ବାୟୁସେନାର ୨ ବିମାନ କ୍ରାସ୍‌, ଦୁର୍ଘଟଣା ପରେ ଜଳିଗଲା ଫାଇଟର୍‌ ବିମାନ...

ଭାରତୀୟ ବାୟୁସେନାର ୨ଟି ଫାଇଟର୍‌ ବିମାନ କ୍ରାସ୍‌ ହୋଇଛି। ମଧ୍ୟପ୍ରଦେଶ ମୋରେନାରେ ବାୟୁସେନାର ଫାଇଟର ବିମାନ ସୁଖୋଇ Su-30 ଓ Mirage 2000(ମିରାଜ୍ ୨୦୦୦) ଆଜି ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାର କାରଣ ଓ ମୃତାହତଙ୍କ ସମ୍ପର୍କରେ କିଛି ଜଣାପଡ଼ିନି। 

ଉଭୟ ଫାଇଟର୍‌ ବିମାନ ଗ୍ୱାଲିୟର ଏୟାର ଫୋର୍ସ ବେସ୍‌ରୁ ଉଡ଼ାଣ ଭରିଥିଲା। ହେଲେ ଦୁଃଖଦ କଥା, ଉଭୟ ବିମାନ ମୋରେନାରେ ଦୁର୍ଘଟଣାଗ୍ରସ୍ତ ହୋଇ ଜଳି ଯାଇଥିଲା। ସର୍ଚ୍ଚ ଓ ଉଦ୍ଧାର କାର୍ଯ୍ୟ ଜାରି ରହିଥିବା ବେଳେ ମୃତାହତଙ୍କ ସମ୍ପର୍କରେ କିଛି ଜଣାପଡ଼ିନି।

#ବାୟୁସେନାର_୨ଟି_ବିମାନ_କ୍ରାସ୍
ମଧ୍ୟ ପ୍ରଦେଶ ମୋରେନାରେ ବାୟୁସେନାର ୨ଟି ବିମାନ ଦୁର୍ଘଟଣା । ସୁଖୋଇ-୩୦ ଓ ମିରେଜ୍ ୨୦୦୦ ବିମାନ ଦୁର୍ଘଟଣା । ଦୁର୍ଘଟଣାର କାରଣ ଓ ମୃତାହତ ସ୍ପଷ୍ଟ ହୋଇନି#MadhyaPradesh #Aircraft #OTV pic.twitter.com/FUFPSpLixW

— ଓଟିଭି (@otvkhabar) January 28, 2023

ଉଭୟ ବିମାନ ମଝି ଆକାଶରେ ଦୁର୍ଘଟଣାଗ୍ରସ୍ତ ହୋଇଛି ନା ନାହିଁ, ଏହା ଜାଣିବା ଲାଗି ତଦନ୍ତ ଆରମ୍ଭ ହୋଇଥିବା ସୂଚନା ମିଳିଛି। ସୁଖୋଇ-୩୦ ବିମାନରେ ୨ ଜଣ ପାଇଲଟ୍‌ ଥିବାବେଳେ ମିରାଜ୍ ୨୦୦୦ରେ ଜଣେ ପାଇଲଟ୍ ଥିଲେ। ପ୍ରାଥମିକ ତଦନ୍ତରୁ ଜଣାପଡ଼ିଛି, ୨ ଜଣ ପାଇଲଟ୍‌ ସୁରକ୍ଷିତ ଅଛନ୍ତି। 

ସେହିପରି ରାଜସ୍ଥାନର ଭରତପୁରରେ ଆଜି ଏକ ଚାର୍ଟଡ ବିମାନ ଦୁର୍ଘଟଣାଗ୍ରସ୍ତ ହୋଇଛି। କ୍ରାସ୍‌ର କାରଣ ଓ ମୃତାହତ ନେଇ ସ୍ପଷ୍ଟ ହୋଇନଥିବା ବେଳେ ଘଟଣାସ୍ଥଳରେ ପୋଲିସ୍‌ ଓ ପ୍ରଶାସନ ପହଞ୍ଚିଛନ୍ତି। 

#ଚାର୍ଟଡ_ବିମାନ_କ୍ରାସ୍
ରାଜସ୍ଥାନ ଭରତପୁରରେ ଚାର୍ଟଡ ବିମାନ କ୍ରାସ୍ । କ୍ରାସ୍‌ର କାରଣ ଓ ମୃତାହତ ନେଇ ସ୍ପଷ୍ଟ ହୋଇନି#Rajstan #Bharatpur #OTV pic.twitter.com/uqVuu2mFNA

— ଓଟିଭି (@otvkhabar) January 28, 2023

OTV is now on Whatsapp

Join and get latest news update delivered to you via whatsapp

Join Now