ମହିଳା ବାୟୁସେନା ଅଧିକାରୀଙ୍କୁ ଦୁଷ୍କର୍ମ ଅଭିଯୋଗ ମାମଲା:୨ ଫିଙ୍ଗର ଟେଷ୍ଟକୁ ଖଣ୍ଡନ କଲେ ବାୟୁସେନା ମୁଖ୍ୟ

ନୂଆଦିଲ୍ଲୀ: କୋଏମ୍ବାଟୁରରେ ମହିଳା ବାୟୁସେନା ଅଧିକାରୀଙ୍କୁ ଦୁଷ୍କର୍ମ ଅଭିଯୋଗ ମାମଲାରେ ପୀଡ଼ିତାଙ୍କ ୨ ଫିଙ୍ଗର ଟେଷ୍ଟ କରାଯାଇନି। ଏନେଇ  ଗଣମାଧ୍ୟମରେ ପ୍ରକାଶିତ ଖବରକୁ ଖଣ୍ଡନ କରିଛନ୍ତି ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶାଲ ଭି.ଆର୍. ଚୌଧୁରୀ।

ଏକ ପ୍ରେସ୍‌ମିଟ୍‌ରେ ସାମ୍ବାଦିକଙ୍କ ପ୍ରଶ୍ନରେ ବାୟୁସେନା ମୁଖ୍ୟ କହିଛନ୍ତି, ଏଭଳି ଘଟଣା ପାଇଁ ବାୟୁସେନାରେ କଠୋର ନିୟମ ରହିଛି। ପୀଡିତାଙ୍କ କୌଣସି ୨ ଫିଙ୍ଗର ଟେଷ୍ଟ କରାଯାଇ ନାହିଁ। ଏନେଇ ଗଣମାଧ୍ୟମରେ ଭୁଲ୍ ଖବର ପ୍ରଚାରପ୍ରସାର ହୋଇଛି।

Also Read

ନଭେମ୍ବର ଯାଏଁ ସତର୍କ ରୁହ: ସ୍ୱାସ୍ଥ୍ୟ ନିର୍ଦ୍ଦେଶକ

ପୂର୍ବ ଲଦାଖର ୩ ଏୟାରବେସରେ ଏବେ ବି ଜଗି ରହିଛି ଚୀନ ବାୟୁସେନା: ମୁକାବିଲା ପାଇଁ ପ୍ରସ୍ତୁତ ଥିବା କହିଲେ ନୂଆ ବାୟୁସେନା ମୁଖ୍ୟ

ଶସ୍ତା ହେଲା ସୁନା

ପୀଡ଼ିତାଙ୍କ ଅଭିଯୋଗକୁ ଗୁରତ୍ୱର ସହ ନେବା ପରେ କାର୍ଯ୍ୟାନୁଷ୍ଠାନ ଗ୍ରହଣ ହୋଇଛି। ତଦନ୍ତ ରିପୋର୍ଟ ଆଧାରରେ ଅଭିଯୁକ୍ତ ଅଧିକାରୀଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

କୋଏମ୍ବାଟୁରରେ ଥିବା ବାୟୁସେନା କଲେଜରେ ଜଣେ ମହିଳା ଅଧିକାରୀ ତାଙ୍କ ପୁରୁଷ ସହଯୋଗୀଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଥିଲେ। ଏନେଇ  ମହିଳା ବାୟୁସେନା ଅଧିକାରୀ ଗତମାସ ୨୫ ତାରିଖରେ ଅଭିଯୋଗ କରିଥିଲେ। ସେହି ଦିନ ହିଁ ଅଭିଯୁକ୍ତଙ୍କୁ ପୋଲିସ ଗିରଫ କରିଥିଲା।  ତେବେ କୋର୍ଟଙ୍କ ନିର୍ଦ୍ଦେଶ ପରେ ମାମଲାର ତଦନ୍ତ ଦାୟିତ୍ୱ ବାୟୁ ସେନାକୁ ହସ୍ତାନ୍ତର କରାଯାଇଛି।