ବୁଦ୍ଧଙ୍କ ଶିକ୍ଷା ଯୁବପିଢ଼ିଙ୍କୁ ପ୍ରେରଣା ଯୋଗାଇବ: ରାଷ୍ଟ୍ରପତି ଦ୍ରୌପଦୀ ମୁର୍ମୁ

ଆଷାଢ଼ ପୂର୍ଣ୍ଣିମା ଅବସରରେ ପାଳିତ ହୋଇଛି ଧର୍ମଚକ୍ର ପରିବର୍ତ୍ତନ ଦିବସ । କେନ୍ଦ୍ର ସଂସ୍କୃତି ମନ୍ତ୍ରାଳୟ ଓ ଇଣ୍ଟରନାସନାଲ ବୁଦ୍ଧିଷ୍ଟ ଫେଡେରେସନ୍ ପକ୍ଷରୁ ନୂଆଦିଲ୍ଲୀରେ ଏହି ଉତ୍ସବ ଆୟୋଜିତ ହୋଇଥିଲା । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଭିଡିଓ କନଫରେନ୍ସିଂରେ ଯୋଗଦେଇ ଦେଇ ଗୌତମ ବୁଦ୍ଧଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହେବାକୁ ଆହ୍ୱାନ ଦେଇଥିଲେ ।

ଗୌତମ ବୁଦ୍ଧଙ୍କ ଶିକ୍ଷା ଯୁବପିଢ଼ିଙ୍କୁ ପ୍ରେରଣା ଦେବା ସହ ଶାନ୍ତିପ୍ରିୟ ସମାଜ, ଦେଶ ଓ ବିଶ୍ୱ ଗଠନ ପାଇଁ ସହାୟକ ହେବ ବୋଲି ମତ ରଖିଥିଲେ । ଶୀଳ, ସଦାଚାର ଓ ପ୍ରଜ୍ଞାକୁ ପାଳନ କରିବା ଉପରେ ରାଷ୍ଟ୍ରପତି ଗୁରୁତ୍ୱାରୋପ କରିଥିଲେ । ଏହି ସମ୍ମିଳନୀରେ ବିଭିନ୍ନ ଦେଶର ରାଷ୍ଟ୍ରଦୂତ ଓ ବୌଦ୍ଧ ଧର୍ମାବଲମ୍ବୀ ଯୋଗ ଦେଇଥିଲେ ।