ଦୀପାବଳିରେ ଗୁଗଲ୍‌ର ଉପହାର

ନୂଆଦିଲ୍ଲୀ:ଚଳିତ ବର୍ଷ ଦୀପାବଳିରେ ଗୁଗଲ୍‌ ୟୁଜର୍ସ ମାନଙ୍କ ପାଇଁ ଉପହାର ଆଣିଛି । ପ୍ଲେ-ଷ୍ଟୋରରେ ସବ୍‌ସ୍କ୍ରିପ୍‌ସନ୍‌ର ଫିରେ ୧୫ ପ୍ରତିଶତ କମିଶନ୍ ହ୍ରାସ କରିବାକୁ ଗୁଗଲ୍‌ ପକ୍ଷରୁ ନିଷ୍ପତି ନିଆଯାଇଛି । କମିଶନ୍ ହ୍ରାସ ପରର ନୂଆ ମୂଲ୍ୟକୁ ଆସନ୍ତା ବର୍ଷ ଜାନୁଆରୀ ମାସ ୧ ତାରିଖରୁ ଲାଗୁ କରାଯିବ ।

ଗୁଗଲ୍‌ ପ୍ଲେ-ଷ୍ଟୋର ଆପ୍‌ରେ ବର୍ଦ୍ଧିତ ସବ୍‌ସ୍କ୍ରିପ୍‌ସନ୍‌ ଫିକୁ ନେଇ ଆପଲ୍ ଏବଂ ଗୁଗୁଲ୍‌ର କମ୍ପାନୀକୁ ବିଭିନ୍ନ ପକ୍ଷରୁ ସମାଲୋଚନା କରାଯାଉଛି । ଯାହାକୁ ନେଇ କମ୍ପାନୀ ପକ୍ଷରୁ ଆଲୋଚନା ପରେ ବଦ୍ଧିତ କମିଶନ୍‌କୁ କମାଇବା ପାଇଁ ଗୁଗଲ୍‌ ପକ୍ଷରୁ ନିଷ୍ପତ୍ତି ନିଆଯାଇଛି ।

ଗୁଗୁଲ ପକ୍ଷରୁ ଏକ ପୋଷ୍ଟରେ କୁହାଯାଇଛି ଯେ, ‘୨୦୨୨ ଜାନୁୟାରୀ ୧ ତାରିଖରୁ ସବସ୍କ୍ରିପସନ୍ ପ୍ରଦାନ କରୁଥିବା ଡେଭଲପରମାନଙ୍କ ସମର୍ଥନ କରିବା ପାଇଁ ଆମେ ଗୁଗୁଲ୍ ପ୍ଲେରେ ଥିବା ସମସ୍ତ ସବସ୍କ୍ରିପସନ୍ ଫିକୁ ୩୦ ପ୍ରତିଶତରୁ ୧୫ ପ୍ରତିଶତକୁ ହ୍ରାସ କରୁଛୁ । ୧୦ ଲକ୍ଷ ଡଲାର ପର୍ଯ୍ୟନ୍ତ ଇନ୍‌କମ୍‌ କରୁଥିବା ଡେଭଲପରମାନଙ୍କ ପାଇଁ ପ୍ଲେ-ଷ୍ଟୋରରୁ ଆପ କ୍ରୟ ଉପରେ ୧୫ ପ୍ରତିଶତ କମିଶନ ଆଦାୟ କରାଯିବ ଏବଂ ୧୦ ଲକ୍ଷ ଡଲାରରୁ ଅଧିକ ଆୟ ଥିବା ଡେଭଲପରଙ୍କ ଠାରୁ ୩୦ ପ୍ରତିଶତ କମିଶନ ଆଦାୟ କରାଯିବ’ ।

Also Read

ଅବିଶ୍ୱାସ ଲାଗିଲେ ବି ସତ, ମଣିଷ ଦେହରେ ଲାଗିଲା ଘୁଷୁରୀ କିଡ଼ନୀ

ଘରେ ବନାନ୍ତୁ ସ୍ୱାଦିଷ୍ଟ ‘ମାଟିହାଣ୍ଡି ମଟନ୍’

ପଞ୍ଚାୟତ ନିର୍ବାଚନ ପୂର୍ବରୁ ଭୁଶୁଡ଼ୁଛି ରାଜ୍ୟ କଂଗ୍ରେସର ଦୁର୍ଗ

ଗୁଗୁଲ୍ ପକ୍ଷରୁ ଆହୁରି ମଧ୍ୟ କୁହାଯାଇଛି ଯେ, ଏଥିରୁ ହୋଇଥିବା ଇନ୍‌କମ୍‌କୁ ଆଣ୍ଡ୍ରୋଏଡ୍ ଏବଂ ପ୍ଲେ-ଷ୍ଟୋରରେ ସବସ୍କ୍ରିପସନ୍‌ରେ ବିନିଯୋଗ କରାଯାଇଛି । ଯାହା ଫଳରେ ଏହା ସମସ୍ତ ଡିଭାଇସ୍ ନିର୍ମାତାମାନଙ୍କୁ ମାଗଣାରେ ଉପଲବ୍ଧ କରାଯାଇଛି । ଯେଉଁମାନେ ଡିଜିଟାଲ୍ ସାମଗ୍ରୀ ଏବଂ ସେବାଗୁଡିକର ଇନ୍-ଆପ୍ ବିକ୍ରି କରିଥାନ୍ତି କେବଳ ସେହି ଡେଭଲପରମାନଙ୍କ ପାଇଁ ହିଁ ଗୁଗୁଲ୍ ପ୍ଲେ-ଷ୍ଟୋରରେ ଏହି ସେବାକୁ ଲାଗୁ କରାଯାଇଛି ।

ପୂର୍ବରୁ ଗୁଗୁଲ ପକ୍ଷରୁ କୁହାଯାଇଥିଲା ଯେ, ଭାରତରେ ଥିବା ଡେଭଲପରମାନେ ଡିଜିଟାଲ ସାମଗ୍ରୀ ବିକ୍ରି କରୁଛନ୍ତି । ହେଲେ ସେ ସବୁକୁ ବର୍ତ୍ତମାନ ପର୍ଯ୍ୟନ୍ତ ପ୍ଲେ ବିଲିଂ ସିଷ୍ଟମରେ ପଞ୍ଜୀକୃତ କରାଯାଇନାହିଁ । ତେଣୁ ପଞ୍ଜୀକୃତ କରିବା ପାଇଁ ସାମାନଙ୍କୁ ଆଗାମୀ ୨୦୨୨ର ମାର୍ଚ୍ଚ ମାସ ୩୧ ତାରିଖ ପର୍ଯ୍ୟନ୍ତ ସମୟ ଦିଆଯାଇଛି । ଯାହା ପରେ ହିଁ ସେମାନେ ଏହି ପରିବର୍ତ୍ତନର ଲାଭ ପାଇପାରିବେ ।

ସୁରକ୍ଷାକୁ ଦୃଷ୍ଟିରେ ରଖି ଗୁଗଲ୍ ପକ୍ଷରୁ ୧୫୦ଟି ଆପ୍‌କୁ ବ୍ୟାନ୍‌ କରାଯାଇଛି । କାରଣ ଏହି ସେହି ସବୁ ଆପ୍‌ ଗୁଡିକ ଉପଭୋକ୍ତାମାନଙ୍କର ବିନା ଅନୁମତିରେ ସେମାନଙ୍କର ବ୍ୟକ୍ତିଗତ ତଥ୍ୟ ପାଇବା ତଥା ସେମାନଙ୍କଠାରୁ ଟଙ୍କା ପାଇବା ପାଇଁ ବିଭିନ୍ନ କୌଶଳ ମାନର ବ୍ୟବହାର କରୁଥିଲେ ।

ଜି-ମେଲ୍‌ରେ ନୂଆ ଅପ୍‌ଡେଟ୍

ଗୁଗଲ ଜି-ମେଲ୍‌ରେ ମଧ୍ୟ କିଛି ନୂଆ ଫିଚର୍ସକୁ ବାହାର କରିଛି । କମ୍ପାନୀ ୱେବ୍ ପାଇଁ ଜି-ମେଲ୍‌ରେ ଟିଓ(To), ସିସି(Cc), ଏବଂ ବିସିସି(Bcc)କୁ ଅପଡେଟ୍‌ କରି ସେଥିରେ ଉନ୍ନତି ଆଣିବାକୁ ପ୍ରୟାସ କରୁଛି । ଯାହା ପରେ ୟୁଜର୍ସଙ୍କ ପାଇଁ ଇମେଲ କରିବା ପାଇଁ ପୂର୍ବ ଅପେକ୍ଷା ସହଜ ହୋଇପାରିବ ।

ଟିଓ(To), ସିସି(Cc), ଏବଂ ବିସିସି(Bcc)କୁ ବ୍ୟବହାର କରିବା ସମୟରେ ଜି-ମେଲ୍‌ରେ ଏକ ନୂଆ ଫିଚର୍ସ ତଥା ରାଇଟ୍‌ କ୍ଲିକ୍‌ ମେନ୍ୟୁ ଉପଲବ୍ଧ ହେବ । ଯାହା ଉପରେ କ୍ଲିକ୍‌ କରିବା ଦ୍ୱାରା ୟୁଜରମାନେ ନିଜ ପ୍ରାପ୍ତକର୍ତ୍ତାଙ୍କ (Recipient)ଙ୍କ ସମ୍ପୂର୍ଣ୍ଣ ନାମ ଓ ଇମେଲ୍‌ ଆଇଡି ଦେଖିପାରିବେ । ଏହାସହ କଣ୍ଟାକ୍ଟ ଏଡିଟ୍‌ ଓ ଇମେଲ୍‌ ଆଡ୍ରୋସ୍‌କୁ କପି ମଧ୍ୟ କରିପାରିବେ ।