LIVE TV
ନୂଆଦିଲ୍ଲୀ : ତେରି ମିଟି ମେ ମିଲ ଯାୱାଁ . . । ଯବାନଙ୍କ କଣ୍ଠରୁ ଏହି ଗୀତ ଶୁଣି ଭାବବିହ୍ୱଳ ହୋଇଯାଇଛନ୍ତି କେନ୍ଦ୍ର ଗୃହମନ୍ତ୍ରୀ । ଆଉ ସେହି ସମୟର ଭିଡିଓକୁ ନିଜ ଟ୍ୱିଟର ହ୍ୟାଣ୍ଡେଲରେ ସେୟାର କରିଛନ୍ତି । ଗତ ଦୁଇ ଦିନ ହେଲା ସେ ରାଜସ୍ଥାନରେ ଅଛନ୍ତି । ରୋହିତାଶ ଚୌକରେ ଶନିବାର ରାତି ବିତାଇଛନ୍ତି ଅମିତ ଶାହା । ରାତ୍ରି ରହଣୀ ସମୟରେ ସେ ଭାରତୀୟ ଯବାନଙ୍କ ସହିତ ଏକାଠି ଖାଦ୍ୟ ଖାଇଥିଲେ । କେବଳ ଏତିକି ନୁହେଁ ଶାହା ଯବାନଙ୍କ ସହିତ ସେଲଫି ମଧ୍ୟ ନେଇଥିଲେ । ଏହି ସମୟରେ ଜଣେ ଯବାନ ଗୃହମନ୍ତ୍ରୀଙ୍କ ସାମ୍ନାରେ 'ତେରୀ ମିଟି ମେନ୍ ମିଲ୍ ଯାୱାଁ ' ଗୀତ ଗାଇଥିଲେ ।
ଯବାନଙ୍କ ସମର୍ପଣ ଭାବକୁ ପ୍ରଶଂସା କଲେ ଅମିତ ଶାହ
ଅମିତ ଶାହା ଦେଶର ପ୍ରଥମ ଗୃହମନ୍ତ୍ରୀ ହୋଇଛନ୍ତି, ଯିଏ ରୋହିତାଶ ପୋଷ୍ଟରେ ରାତି କଟାଇଛନ୍ତି । ରାତିରେ ରହିବା ସହ ଯବାନଙ୍କୁ ସମ୍ବୋଧିତ କରିଛନ୍ତି କେନ୍ଦ୍ର ଗୃହମନ୍ତ୍ରୀ । ଏଠାରେ ରହିବା ପାଇଁ ଦେଶର ବୀରପୁତ୍ର ମାନେ ଯେଉଁ ପ୍ରକାର ଅସୁବିଧାର ସମ୍ମୁଖୀନ ହେଉଛନ୍ତି ତାହା ଦେଖିବାକୁ ଚେଷ୍ଟା କରୁଥିବା କଥା କହିଛନ୍ତି । ବର୍ତ୍ତମାନ ଯବାନଙ୍କ ସମସ୍ୟାର ସମାଧାନ ପାଇଁ ସମସ୍ତ ପ୍ରୟାସ କରାଯିବ ବୋଲି ମଧ୍ୟ କହିଛନ୍ତି ।
ତେବେ ଏହି ସମୟରେ ଦେଶ ପ୍ରତି ଯବାନଙ୍କ ସମର୍ପଣ ଭାବକୁ ମଧ୍ୟ ପ୍ରଶଂସା କରିଥିଲେ ଅମିତ ଶାହ । ବିଏସ୍ଏଫ୍ ଯବାନମାନେ ଅମିତ ଶାହାଙ୍କୁ ଗାର୍ଡ ଅଫ୍ ଅନର୍ ପ୍ରଦାନ କରିଥିଲେ । ଏଥିସହିତ ଗୃହମନ୍ତ୍ରୀ ବିଏସଏଫ ଟୋପି ପିନ୍ଧି ଯବାନଙ୍କ ସହ ସେଲଫି ମଧ୍ୟ ନେଇଥିଲେ । ଏହି ସମୟରେ କେନ୍ଦ୍ର ଜଳ ଶକ୍ତି ମନ୍ତ୍ରୀ ଗଜେନ୍ଦ୍ର ସିଂ ଶେଖୱାତ ମଧ୍ୟ ଶାହାଙ୍କ ସହ ଥିଲେ।
.@BSF_India के जवानों के साथ बैठकर देशभक्ति के गीतों को सुना।
— Amit Shah (@AmitShah) December 4, 2021
यह मेरे जीवन के अविस्मरणीय पलों में से एक है।
अपने परिवार से दूर राष्ट्रभक्ति के इस सराहनीय जज्बे के साथ देश की सीमाओं की रक्षा कर रहे सभी जवानों की बहादुरी व समर्पण को नमन करता हूँ। 🙏🙏 pic.twitter.com/T3myDXZJnu
ତେବେ ରାତ୍ରି ଭୋଜନ ପରେ ଯବାନମାନେ ଗୃହମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ସଙ୍ଗୀତ କାର୍ଯ୍ୟକ୍ରମ ଆୟୋଜନ କରିଥିଲେ । ଏହି ସମୟରେ ଜଣେ ଯବାନ ସିନେମା କେସରୀ ଚଳଚ୍ଚିତ୍ରର ଗୀତ ତେରୀ ମିଟି ମେ ମିଲ୍ ଯାୱାଁ ଗୀତ ଗାଇଥିଲେ । ଆଉ ଗୀତ ଶୁଣି ଅମିତ ଶାହା ମଧ୍ୟ ଭାବପ୍ରବଣ ହୋଇଯାଇଥିଲେ । ଆଉ କେନ୍ଦ୍ର ଗୃହମନ୍ତ୍ରୀ ବିଏସଏଫ ଯବାନଙ୍କ ସେହି ଗୀତ ଗାଉଥିବା ଭିଡିଓକୁ ଟ୍ୱିଟ କରିଛନ୍ତି । ଏହା ମୋ ଜୀବନର ଏକ ଅବିସ୍ମରଣୀୟ ମୁହୂର୍ତ୍ତ । ପରିବାରଠାରୁ ଦୂରରେ ରହି ଦେଶକୁ ସୁରକ୍ଷା ପ୍ରଦାନ କରୁଥିବା ବୀରଙ୍କ ସାହସିକତା ଏବଂ ନିଷ୍ଠାକୁ ନମସ୍କାର କରୁଛି ବୋଲି ଲେଖିଛନ୍ତି ।
