• Facebook
  • Twitter
  • Instagram
  • LinkedIn
  • Youtube
  • Telegram
  • Koo
  • Read in English
Otv Khabar Bureau

ଆସାମରେ ଦିନକୁ ଦିନ ଗମ୍ଭୀର ହେବାରେ ଲାଗିଛି ବନ୍ୟା ସ୍ଥିତି । ଗତ କିଛି ଦିନ ମଧ୍ୟରେ ଲଗାତାର ବର୍ଷା ରାଜ୍ୟର ଅଧିକାଂଶ ଅଞ୍ଚଳରେ ବିଭୀଷିକା ସୃଷ୍ଟି କରିଛି । ରାଜ୍ୟର ୨୫ଟି ଜିଲ୍ଲାର ଅତି କମରେ ୧୧ ଲକ୍ଷ ଲୋକ ବନ୍ୟା ପ୍ରଭାବିତ ହୋଇଛି ନୂତନଭାବେ ଗଠିତ ହୋଇଥିବା ବାଜାଲି ଜିଲ୍ଲା ଏବଂ ନାଗାରେ ସ୍ଥିତି ଅତି ସଙ୍ଗୀନ ହେବାରେ ଲାଗିଛି । ବ୍ରହ୍ମପୁତ୍ର ଏବଂ ଗୌରାଙ୍ଗ ନଦୀରେ ଜଳ ସ୍ତର କିଛି ସ୍ଥାନରେ ବିପଦ ସଙ୍କେତ ଉପରେ ପ୍ରବାହିତ ହେଉଥିବାର ଅଧିକାରୀମାନେ କହିଛନ୍ତି ।

ସେହିପରି ନାଗାଓଁର କାମ୍ପୁରରେ ବନ୍ୟା ପରିସ୍ଥିତି ଆହୁରି ଖରାପ ହୋଇଛି । କୋପିଲି ନଦୀ ପ୍ରବାହିତ ହେଉଥିବାରୁ ହୋଜାଇର ୪୬ଟି ଗାଁ, କର୍ବି ଆଙ୍ଗଲଙ୍ଗରେ ୫ଟି, ନାଗାଓଁର କାମ୍ପୁର ଏବଂ ରୋହର ୧୨ଟି ଗାଁ ଅଧିକ ପ୍ରଭାବିତ ହୋଇଛି । ହୋଜାଇରେ ମୋଟ ୪୦ ହଜାର ୮୫୬, ନାଗାଓଁ ଜିଲ୍ଲାର ଏକ ହଜାର ୧୨୬ ଏବଂ କାର୍ବି ଆଙ୍ଗଲଙ୍ଗରେ ୧ ହଜାର ୯୦୮ ଲୋକ ବନ୍ୟା ଦ୍ୱାରା ପ୍ରଭାବିତ ହୋଇଥିବା ଜଣାପଡିଛି । କେବଳ କାମରୂପରେ ୭୦ ହଜାରରୁ ଅଧିକ ଲୋକ ପ୍ରଭାବିତ ହୋଇଥିବା ସୂଚନ ମିଳିଛି ।

ତେବେ ବନ୍ୟା ଯୋଗୁ ଅନେକ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ଅନେକ ଅଞ୍ଚଳ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡ଼ିଥିବାବେଳେ ଆଉ କିଛି କିଛି ସ୍ଥାନରେ ରାସ୍ତାରେ ୩ ଫୁଟ ଉଚ୍ଚରେ ପାଣି ଚାଲିଥିବାରୁ ଯୋଗାଯୋଗ ବିଚ୍ଛିନ୍ନ ହୋଇପଡିଛି । ବିଭିନ୍ନ ରାସ୍ତା ଉପରେ ପାଣି ଚାଲୁଥିବାରୁ ବହୁ ସଂଖ୍ୟାରେ ଲୋକେ ଫସି ରହିଛନ୍ତି । ପାହାଡ଼ ତଳି ଅଞ୍ଚଳରେ ରାସ୍ତା ଧୋଇ ହୋଇ ଯିବାରୁ ଯାତାୟତରେ ବାଧା ସୃଷ୍ଟି ହୋଇଛି ।