନକୁ ଦିନ ରାଜ୍ୟରେ ବଢୁଛି ସଂକ୍ରମଣ, ଆଗକୁ ବି ରାଜ୍ୟରେ ସଂକ୍ରମିତଙ୍କ ସଂଖ୍ୟା ବଢିବ। ଯେହେତୁ ଦିଲ୍ଲୀ ପରି ସଂକ୍ରମଣ ବଢିବ, ଅନ୍ୟ ରାଜ୍ୟରେ ଯେଭଳି ସଂକ୍ରମଣ ବଢୁଛି ସେହି ତୁଳନାରେ ଆମର ଏଠାରେ ସଂକ୍ରମଣ ଡେରିରେ ହେଲେ ମଧ୍ୟ ବଢିବ।

ସୂଚନା ଅନୁସାରେ, ଆଜି ଓଡ଼ିଶାରେ ଦୈନିକ କରୋନା ସଂକ୍ରମଣ ୨ ହଜାର ପାର୍‌ କରିଛି। ରାଜ୍ୟରେ ଗତ ୨୪ ଘଣ୍ଟାରେ ୨,୭୦୩ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଚିହ୍ନଟ ନୂଆ ଆକ୍ରାନ୍ତଙ୍କ ମଧ୍ୟରୁ କ୍ୱାରେଣ୍ଟିନରୁ ୧,୫୭୯ ଚିହ୍ନଟ ହୋଇଥିବା ବେଳେ ଲୋକାଲ୍ କେସ୍ ୧,୧୨୪ ରହିଛି। ଚିହ୍ନଟ ନୂଆ ଆକ୍ରାନ୍ତଙ୍କ ମଧ୍ୟରୁ ୧୮ ବର୍ଷରୁ କମ୍ ବର୍ଗର ୪୦୯ ଜଣ ଚିହ୍ନଟ ହୋଇଛନ୍ତି। ଖୋର୍ଦ୍ଧା ଜିଲ୍ଲାରୁ ସର୍ବାଧିକ ୯୨୬ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଚିହ୍ନଟ ନୂଆ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୧୦,୬୨,୪୭୬ରେ ପହଞ୍ଚଛି। ସେଥି ମଧ୍ୟରୁ ୧୦,୪୫,୭୧୮ ଜଣ ସୁସ୍ଥ ହୋଇଥିବା ବେଳେ ଆକ୍ଟିଭ୍‌ କେସ୍‌-୮୨୩୭ ରହିଛି।