LIVE TV
ନୂଆଦିଲ୍ଲୀ : ବିଜେପିର ବିଜୟରଥ ରୋକିବାକୁ ପ୍ରୟାସ କରୁଛନ୍ତି ବିରୋଧୀ । ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଦିଲ୍ଲୀ ଗସ୍ତରେ ବିରୋଧୀ ଦଳର ନେତାଙ୍କ ସହ ସାକ୍ଷାତ ପର୍ବ ଜାରି ରଖିଛନ୍ତି । ଆଜି ସନ୍ଧ୍ୟାରେ ସୋନିଆ ଗାନ୍ଧୀଙ୍କୁ ଭେଟିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ । ଆଉ ଏହି ଭେଟଘାଟ ଉପରେ ସମସ୍ତଙ୍କ ନଜର । ଏହାପୂର୍ବରୁ ଉଭୟ ନେତା ଏକ ଭର୍ଚୁଆଲ୍ ମିଟିଂ ସମୟରେ ସାକ୍ଷାତ କରିଥିଲେ । ଗାନ୍ଧୀ ପରିବାର ସହ ଏହି ଚାୟ ପେ ଚର୍ଚ୍ଚାକୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ମତ ଦେଇଛନ୍ତି ରାଜନୈତିକ ବିଶେଷଜ୍ଞ ।
ମେ ୨ ରେ ପଶ୍ଚିମବଙ୍ଗ ବିଧାନସଭା ନିର୍ବାଚନର ଫଳାଫଳ ଘୋଷଣା ପରେ ଏବେ ମମତା ଏବଂ ସୋନିଆଙ୍କ ବୈଠକକୁ ଅଧିକ ଗୁରୁତ୍ୱପୂର୍ଣ୍ଣ କୁହାଯାଉଛି । ରାଜନୈତିକ ମହଲରେ ସମସ୍ତେ ଜାଣିଛନ୍ତି ତୃଣମୂଳ କଂଗ୍ରେସର ସୁପ୍ରିମୋ ଏବଂ କଂଗ୍ରେସର ଅଧ୍ୟକ୍ଷଙ୍କ ମଧ୍ୟରେ ସମ୍ପର୍କ ବହୁତ ଭଲ । ଏହା ବ୍ୟତୀତ ୨୦୨୪ରେ ହେବାକୁ ଥିବା ସାଧାରଣ ନିର୍ବାଚନରେ ଭାରତୀୟ ଜନତା ପାର୍ଟି ବିରୋଧରେ ଏକ ନୂଆ ମୋର୍ଚ୍ଚା ଗଠନ ହେବାକୁ ଯାଉଛି ଆକଳନ କରାଯାଉଛି ।
ବିଜେପି ବିରୋଧରେ ତୃତୀୟ ମୋର୍ଚ୍ଚା ପ୍ରସ୍ତୁତ କରିବାକୁ ମମତା ବାନାର୍ଜୀ ମଧ୍ୟ ରାଜି ହୋଇ ଯାଇଛନ୍ତି । କେବଳ ଏତିକି ନୁହେଁ କଂଗ୍ରେସ ବିନା କୌଣସି ମେଣ୍ଟ ସମ୍ଭବ ନୁହେଁ ବୋଲି ମଧ୍ୟ କହିଛନ୍ତି । ଅନ୍ୟପଟେ ଏବେ ବିରୋଧୀ ଦଳ ଏକଜୁଟ ହେବାର ସମୟ ଆସିଛି ବୋଲି କଂଗ୍ରେସ ପକ୍ଷରୁ କୁହାଯାଇଛି । ମଙ୍ଗଳବାର ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ କହିଛନ୍ତି, ମମତାଙ୍କ ଠାରେ ସେହି ଶକ୍ତି ଅଛି । ବିଜେପିର ବିଜୟକୁ ରୋକିବା ପାଇଁ ସମାନ ଚିନ୍ତାଧାରା ରଖୁଥିବା ଦଳ ଏକାଠି ହେବା ଉଚିତ ବୋଲି କହିଛନ୍ତି କଂଗ୍ରେସର ବରିଷ୍ଠ ନେତା ଆନନ୍ଦ ଶର୍ମା ।
Also Read
ଏହା ବ୍ୟତୀତ ମମତା ବାନାର୍ଜୀ ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ମଧ୍ୟ ଭେଟିବାକୁ ଯାଉଛନ୍ତି । ତେବେ ପୂର୍ବରୁ ମମତାଙ୍କ ଦିଲ୍ଲୀ ଗସ୍ତରେ ମମତାଙ୍କୁ ସବୁଥର ଭେଟୁଥିଲେ ହେଁ ଏଥର ବୈଠକ ଅତ୍ୟନ୍ତ ସ୍ୱତନ୍ତ୍ର ବୋଲି ବିବେଚନା କରାଯାଉଛି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମମତା ବାନାର୍ଜୀଙ୍କ ପଦା ଅନୁସରଣ କରୁଥିବା ଜଣା ପଡିଛି । କାରଣ ସେ ବିରୋଧୀଙ୍କ ବିରୋଧରେ ଜଣେ ବଡ ଖେଳାଳି ସାବ୍ୟସ୍ତ ହୋଇପାରନ୍ତି । ଏହା ବ୍ୟତୀତ କେଜ୍ରିୱାଲଙ୍କୁ ଦିଲ୍ଲୀରେ ବିଜେପିର ବିଜୟ ମୋର୍ଚ୍ଚା ରୋକିବାର ଶ୍ରେୟ ମଧ୍ୟ ଦିଆଯାଇଛି ।
