LIVE TV
ଇଟ୍ଟାନଗର : ଭାରତ ବିରୋଧରେ ପୁଣି ଷଡ଼ଯନ୍ତ୍ର କରୁଛି ଚୀନ୍ ? ହାତରେ ନମାରି ଭାତରେ ମାରିବାକୁ ଚାହୁଁଛି ? ସବୁ ଠିକଠାକ୍ ଥିବା ବେଳେ ହଠାତ୍ କଳା ପଡ଼ିଗଲା ଅରୁଣାଚଳ ପ୍ରଦେଶର କାମେଙ୍ଗ ନଦୀର ଜଳ । ଫଳରେ ନଦୀରେ ଥିବା ହଜାର ହଜାର ମାଛ ମରି ଉପରେ ଭାସୁଛନ୍ତି । ତେବେ ନଦୀର କଳା ଜଳ ଓ ଭାସୁଥିବା ମଲା ମାଛ ଦେଖି ସ୍ଥାନୀୟ ବାସିନ୍ଦା ଆତଙ୍କିତ ହୋଇପଡ଼ିଛନ୍ତି । ଆଉ ଏନେଇ ତୁରନ୍ତ ପ୍ରଶାସନକୁ ଖବର କରାଯାଇଥିଲା । ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ନଦୀ ଜଳ କିମ୍ବା ମାଛ ନ ଖାଇବାକୁ ପ୍ରଶାସନ ଲୋକଙ୍କୁ ନିବେଦନ କରିଛି । ସ୍ଥାନୀୟ ପ୍ରଶାସନ ଏହି ଘଟଣାର ତଦନ୍ତ ପାଇଁ ଏକ ବିଶେଷଜ୍ଞ ଦଳ ଗଠନ କରିଛନ୍ତି । ଜିଲ୍ଲା ମୁଖ୍ୟାଳୟର ସେପ୍ପାରେ ହଜାର ହଜାର ମାଛର ମରିପଡ଼ିଥିବା କହିଛନ୍ତି ଜିଲ୍ଲା ମତ୍ସ୍ୟଜୀବୀ ଅଧିକାରୀ ହାଲି ତାଜୋ ।
ପ୍ରାଥମିକ ତଦନ୍ତ ଅନୁସାରେ ନଦୀ ଜଳର ଟିଡିଏସ ବୃଦ୍ଧି ପାଇଥିବା କହିଛନ୍ତି ଜିଲ୍ଲା ମତ୍ସ୍ୟ ଅଧିକାରୀ । ଜଳର ଟିଡିଏସ ବୃଦ୍ଧି କାରଣରୁ ରଙ୍ଗ କଳା ପଡ଼ି ଯାଇଥିଲା । ଜଳରେ ଟିଡିଏସ୍ ବୃଦ୍ଧି ହେତୁ ଶ୍ୱାସକ୍ରିୟାରେ ଅସୁବିଧା ଭୋଗିଥାଇ ପାରନ୍ତି ଜଳଜାତୀୟ ଜୀବ । ଫଳରେ ସେମାନଙ୍କ ମୃତ୍ୟୁକୁ ହୋଇଥିବା ସନ୍ଦେହ କରାଯାଉଛି । ବିଶେଷଜ୍ଞଙ୍କ ଅନୁଯାସାରେ ନଦୀ ଜଳରେ ଥିବା ଟିଡିଏସ୍ ଲିଟର ପିଛା ୬.୮୦୦ ମିଗ୍ରା ଥିଲା । ସାଧାରଣ ନଦୀ ଜଳରେ ଯେତିକି ଟିଡିଏସ୍ ରହିବା କଥା, ତାଠାରୁ ଲିଟର ପିଛା ୩୦୦-୧୨୦୦ ମିଗ୍ରା ଠାରୁ ଅଧିକ ଥିଲା ।
Also Read
ପୂର୍ବ ସିଆଙ୍ଗ ଜିଲ୍ଲାର ପାସିଘାଟର ସିଆଙ୍ଗ ନଦୀ ଜଳ ମଧ୍ୟ ନଭେମ୍ବର ୨୦୧୮ରେ କଳା ପଡ଼ି ଯାଇଥିଲା । ବର୍ତ୍ତମାନ କାମେଙ୍ଗ ନଦୀର ଜଳ କଳା ହେବା ପଛରେ ଚୀନ୍ର ଷଡଯନ୍ତ୍ର ବୋଲି କହିଛନ୍ତି ସ୍ଥାନୀୟ ବାସିନ୍ଦା । ନଦୀ ନିକଟରେ ଥିବା ଅଞ୍ଚଳରେ ଚୀନ୍ର ନିର୍ମାଣ କାର୍ଯ୍ୟ ଜୋରସୋରରେ ଚାଲିଥିବା ଅଭିଯୋଗ ହୋଇଛି । ଏହି କାରଣରୁ ପାଣିରେ TDS ବୃଦ୍ଧି ପାଇଛି । ଏହି ପରିପ୍ରେକ୍ଷୀରେ ପୂର୍ବତନ କଂଗ୍ରେସ ସାଂସଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ଚିଠି ଲେଖିଛନ୍ତି । ଚୀନର ୧୦,୦୦୦ କିଲୋମିଟର ଲମ୍ବର ଟନେଲ ନିର୍ମାଣ ଯୋଗୁଁ ପାଣି କଳା ପଡ଼ିଥିବା ସେ ଚିଠିରେ ଉଲ୍ଲେଖ କରିଛନ୍ତି । ତେବେ ଚୀନ୍ ଏହି ଅଭିଯୋଗକୁ ଅସ୍ୱୀକାର କରିଥିଲା।
