LIVE TV
ବିଶିଷ୍ଟ ବିଲିଓନାୟର ରାକେଶ ଝୁନଝୁନୱାଲାଙ୍କ ପରଲୋକ । ଆଜି ସକାଳେ ୬୨ ବର୍ଷ ବୟସରେ ତାଙ୍କର ପରଲୋକ ହୋଇଛି । ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ତାଙ୍କର ପରଲୋକ ହୋଇଛି । ଜଣେ ଷ୍ଟକ ଟ୍ରେଡର ଓ ଇନଭେଷ୍ଟର ଭାବେ ସାରା ବିଶ୍ୱରେ ତାଙ୍କର ବେଶ ସୁଖ୍ୟାତି ରହିଥିଲା । ତାଙ୍କର ଦେହାନ୍ତ ପରେ ପରିବାରରେ ଶୋକର ଛାୟା ଖେଳିଯାଇଛି । ତାଙ୍କୁ ସେୟାର ମାର୍କେଟ୍ର ବେତାଜ୍ ବାଦ୍ଶାହ ବୋଲି ମଧ୍ୟ କୁହାଯାଏ । ସେୟାର ମାର୍କେଟ୍ର ଜଣେ ବିଗ୍ବୁଲ୍ ଥିଲେ ରାକେଶ ଝୁନଝୁନୱାଲା ।
Also Read
ମୁମ୍ବାଇସ୍ଥିତ ବ୍ରିଚ କାଣ୍ଡି ହସ୍ପିଟାଲରେ ଝୁନଝୁନଓ୍ୱାଲା ଶେଷ ନିଶ୍ୱାସ ତ୍ୟାଗ କରିଛନ୍ତି । ଅନେକ ରୋଗରେ ସେ ପୀଡ଼ିତ ଥିଲେ । ଆଜି ଭୋରରୁ ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ବିଗିଡ଼ିଥିଲା । ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୁମ୍ବାଇର ଦଲାଲ ଷ୍ଟ୍ରିଟ୍ରେ ବିଗ୍ ବୁଲ୍ ଭାବେ ଜଣାଶୁଣା ଥିଲେ ରାକେଶ ।
ଫୋର୍ବସ ତାଲିକା ଅନୁସାରେ ୫.୫ ବିଲିଅନ ଡଲାର ସଂପତ୍ତିର ମାଲିକ ଝୁନ୍ଝୁନ୍ୱାଲା । ଗତ ସପ୍ତାହରେ ଉଡ଼ାଣ ଆରମ୍ଭ କରିଥିବା ଆକାଶ ଏୟାରଲାଇନ୍ସର ନିବେଶକ ଥିଲେ ଝୁନଝୁନଓ୍ୱାଲା । ତେବେ ଦୀର୍ଘ ଦିନ ହେବ ସେ ଅସୁସ୍ଥ ଥିଲେ । ତାଙ୍କ ମୃତ୍ୟୁରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୋକ ବ୍ୟକ୍ତ କରିଛନ୍ତି । ଏନେଇ ଟ୍ୱିଟ୍ କରି ମୋଦି ଲେଖିଛନ୍ତି ଯେ, ଝୁନଝନଓ୍ୱାଲା ଦୂରଦୃଷ୍ଟି ସଂପନ୍ନ ବ୍ୟକ୍ତି ଥିଲେ । ବିଶ୍ୱର ଅର୍ଥନୀତି ପ୍ରତି ତାଙ୍କର ଅବଦାନ ଅନେକ ରହିଛି ବୋଲି ମୋଦି କହିଛନ୍ତି । ଏହାସହ ଭାରତର ପ୍ରଗତି ପ୍ରତି ତାଙ୍କର ଅବଦାନ ଅତୁଳନୀୟ ବୋଲି ମୋଦି କହିଛନ୍ତି ।
Rakesh Jhunjhunwala was indomitable. Full of life, witty and insightful, he leaves behind an indelible contribution to the financial world. He was also very passionate about India’s progress. His passing away is saddening. My condolences to his family and admirers. Om Shanti. pic.twitter.com/DR2uIiiUb7
— Narendra Modi (@narendramodi) August 14, 2022
Billionaire veteran investor and Akasa Air founder Rakesh Jhunjhunwala passes away at the age of 62 in Mumbai pic.twitter.com/36QcRfHXsa
— ANI (@ANI) August 14, 2022
