LIVE TV
ବିହାରରେ ବଢିବ ପାଠପଢ଼ା ଓ ଚାକିରି ସଂରକ୍ଷଣ ସୀମା । ଏହା ୬୫ ପ୍ରତିଶତକୁ ବୃଦ୍ଧି ପାଇବ । ଏ ସଂପର୍କିତ ଏକ ବିଲ୍ ବିହାର ବିଧାନସଭାରେ ପାସ୍ ହୋଇଛି । ଆଜି ସର୍ବସମ୍ମତି କ୍ରମେ ଏହି ବିଲ୍ ଆଜି ବିହାର ବିଧାନସଭାରେ ପାସ୍ ହୋଇଛି । ୧୯୯୨ ମସିହାରେ ସୁପ୍ରିମକୋର୍ଟ ସଂରକ୍ଷଣ ସୀମାକୁ ୫୦ ପ୍ରତିଶତରେ ସୀମିତ ରଖିଥିଲେ । ସମସ୍ତ ପ୍ରକାର ସଂରକ୍ଷଣ ମିଶାଇଲେ ମଧ୍ୟ ତାହା ୫୦ ପ୍ରତିଶତ ଡେଇଁବା ଉଚିତ ନୁହେଁ ବୋଲି କହିଥିଲେ । ଏବେ ବିହାର ବିଧାନସଭା ସଂରକ୍ଷଣକୁ ୬୫ ପ୍ରତିଶତକୁ ବୃଦ୍ଧି କରିବା ପରେ ସୁପ୍ରିମକୋର୍ଟଙ୍କ ରାୟର ଉଲ୍ଲଂଘନ ହେବକି ବୋଲି ପ୍ରଶ୍ନ ଉଠିଛି ।
ବିହାରର ନୂଆ ନିୟମ ଅନୁସାରେ SCଙ୍କୁ ମିଳିବ ୨୦ ପ୍ରତିଶତ ସଂରକ୍ଷଣ, ଓବିସି ଓ ଇବିସିଙ୍କୁ ମିଳିବ ୪୩ ପ୍ରତିଶତ ଓ STଙ୍କୁ ମିଳିବ ୨ ପ୍ରତିଶତ ସଂରକ୍ଷଣ । କେନ୍ଦ୍ର ସରକାରଙ୍କ ପକ୍ଷରୁ ଆର୍ଥିକ ଦୁର୍ବଳ ବର୍ଗର ଲୋକଙ୍କ ପାଇଁ ଦିଆଯାଇଥିବା ୧୦ ପ୍ରତିଶତ ସଂରକ୍ଷଣକୁ ନୂଆ ବିଲ୍ରେ ସାମିଲ କରାଯାଇ ନାହିଁ । ଏହାର ଅର୍ଥ ଏହାକୁ ମିଶାଇଲେ ପୁରା ସଂରକ୍ଷଣ ୭୫ ପ୍ରତିଶତ ହେବ ।
Also Read
ବିହାର ସରକାରଙ୍କ ଅନୁସାରେ ଜାତିଗତ ଲୋକସଂଖ୍ୟା ଅନୁସାରେ ସଂରକ୍ଷଣ ବ୍ୟବସ୍ଥା କରାଯାଉଛି । କିିଛି ଦିନ ତଳେ ପ୍ରକାଶିତ ଜାତିଗତ ଜନଗଣନା ଅନୁସାରେ ବିହାରର ୧୩ କୋଟି ୧୦ ଲକ୍ଷ ଲୋକଙ୍କ ମଧ୍ୟରୁ ୩୬ ପ୍ରତିଶତ ହେଉଛି ଆର୍ଥିକ ଦୁର୍ବଳ ବର୍ଗର, ୨୭ ଦଶମିକ ୧ ପ୍ରତିଶତ ହେଉଛନ୍ତି ପଛୁଆ ବର୍ଗର । ୧୯ ଦଶମିକ ୭ ପ୍ରତିଶତ ଏସସି ଓ ଏସଟି ହେଉଛନ୍ତି ୧ ଦଶମିକ ୭ ପ୍ରତିଶତ । ସାଧାରଣ ବର୍ଗ ହେଉଛନ୍ତି ୧୫ ଦଶମିକ ୫ ପ୍ରତିଶତ ।
