Defence Budget Increase India: ଅପରେସନ୍ ସିନ୍ଦୂରର ସଫଳତା: ବଢିପାରେ ପ୍ରତିରକ୍ଷା ବଜେଟ

ପାକ୍ ବିରୋଧରେ ଅପରେସନ ସିନ୍ଦୂରର ସଫଳତା ପରେ ବଢିପାରେ ପ୍ରତିରକ୍ଷା ବଜେଟ। ସେନାକୁ ଅଧିକ ସଶକ୍ତ କରିବାକୁ ପ୍ରତିରକ୍ଷା ବଜେଟ ଆଉ ୫୦ ହଜାର କୋଟି ବଢାଇପାରନ୍ତି କେନ୍ଦ୍ର ସରକାର । ଏନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି ।

ଅଧିକ ପଢ଼ନ୍ତୁ:  ପାକିସ୍ତାନରେ ଭୟଙ୍କର ପରମାଣୁ ରିଆକ୍ସନ୍, ଲୋକଙ୍କୁ ଘର ଛାଡ଼ି ପଳାଇଯିବାକୁ ନିର୍ଦ୍ଦେଶ !

ସ୍ୱତନ୍ତ୍ର ସହାୟତା ମିଶିଲେ ପ୍ରତିରକ୍ଷା ବଜେଟ ୭ଲକ୍ଷ କୋଟି ଟପିବ। ଗତ ଫେବ୍ରୁଆରୀରେ ଉପସ୍ଥାପିତ ବଜେଟରେ ସଶସ୍ତ୍ର ବାହିନୀ ପାଇଁ ୬ ଲକ୍ଷ ୮୧ ହଜାର କୋଟିର ବ୍ୟୟବରାଦ ହୋଇଥିଲା।

ତେବେ ସଂସଦର ଶୀତ ଅଧିବେଶନରେ ସ୍ୱତନ୍ତ୍ର ସହାୟତାକୁ ମଂଜୁରୀ ମିଳିପାରେ । ସ୍ୱତନ୍ତ୍ର ଅନୁଦାନକୁ ପ୍ରତିରକ୍ଷା ଗବେଷଣା ଓ ବିକାଶ, ଅସ୍ତ୍ରଶସ୍ତ୍ର, ଗୋଳାବାରୁଦ ଏବଂ ଅନ୍ୟାନ୍ୟ ଆବଶ୍ୟକୀୟ ଉପକରଣ କ୍ରୟ ପାଇଁ ବ୍ୟବହାର କରାଯିବ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି।

ଉଲ୍ଲେଖଯୋଗ୍ୟ,  ଏପ୍ରିଲ ୨୨ରେ ପହଲଗାମରେ ଆତଙ୍କୀଙ୍କ ନରସଂହାର ପରେ ପାକ୍ ବିରୋଧରେ ପ୍ରତିଶୋଧ ନେଇଥିଲା ଭାରତ। ପାକିସ୍ତାନ ଏବଂ ପାକ-ଅଧିକୃତ କାଶ୍ମୀରରେ ଆତଙ୍କବାଦୀ ଶିବିରଗୁଡ଼ିକୁ ଖୋଜି ଖୋଜି ଟାର୍ଗେଟ କରିଥିଲା ଭାରତୀୟ ସେନା।

ଅଧିକ ପଢନ୍ତୁ: ଗଦ୍ଦାର ତୁର୍କୀର ଗାଲକୁ ଭାରତୀୟଙ୍କ ଶକ୍ତ ଚାପୁଡ଼ା