ଭାରତର ପ୍ରାଚୀନ ଗ୍ରନ୍ଥ ଓ ପୁରାଣ ପଢ଼ିବେ ସେନା ଅଧିକାରୀ

ଭାରତର ପ୍ରାଚୀନ ଗ୍ରନ୍ଥ ଓ ପୁରାଣ ପଢ଼ିବେ ସେନା ଅଧିକାରୀ । ଭବିଷ୍ୟତରେ ହେବାକୁ ଥିବା ଯୁଦ୍ଧ ପାଇଁ ପ୍ରସ୍ତୁତ ଲାଗି ଅତୀତର ସହାୟତା ନେବ ଭାରତୀୟ ସେନା । ଏଥିପାଇଁ ଶାସନ କୌଶଳ, ରଣନୀତି, କୂଟନୀତି ଏବଂ ଲଢେଇରେ ଅତୀତରେ ଥିବା ଭାରତର ବୁଦ୍ଧିମତାର ସହାୟତା ନେବ । ପ୍ରାଚୀନ ଗ୍ରନ୍ଥରେ ଥିବା ଶାସନ କଳା ଏବଂ ରଣନୀତି ଚିନ୍ତାଧାରାର ଅଧ୍ୟୟନ କରିବ ଭାରତୀୟ ସେନା ।

ପ୍ରୋଜେକ୍ଟ ଉଦଭବ ଅନ୍ତର୍ଗତ ଏହି କାର୍ଯ୍ୟକ୍ରମ ହାତକୁ ନିଆଯିବ । ଆର୍ମି ଟ୍ରେନିଂ କମାଣ୍ଡ ଏବଂ ୟୁନାଇଟେଡ ସର୍ଭିସ ଇନଷ୍ଟିଚ୍ୟୁସନ୍‌ ପକ୍ଷରୁ ଏନେଇ ଏକ କର୍ମଶାଳା ଅୟୋଜିତ ହୋଇଥିଲା । ଏଥିରେ ପ୍ରାଚୀନ ଯୁଦ୍ଧ କଳାକୌଶଳ, ଯୁଦ୍ଧ ସମ୍ପର୍କିତ ଐତିହାସିକ ଗ୍ରନ୍ଥ ଏବଂ ଜଟିଳ କୌଟିଲ୍ୟ ନୀତି ଉପରେ ଫୋକସ କରି ଆଲୋଚନା କରାଯାଇଥିଲା ।