LIVE TV
ମହଙ୍ଗା ପଡ଼ିଲା ଚ୍ୟାଲେଞ୍ଜ । କେନ୍ଦ୍ର ମନ୍ତ୍ରୀ ନୀତିନ ଗଡକରୀଙ୍କୁ ଦେବାକୁ ପଡ଼ିବ ମୋଟା ଅଙ୍କର ଟଙ୍କା । ନୀତିନ ଗଡକରୀ ଜଣେ ସାଂସଦଙ୍କୁ ଓଜନ କମାଇବାକୁ ଚ୍ୟାଲେଞ୍ଜ କରିଥିଲେ । ଚ୍ୟାଲେଞ୍ଜ ସ୍ୱୀକାର କରି ଏବେ ସାଂସଦ ନିଜ ଓଜନ କମାଇବା ସହ ନିଜ ଚ୍ୟାଲେଞ୍ଜକୁ ପୁରା କରିଦେଖାଛନ୍ତି । ତେଣୁ ସେ ଏବେ କେନ୍ଦ୍ର ମନ୍ତ୍ରୀଙ୍କ ଠାରୁ ୧୫ ହଜାର କୋଟି ଟଙ୍କା ଦାବି କରିଛନ୍ତି ।
କେନ୍ଦ୍ର ମନ୍ତ୍ରୀ ନୀତିନ ଗଡକରୀଙ୍କ ଚ୍ୟାଲେଞ୍ଜ ଉଜ୍ଜୟିନୀ ସାଂସଦ ଅନୀଲ ଫିରୋଜିଆ ସ୍ୱୀକାର କରିଛନ୍ତି । ଯାହାପରେ ସେ ଲାଗିପଡି ଦିନ ରାତି କସରତ କରି ନିଜର ପାଖାପାଖି ୧୫ କିଲୋ ପର୍ଯ୍ୟନ୍ତ ଓଜନ କମାଇଦେଛନ୍ତି । ତେଣୁ ଏବେ ସେ ନିଜ କମାଇଥିବା ଓଜନ ହିସାବରେ ୧୫ ହଜାର କୋଟି ଟଙ୍କା ଗଡକରୀଙ୍କୁ ମାଗିଛନ୍ତି ।
Also Read
MP | Union Min Nitin Gadkari had told me on stage that for each kilo I lose, I will earn Rs 1000 crore for development works in Ujjain. I took it as a challenge, have lost 15 kilos yet. Will reduce it further & request him to release funds promised: Ujjain MP Anil Firojiya pic.twitter.com/Co1NKOvZwZ
— ANI MP/CG/Rajasthan (@ANI_MP_CG_RJ) June 12, 2022
ସୂଚନା ଅନୁସାରେ, ନିଜ ଅଞ୍ଚଳର ବିକାଶ ପାଇଁ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରୀଙ୍କୁ ଉଜ୍ଜୟିନୀ ସାଂସଦ ଅନୀଲ ଫିରୋଜିଆ ବାରମ୍ବାର ବଜେଟ୍ ମାଗୁଆସୁଥିଲେ। ସେହିସମୟରେ କେନ୍ଦ୍ରମନ୍ତ୍ରୀ ତାଙ୍କୁ ଏକ ଚ୍ୟାଲେଞ୍ଜ ଦେଇ କହିଥିଲେ ଯଦି ଆପଣ ନିଜ ଓଜନ କମାଇ ଦିଅନ୍ତି ତେବେ ଆପଣଙ୍କୁ କିଲୋ ପିଛା ୧୦୦୦ କୋଟି ଟଙ୍କା ଦିଆଯିବ । ସାଂସଦ ଏହି ଚ୍ୟାଲେଞ୍ଜ ସ୍ୱୀକାର କରିବା ସହ କସରତ ଆରମ୍ଭ କରିଦେଇଥିଲେ । ବହୁ ପରିଶ୍ରମ ସହ କସରତ କରି ସେ ନିଜର ୧୫ କେଜି ଓଜନ କମାଇପାରିଛନ୍ତି। ଗତ ଚାରି ମାସ ପୂର୍ବରୁ ସାଂସଦଙ୍କ ଓଜନ ୧୨୭ କିଲୋ ଥିବାବେଳେ ଏବେ ସେ ନିଜର ପ୍ରାୟ ୧୫ କିଲୋ ଓଜନ୍ କମାଇ ଦେଖାଇଛନ୍ତି । ଏହାସହ ସେ ଆଗାମୀ ଦିନରେ ସେ ନିଜ ଓଜନକୁ ୧୦୦ କିଲୋରୁ କମ୍ କରିବାରେ ଲକ୍ଷ ରଖିଛନ୍ତି ।
BJP MP from Ujjain @bjpanilfirojiya is on a mission to shed excess flab, not just to become fit, but also to fund the development of his Lok Sabha constituency as promised by Union Minister @nitin_gadkari @ndtv @ndtvindia pic.twitter.com/t7qv7K0FAB
— Anurag Dwary (@Anurag_Dwary) June 11, 2022
ଏନେଇ ଉଜ୍ଜୟିନୀ ସାଂସଦ ଅନୀଲ ଫିରୋଜିଆ କହିଛନ୍ତି ଯେ, ‘ଗତ ଫେବୃଆରୀ ମାସରେ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଯେଉଁଥିରେ କେନ୍ଦ୍ର ମନ୍ତ୍ରୀ ନୀତିନ ଗଡକରୀ ମୋତେ ଫିଟ୍ ହେବା ପାଇଁ ଉତ୍ସାହିତ କରିଥିଲେ। ଏହାସହ ସେ କହିଥିଲେ ଯେ, ଆପଣ ଯଦି ନିଜ ଓଜନ କମାଇ ଦିଅନ୍ତି ତେବେ ଆପଣଙ୍କୁ କିଲୋ ପିଛା ୧୦୦୦ କୋଟି ଟଙ୍କା ଦିଆଯିବ । ଏହି ଚ୍ୟାଲେଞ୍ଜକୁ ସ୍ୱୀକାର କରିବା ସହ ମୁଁ ଗତ ୪ ମାସ ମଧ୍ୟରେ ୧୫ କିଲୋ ଓଜନ୍ କମାଇପାରିଛି । ’
ତେବେ ଚ୍ୟାଲେଞ୍ଜକୁ ସ୍ୱୀକାର କରି ଫିରୋଜିଆ ଏକ ଫିଟନେସ୍ ଡାଏଟ୍ ପ୍ଲାନ୍ ଆରମ୍ଭ କରିବା ସହ ପ୍ରତିଦିନ ବ୍ୟାୟାମ, ସାଇକେଲିଂ, ପହଁରିବା ଏବଂ ଯୋଗ ମଧ୍ୟ କରୁଥିଲେ । ଏହା ପରେ ଏବେ ସାଂସଦ ନିଜ ଓଜନ କମାଇପାରିଛନ୍ତି ।
ଏନେି ଫିରୋଜିଆ କହିଛନ୍ତି ଯେ, ‘ ମୁଁ ପୂର୍ବରୁ ୧୨୭ କିଲୋଗ୍ରାମ ଥିଲି । ବର୍ତ୍ତମାନ ମୋର ନିର୍ବାଚନମଣ୍ଡଳୀରେ ବିକାଶ କାର୍ଯ୍ୟ ପାଇଁ ୧୫,୦୦୦ କୋଟି ଟଙ୍କା ମାଗିବାର ଅଧିକାର ଅଛି କାରଣ ମୁଁ ୧୫ କିଲୋ ଓଜନ କମାଇଛି । ସଂସଦର ମୌସୁମୀ ଅଧିବେଶନରେ ମୁଁ ତାଙ୍କୁ ଭେଟିବି ଏବଂ ମୋର ଓଜନ କମାଇବା ବିଷୟରେ ସବିଶେଷ ତଥ୍ୟ ଦର୍ଶାଇବି । ମୁଁ ନିଶ୍ଚିତ ଯେ ସେ ତାଙ୍କ ପ୍ରତିଶ୍ରୁତି ପାଳନ କରିବେ’ ।
