LIVE TV
ଜୟପୁର: ରାଜସ୍ଥାନର ବିଭିନ୍ନ ସ୍ଥାନରେ ବଜ୍ରାଘାତ ହୋଇ ୧୮ ଜଣଙ୍କ ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୭ ଜଣ ଶିଶୁ ଅଛନ୍ତି। ରାଜସ୍ଥାନର ଜୟପୁର, କୋଟା, ଝାଲାୱାର ଓ ଧୋଲପୁର ଜିଲ୍ଲାରେ ରବିବାର ଏହି ବଜ୍ରାଘାତ ହୋଇଛି। ବଜ୍ରାଘାତରେ ୨୧ ଜଣ ଆହତ ହୋଇଥିବା ବେଳେ ସେମାନଙ୍କ ମଧ୍ୟରେ ୬ ଜଣ ଶିଶୁ ଅଛନ୍ତି। ବଜ୍ରାଘାତରେ ବାରାନ୍ ଓ ଝାଲାୱାରରେ ଜଣେ ଲେଖାଏ, କୋଟାରେ ୪ଜଣ ଓ ଧୋଲପୁର ଜିଲ୍ଲାରେ ୩ ଜଣଙ୍କ ମୃତ୍ୟୁ ଘଟିଛି। ରାଜସ୍ଥାନର ଅଧିକାଂଶ ସ୍ଥାନରେ ରବିବାର ବର୍ଷା ହୋଇଥିଲା। ଆଜି ସକାଳେ ମଧ୍ୟ ପ୍ରବଳ ବର୍ଷା ହେବାନେଇ ପାଣିପାଗ ବିଭାଗ ପୂର୍ବାନୁମାନ କରିଥିଲା।
ଜୟପୁରରେ ବଜ୍ରାଘାତରେ ୧୧ ଜଣଙ୍କ ମୃତ୍ୟୁ ହୋଇଥିବା ବେଳେ ୮ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ଅଧିକାଂଶ ଯୁବଗୋଷ୍ଠୀର ଥିଲେ। ଏମାନେ ଅମ୍ବର ଦୁର୍ଗ ନିକଟ ଏକ ପାହାଡ଼ ଉପରେ ଥିବାବେଳେ ବଜ୍ରାଘାତ ହୋଇଥିଲା। ଏହି ସମୟରେ ସେମାନଙ୍କ ମଧ୍ୟରୁ କିଛି ଲୋକ ଏକ ୱାଚ୍ ଟାୱାରରେ ଛିଡ଼ା ହୋଇ ସେଲ୍ଫି ନେଉ ଥିବାବେଳେ ଆଉ କିଛି ଲୋକ ପାହାଡ଼ ଉପରେ ଥିଲେ। ଯେଉଁମାନେ ୱାଚ୍ ଟାୱାରରେ ଛିଡ଼ା ହୋଇଥିଲେ ବଜ୍ରାଘାତ ହେବା ଯୋଗୁ ସେମାନେ ତଳକୁ ଖସି ପଡ଼ିଥିଲେ। ଖବରପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ଆହତଙ୍କୁ ଉଦ୍ଧାର କରିଥିଲେ।
Also Read
ଘଟଣାକୁ ନେଇ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ଓ ରାଜ୍ୟପାଳ କଲ୍ରାଜ୍ ମିଶ୍ରା ଦୁଃଖପ୍ରକାଶ କରିଛନ୍ତି।
आकाशीय बिजली गिरने से कनवास गांव (कोटा) में 4 एवं कूदिन्ना गांव, बाड़ी(धौलपुर) में 3 बच्चों की मृत्यु बेहद हृदयविदारक है। बच्चों के परिजनों के प्रति मेरी गहरी संवेदनायें हैं, ईश्वर उन्हें इस अत्यंत दुखद समय में संबल प्रदान करें। घायल बच्चों के शीघ्र स्वास्थ्य लाभ की प्रार्थना है।
— Ashok Gehlot (@ashokgehlot51) July 11, 2021
