LIVE TV
ବଦଳିଲା ପୋର୍ଟ ବ୍ଲେଆର ନାଁ । ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ରାଜଧାନୀ ପୋର୍ଟ ବ୍ଲେଆରର ନୂଆ ନାମ ହୋଇଛି ଶ୍ରୀ ବିଜୟ ପୁରମ (Sri Vijaya Puram)। କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏନେଇ ଘୋଷଣା କରିଛନ୍ତି । ସୋସିଆଲ ମିଡିଆ ଏକ୍ସରେ ଶାହ ଏହି ସୂଚନା ଦେଇଛନ୍ତି ।
ନିଜ ସୋସିଆଲ ମିଡିଆ ଏକ୍ସ ଆକାଉଣ୍ଟରେ ଅମିତ ଶାହ ଲେଖିଛନ୍ତି, "ଦେଶକୁ ଉପନିବେଶ ଛାପରୁ ମୁକ୍ତ କରିବାକୁ ପ୍ରଧାନମନ୍ତ୍ରୀ ମୋଦିଙ୍କ ଦୃଷ୍ଟିକୋଣ ଦ୍ୱାରା ପ୍ରେରିତ ହୋଇ ଆଜି ପୋର୍ଟ ବ୍ଲେଆରର ନାଁ ବଦଳାଇ 'ଶ୍ରୀ ବିଜୟପୁରମ' କରିବାକୁ ନିଷ୍ପତ୍ତି ନିଆଯାଇଛି । କାରଣ ପୂର୍ବରୁ ଥିବା ନାମରେ ଉପନିବେଶର ଚିହ୍ନ ରହିଥିଲା । ଶ୍ରୀ ବିଜୟପୁରମ ଆମର ସ୍ୱାଧୀନତା ସଂଗ୍ରାମରେ ମିଳିଥିବା ବିଜୟ ଓ ଏଥିରେ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ଅଦ୍ୱିତୀୟ ଭୂମିକାର ପ୍ରତୀକ ।''
Also Read
देश को गुलामी के सभी प्रतीकों से मुक्ति दिलाने के प्रधानमंत्री श्री @narendramodi जी के संकल्प से प्रेरित होकर आज गृह मंत्रालय ने पोर्ट ब्लेयर का नाम ‘श्री विजयपुरम’ करने का निर्णय लिया है।
— Amit Shah (@AmitShah) September 13, 2024
‘श्री विजयपुरम’ नाम हमारे स्वाधीनता के संघर्ष और इसमें अंडमान और निकोबार के योगदान को…
ଶାହ ଆହୁରି ମଧ୍ୟ କହିଛନ୍ତି, "ସ୍ୱାଧୀନତା ସଂଗ୍ରାମ ଓ ଇତିହାସରେ ଆଣ୍ଡାମାନ ଓ ନିକୋବର ଦୀପପୁଞ୍ଜର ସ୍ଥାନ ଅଦ୍ୱିତୀୟ । ଏକଦା ଏହି ଦ୍ୱୀପ ଚୋଳ ସାମ୍ରାଜ୍ୟର ନୌସେନା ଆଡ୍ଡା ରହିଥିଲା। ମାତ୍ର ଏବେ ଭାରତର ରଣନୀତି ଓ ବିକାଶର ଆକାଂକ୍ଷା ପାଇଁ ମହତ୍ତ୍ୱପୂର୍ଣ୍ଣ ଆଧାର ହେବାକୁ ପ୍ରସ୍ତୁତ । ଏହି ସ୍ଥାନରେ ନେତାଜୀ ସୁବାଷ ଚନ୍ଦ୍ର ବୋଷ ପ୍ରଥମ ଥର ଆମର ତ୍ରିରଙ୍ଗା ଉଡ଼ାଇଥିଲେ । ଏଠାରେ ସେଲୁଲାର ଜେଲ୍ ମଧ୍ୟ ଥିଲା ଯେଉଁଠି ବୀର ସବରକରଙ୍କ ସମେତ ଅନେକ ସ୍ୱାଧୀନତା ସଂଗ୍ରାମୀ ସ୍ୱାଧୀନ ଭାରତ ପାଇଁ ସଂଘର୍ଷ କରିଥିଲେ ।"
