କ୍ଷଣିକେ ବଦଳିଗଲା ଭାଗ୍ୟ ! ରାତାରାତି ୧୨ କୋଟି ଟଙ୍କାର ମାଲିକ ପାଲଟିଗଲେ ଅଟୋ ଡ୍ରାଇଭର୍

କୋଚି : ରାତାରାତି କୋଟିପତି ପାଲଟିଗଲେ ଅଟୋ ଚାଳକ । ଭାଗ୍ୟ ବଦଳାଇ ଦେଲା ଲଟେରୀ । ୫୬ ବର୍ଷୀୟ ଜୟପାଲାନ୍ ପିଆର୍ କେବେ ବି ଚିନ୍ତା କରିନଥିଲେ, ଦିନେ ସେ ୧୨ କୋରଟି ଟଙ୍କା ଲଟେରୀ ଜିତିବେ । ଲୋକମାନେ ତାଙ୍କୁ 'ଅଟୋ ୱାଲ୍ ଭେୟା ...' ବୋଲି କହୁଥିଲେ । କିନ୍ତୁ ଆଜି ପୂରା କେରଳ ତାଙ୍କ ବିଷୟରେ ଜାଣିବାକୁ ଉତ୍ସାହିତ ।

କେରଳର କୋଚି ନିକଟ ମାରାଡୁର ବାସିନ୍ଦା ଜୟପାଲାନ୍ । ୯୫ ବର୍ଷ ବୟସ୍କା ମା, ପତ୍ନୀ ଏବଂ ଦୁଇ ପିଲାଙ୍କ ସହ ଜୟପାଲାନ୍‌ଙ୍କ ସୁଖଦୁଃଖର ସଂସାର । ଏକ ଗରିବ ପରିବାରରେ ତାଙ୍କର ଜନ୍ମ । ଦାନା ମୁଠାଏ ପାଇଁ ପିଲାଦିନୁ ଆଜି ପର୍ଯ୍ୟନ୍ତ କଠିନ ପରିଶ୍ରମ କରୁଛନ୍ତି । ବର୍ତ୍ତମାନ ଅଟୋ ଚଳାଇ ଦୁଃଖକଷ୍ଟରେ ପାଞ୍ଚ ପ୍ରାଣୀ କୁଟୁମ୍ବ ପୋଷୁଥିଲେ । କଠିନ ପରିଶ୍ରମ କରି ପିଲାମାନଙ୍କ ସୁବର୍ଣ୍ଣ ଭବିଷ୍ୟତ ପାଇଁ ସ୍ୱପ୍ନ ଦେଖୁଥିଲେ । ତେବେ ବର୍ତ୍ତମାନ ତାଙ୍କ ଜୀବନ ସମ୍ପୂର୍ଣ୍ଣ ବଦଳି ଯାଇଛି । ବର୍ତ୍ତମାନ କୋଟି କୋଟି ଟଙ୍କା ମାଲିକ ହେବା ପରେ ତାଙ୍କର ‌ଅଧା ରହିଯାଇଥିବା ସ୍ୱପ୍ନ ସାକାର ହେବାକୁ ଯାଉଛି ।

ଜୟପାଲାନ୍ ଅଟୋ ଚଳାଇ ନିଜ ପରିବାର ପୋଷନ୍ତି । ଆଉ ଏବେ ସେ Onam bumper lottery ର ଲଟେରୀ ବିଜେତା ହୋଇଛନ୍ତି । ଟିଭିରୁ ହିଁ ବମ୍ପର ଲଟେରୀ ସମ୍ପର୍କରେ ସେ ଜାଣିବାକୁ ପାଇଥିଲେ । ବିଜେତା ହୋଇଥିବା ଜାଣି ତାଙ୍କ ଖୁସିର ଆଉ ଠିକଣା ନଥିଲା । ସୋମବାର ସକାଳେ ଜୟପାଲାନ କାନାଡ଼ା ବ୍ୟାଙ୍କର ପଲିନାଡା ଶାଖାରେ ଟିକେଟ ଜମା କରିଥିଲେ, ପରେ ବମ୍ପର ଲଟେରୀ ଜିତିବାର ଖବର ଭାଇରାଲ ହୋଇଥିଲା ।

Also Read

ଭଷ୍ମାସୁର ସାଜିଲା ତାଲିବାନ୍ : ସୁପ୍ରିମଲିଡର୍ ଅଖୁନ୍ଦଜାଦାଙ୍କୁ ହତ୍ୟା, ମୁଲ୍ଲା ବରାଦରଙ୍କୁ ବନ୍ଦୀ ବନାଇଲେ !

ନବମ ଶ୍ରେଣୀ ଛାତ୍ରଙ୍କ କରାମତି,ଗଢିଲେ ୱାସିଂ ମେସିନ୍

ତାଙ୍କ ଘରେ ଚଢାଉ ସମୟ ଆଇଟି ଟିମ୍‌ ପାଇଁ ସବୁଠାରୁ ସହଜ ଦିନ ଥିଲା-ସୋନୁସୁଦ୍‌

ଜୟପାଲାନ୍ ପ୍ରତିବର୍ଷ Onam bumper lottery କିଣୁଥିଲେ । କିନ୍ତୁ କୌଣସି ବର୍ଷ ତାଙ୍କର ଲଟେରୀ ଲାଗୁନଥିଲା । ହେଲେ ଚଳିତ ବର୍ଷ ତାଙ୍କ ଉପରେ ଭାଗ୍ୟଲକ୍ଷ୍ମୀ ପ୍ରସନ୍ନ ହୋଇଛନ୍ତି । ଅଟୋ ଚାଳକରୁ ରାତରାତି କୋଟିପତି ପାଲଟି ଯାଇଛନ୍ତି ଜୟପାଲାନ୍ ।