ବିବାହ ପୂର୍ବରୁ କନ୍ୟାଙ୍କ ଗର୍ଭ ପରୀକ୍ଷା : ଘଟଣାକୁ ନେଇ ବିବାଦ ଆରମ୍ଭ

ବିବାହ ପୂର୍ବରୁ କନ୍ୟାଙ୍କ ଗର୍ଭ ପରୀକ୍ଷା (pregnancy tests) ପରେ ଉଠୁଛି ପଡ଼ୁଛି ମଧ୍ୟପ୍ରଦେଶ ରାଜନୀତି । ଡିଣ୍ଡୋରି ଜିଲ୍ଲାରେ ମୁଖ୍ୟମନ୍ତ୍ରୀ କନ୍ୟା ବିବାହ (mass marriage) ଯୋଜନା (Mukhyamantri Kanya Vivah Yojana) ଅଧିନସ୍ଥ ହେଉଥିବା ବିବାହରେ ମେଡିକାଲ ଚେକ୍‌ ଅପ୍‌ ନାଁରେ ଗର୍ଭ ପରୀକ୍ଷା କରାଯାଇଛି । ଆଉ ଏହି ଘଟଣାକୁ ନେଇ ଏବେ ବିବାଦ ଆରମ୍ଭ ହୋଇଛି । ସ୍ଥାନୀୟ କଂଗ୍ରେସ ବିଧାୟକ ଏହାକୁ ବିରୋଧ କରିଛନ୍ତି ।

ଡିଣ୍ଡୋରି ଜିଲ୍ଲାରେ ସରକାରଙ୍କ ଏହି ଯୋଜନାର ଲାଭ ଉଠାଇବା ପାଇଁ ଅନେକ ଲୋକ ଆବେଦନ କରିଥିଲେ । ସେଥିମଧ୍ୟରୁ ୨୧୯ ଜଣଙ୍କ ଆବେଦନକୁ ଅନୁମୋଦନ କରାଯାଇଥିଲା । ସେଥିମଧ୍ୟରୁ ପାଞ୍ଚ ଜଣଙ୍କର ରିପୋର୍ଟ ପଜିଟିଭ୍‌ ଆସିବା ପରେ ତାଙ୍କ ନାମ ତାଲିକାରୁ ହଟାଇ ଦିଆଯାଇଛି । କଂଗ୍ରେସ ଏହାକୁ ଗୋପନୀୟତାର ଉଲ୍ଲଂଘନ ବୋଲି କହିଛି । ବର୍ତ୍ତମାନ ଏହି ପ୍ରସଙ୍ଗରେ ରାଜନୀତି ତୀବ୍ର ହୋଇଛି ।

Also Read

ଅନୁଷ୍କାଙ୍କ ସହ ଗୋଟିଏ ଗୋଡ଼ରେ ନାଚିଲେ କୋହଲି

Read More

ଓଡ଼ିଶାକୁ ଆତଙ୍କବାଦୀଙ୍କ ଟାର୍ଗେଟ ଆଶଙ୍କା କଲା ରାଜ୍ୟ ବିଜେପି

Read More

ସମର୍ଥକଙ୍କୁ ଅଇଁଠା ପିଜା ଯାଚିଲେ ଡୋନାଲ୍ଡ ଟ୍ରମ୍ପ୍‌

Read More

ଏହି ଘଟଣା ପରେ ବଛଡ଼ ଗାଁର ସରପଞ୍ଚ ମେଦାନୀ ମରାବି କହିଛନ୍ତି, "ଏଭଳି ପରୀକ୍ଷା ପୂର୍ବରୁ କୌଣସି ଥର କରାଯାଇ ନଥିଲା । ବିବାହ ପୂର୍ବରୁ ଗର୍ଭ ପରୀକ୍ଷା ଝିଅଙ୍କ ପ୍ରତି ଅପମାନ । ଯେଉଁ ମାନଙ୍କର ରିପୋର୍ଟ ପଜିଟିଭ୍‌ ଆସିଛି, ସେମାନେ ବର୍ତ୍ତମାନ ନିଜ ପରିବାର ଆଗରେ ଅପମାନିତ ହୋଇଛନ୍ତି।"

ସେପଟେ ଡିଣ୍ଡୋରିର ମୁଖ୍ୟ ଚିକିତ୍ସା ଏବଂ ସ୍ୱାସ୍ଥ୍ୟ ଅଧିକାରୀ ଡକ୍ଟର ରମେଶ ମରାବି ମଧ୍ୟ ଏସମ୍ପର୍କରେ ନିଜର ପ୍ରତିକ୍ରିୟା ରଖିଛନ୍ତି । ସାଧାରଣତଃ ବୟସ, ରକ୍ତହୀନତା ଏବଂ ରୋଗ ସମ୍ପର୍କରେ ଜାଣିବା ପାଇଁ ପରୀକ୍ଷା କରାଯାଏ । ଉପରିସ୍ଥ ଅଧିକାରୀଙ୍କ ନିର୍ଦ୍ଦେଶାନୁସାରେ କନ୍ୟାଙ୍କର ଗର୍ଭପରୀକ୍ଷା କରାଯାଇଥିଲା, ଯାହାର ସନ୍ଦେହଜନକ ଥିଲା।

ଆଉ ସେ କହିଛନ୍ତି, "ଆମେ କେବଳ ପରୀକ୍ଷା କରି ବିଭାଗକୁ ରିପୋର୍ଟ ପ୍ରଦାନ କରିଥାଉ । ଗଣ ବିବାହ ଯୋଜନାରେ କନ୍ୟାକୁ ବାଦ୍‌ ଦେବା ନିଷ୍ପତ୍ତି ସ୍ୱାସ୍ଥ୍ୟ ବିଭାଗର । ’

ଅନ୍ୟପଟେ କଂଗ୍ରେସ ଅଭିଯୋଗ କରିଛି , ସ୍ଥାନୀୟ ପ୍ରଶାସନ ଏବଂ ରାଜ୍ୟ ସରକାର ଗର୍ଭ ପରୀକ୍ଷା କରି ମହିଳାଙ୍କୁ ଅପମାନିତ କରିଛନ୍ତି । ବିରୋଧୀ ଏହି ମାମଲାର ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ କମଲନାଥ କହିଛନ୍ତି, “ମୁଁ ମୁଖ୍ୟମନ୍ତ୍ରୀଙ୍କ ଠାରୁ ଜାଣିବା ପାଇଁ ଚାହୁଁଛି, ଏହି ଘଟଣା କ’ଣ ସତ । ଏକଥା ସତ ହେଲେ ଖୁବ ନିନ୍ଦନୀୟ ନିଶ୍ଚୟ । କେଉଁ ଉଦ୍ଦେଶ୍ୟରେ ମହିଳାମାନଙ୍କୁ ଅପମାନିତ କରାଯାଇଛି ବୋଲି ସେ ପ୍ରଶ୍ନ କରିଛନ୍ତି ।