LIVE TV
ଅମରାବତୀ: ଭୟଙ୍କର ସଡ଼କ ଦୁର୍ଘଟଣା । ଗୋଦାବରୀ ଜିଲ୍ଲା ଜଙ୍ଗାରେଡ୍ଡିଗୁଡେମରେ ଏକ ବସ୍ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି । ଏଥିରେ ବସ୍ଟି ନାଳକୁ ଖସିଯାଇଛି । ବସ୍ରେ ଥିବା ଯାତ୍ରୀଙ୍କ ମଧ୍ୟରୁ ୯ ଜଣଙ୍କର ଦୁଃଖଦ ମୃତ୍ୟୁ ହୋଇଥିବା ବେଳେ ୨୨ ଜଣ ଆହତ ହୋଇଛନ୍ତି । ଦୁର୍ଘଟଣାରେ ଆହତ ହୋଇଥିବା ଯାତ୍ରୀଙ୍କୁ ଜଙ୍ଗାରେଡିଗୁଡେମର ଏକ ଡାକ୍ତରଖାନାରେ ଭର୍ତ୍ତି କରାଯାଇଛି । ଜଣେ ଗୁରୁତରଙ୍କୁ ଏଲୁରୁ ଜିଲ୍ଲା ମୁଖ୍ୟା ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଆରଟିସି ଏବଂ ରାଜସ୍ୱ ଅଧିକାରୀ କହିଛନ୍ତି ଯେ, ବସ୍ କଣ୍ଡକ୍ଟରଙ୍କ ସହ ଅନ୍ୟ କିଛି ଯାତ୍ରୀ ଅଳ୍ପକେ ବର୍ତ୍ତିଯାଇଛନ୍ତି । ସେମାନେ ସାମାନ୍ୟ ଆଘାତ ପାଇଛନ୍ତି । ଏହି ବସ୍ରେ ୪୫ ଜଣ ଯାତ୍ରୀ ଏବଂ ଦୁଇଜଣ ବସ୍ କର୍ମଚାରୀ ଥିଲେ ।
Also Read
ପଶ୍ଚିମ ଗୋଦାବରୀ ଜିଲ୍ଲା ପୋଲିସ ଅଧୀକ୍ଷକ ରାହୁଲ ଦେବ ଶର୍ମା କହିଛନ୍ତି ଯେ, ବସଟି ପଡୋଶୀ ରାଜ୍ୟ ତେଲେଙ୍ଗାନାର ଅସୱରାପେଟରୁ ଜଙ୍ଗାରେଡିଗୁଡେମ ଅଭିମୁଖେ ଯାଉଥିଲା । ଜଲେରୁ ନଦୀ ପୋଲ ଉପରେ ବସ୍ଟି ଯାଉଥିବା ବେଳେ ବସ୍ ଚାଳକ ଏକ ଲରିକୁ ବାଟ ଛାଡ଼ିବାକୁ ଯାଇ ଦିଗ ପରିବର୍ତ୍ତନ କରିବାକୁ ଚେଷ୍ଟା କରିଥିଲେ । କିନ୍ତୁ ଦୁର୍ଭାଗ୍ୟ ବସତଃ ବସ୍ଟି ଭାରସାମ୍ୟ ହରାଇଥିଲା । ଆଉ ତାପରେ ବ୍ରିଜ୍ ରେଲିଂରେ ଧକ୍କାଦେଇ ବସ୍ଟି ନଦୀକୁ ଖସି ପଡ଼ିଥିଲା । ଏବେ ସୁଦ୍ଧା୯ ଜଣଙ୍କ ମୃତଦେହ ଉଦ୍ଧାର କରାଯାଇଛି । ସେଥିମଧ୍ୟରୁ ପାଞ୍ଚ ଜଣ ମହିଳା ଯାତ୍ରୀ ଥିବା ବଳେ ଜଣେ ବସ୍ ଚାଳକ ମଧ୍ୟ ରହିଛନ୍ତି ।
Around 9 people were feared killed and several injured, when an APSRTC (State Gov't Bus) bus overturned into the Jalleruvagu near Jangareddygudem in West Godavari district, on Wednesday afternoon. There were around 60 people on the bus at the time of the accident. pic.twitter.com/YuA5ekqU5l
— DD News (@DDNewslive) December 15, 2021
ସରକାର ଦେବେ କ୍ଷତିପୂରଣ
ଅନ୍ୟପଟେ ରାଜ୍ୟ ସରକାରଙ୍କ ପକ୍ଷରୁ ପ୍ରତ୍ୟେକ ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଲେଖାଏଁ ସହାୟତା ରାଶି ଘୋଷଣା କରାଯାଇଛି । ପରିବହନ ମନ୍ତ୍ରୀ ପି ଭେଙ୍କଟରମେୟା କହିଛନ୍ତି ଆହତଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବେ । ଅନ୍ୟପଟେ ରାଜ୍ୟପାଳ ବି ବି ହରିଚନ୍ଦନ ଏବଂ ମୁଖ୍ୟମନ୍ତ୍ରୀ ୱାଇ ଏସ୍ ଜଗନ୍ ମୋହନ ରେଡ୍ଡୀ ଏହି ଦୁର୍ଘଟଣାକୁ ନେଇ ଦୁଃଖ ପ୍ରକାଶ କରିଛନ୍ତି । ମୃତକଙ୍କ ପରିବାର ପ୍ରତି ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
