LIVE TV
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୪ ମେ ୨୬ରୁ ବିଜେପି ଏବଂ ଏନ୍ଡିଏର ନେତୃତ୍ୱ ଗ୍ରହଣ କରିବା ଦିନଠାରୁ ଦେଶର ଭାଗ୍ୟ ବଦଳାଇ ଦେଇଛନ୍ତି। ମୋଦୀ ସରକାର ବର୍ତ୍ତମାନ ୮ ବର୍ଷ ପୂରଣ କରିଛି। ଏହି ୮ ବର୍ଷରେ ୮ ଜଣଙ୍କ ମୁଖ୍ୟ ଭୂମିକା ରହିଛି ଯେଉଁମାନେ ପ୍ରଧାନମନ୍ତ୍ରୀ ମୋଦିଙ୍କ ସାଥ୍ ଦେଇଛନ୍ତି। ତେବେ ଏହି ୮ ଜଣ କିଏ ଯେଉଁମାନେ ସରକାରର ସଫଳତାର କାହାଣୀ ଲେଖିବାରେ ସହଯୋଗ କରିଥିଲେ, ଆସନ୍ତୁ ସେ ବିଷୟରେ ଜାଣିବା।
ଅମିତ ଶାହା:
ରାଜନୈତିକ ବିଶ୍ଳେଷକମାନେ ବିଶ୍ୱାସ କରନ୍ତି ଯେ ଅମିତ ଶାହା ପ୍ରଧାନମନ୍ତ୍ରୀ ମୋଦି ସରକାର ଛାୟା। ମୋଦି ଏବଂ ଶାହାଙ୍କର ଯୋଡି ବହୁ ଦିନର। ଉଭୟଙ୍କ ମଧ୍ୟରେ ବହୁତ ଭଲ ବୁଝାମଣା ରହିଛି। ଶାହା କେବଳ ବିଜେପିର ସଭାପତି ଭାବରେ ଦଳକୁ ଜୀବନ୍ତ କରି ଗଢି ନାହାଁନ୍ତି ବରଂ ଏକ ସଂଗଠନ ଭାବରେ ଏହାକୁ ବହୁତ ଶକ୍ତିଶାଳୀ ମଧ୍ୟ କରିଛନ୍ତି। ଦଳ ବର୍ତ୍ତମାନ ନୂଆ ଆତ୍ମବିଶ୍ୱାସ ସହିତ ସମସ୍ତ ପ୍ରକାର ନିର୍ବାଚନରେ ସଫଳତାର ଏକ ନୂଆ କାହାଣୀ ଲେଖିଛି।
ଅଜିତ ଡୋଭାଲ :
ମୋଦୀ ସରକାରଙ୍କ ଜାତୀୟ ସୁରକ୍ଷା ପରାମର୍ଶଦାତା ଭାବେ ଅଜିତ ଡୋଭାଲ ଅତ୍ୟନ୍ତ ଗୁରୁ ଦାୟିତ୍ୱ ନିଭାଇଛନ୍ତି। ଦେଶର ଆଭ୍ୟନ୍ତରୀଣ ସୁରକ୍ଷା ଠାରୁ କାଶ୍ମୀର ନୀତିରେ ସେ ଏକ ବିଶେଷ ଭୂମିକା ଗ୍ରହଣ କରିଛନ୍ତି। ଏହା ସହିତ ସେ ଚୀନ୍ ଠାରୁ ଜାପାନରେ କ୍ୱାଡ୍ କନ୍ଫରେନ୍ସ ପର୍ଯ୍ୟନ୍ତ ପ୍ରଧାନମନ୍ତ୍ରୀଙ୍କ ସହିତ ସକ୍ରିୟ ଅଛନ୍ତି। ସରକାର ପାଇଁ ସେ ବେଳେବେଳେ ପଶ୍ଚାତ ଭାଗରେ ରୁହନ୍ତି ତ ବେଳେବେଳେ ସାମ୍ନାରେ ରହି ନିଜ ଭୂମିକା ଗ୍ରହଣ କରନ୍ତି।
ପି.କେ ମିଶ୍ର :
ପ୍ରଧାନମନ୍ତ୍ରୀଙ୍କ ମୁଖ୍ୟ ସଚିବ ଭାବେ ପି.କେ ମିଶ୍ର ନିଜ ଦାୟିତ୍ୱ ତୁଲାଇ ଆସୁଛନ୍ତି। ଶ୍ରୀ ମିଶ୍ର ଗୁଜୁରାଟ କ୍ୟାଡରର ୧୯୭୨ ବ୍ୟାଚ୍ ଅଫିସର। ମୁଖ୍ୟତଃ ଓଡିଶାର ଶ୍ରୀ ମିଶ୍ର ଜଣେ ସ୍ୱଳ୍ପ ଭାଷୀ ବ୍ୟକ୍ତି ଭାବରେ ଜଣାଶୁଣା ହେଲେ ମଧ୍ୟ ଅର୍ଥନୀତି ଠାରୁ ଆରମ୍ଭ କରି କୃଷି, ଶକ୍ତି ଏବଂ ବିପର୍ଯ୍ୟୟ ପରିଚାଳନା ଏବଂ ଅନ୍ୟାନ୍ୟ ବିଷୟ ଉପରେ ତାଙ୍କ ଗଭୀର ଦକ୍ଷତା ରହିଛି। ସେ ୨୦୧୯ରେ ପିଏମ୍ଓରେ ଅତିରିକ୍ତ ପ୍ରମୁଖ ସଚିବ ହୋଇ ଆସିଥିଲେ। ଏହା ପରେ ତାଙ୍କର ଭୂମିକା ବଢିବାରେ ଲାଗିଥିଲା।
ନିର୍ମଳା ସୀତାରମଣ :
ଦଳର ମୁଖପାତ୍ରଙ୍କରୁ ନିର୍ମଳା ସୀତାରମଣ ବର୍ତ୍ତମାନ ଜଣେ ଦକ୍ଷ ପ୍ରଶାସକ ଭାବରେ ଜଣାଶୁଣା। ତାଙ୍କର ଅନେକ ସଫଳତା ଏବଂ ଉପଲବ୍ଧି ରହିଛି। ସରକାରରେ ତାଙ୍କର ସ୍ଥିତି କ୍ରମାଗତ ଭାବେ ବୃଦ୍ଧି ପାଉଛି। ଜଣେ ମହିଳା ଅର୍ଥମନ୍ତ୍ରୀ ଭାବରେ ସେ ଦେଶକୁ ଆଗକୁ ନେଇଛନ୍ତି।
ସେ ନିଜକୁ ଜଣେ ଏଭଳି ମନ୍ତ୍ରୀ ଭାବରେ ଉପସ୍ଥାପନ କରନ୍ତି ଯିଏ ତାଙ୍କ କାମ ଉପରେ ଧ୍ୟାନ ଦିଅନ୍ତି। କେବଳ ଏତିକି ନୁହେଁ, ମୋଦି ସରକାରଙ୍କ ବିରୋଧରେ ସମାଲୋଚନା ସମୟରେ ସେ ଯେଉଁଭଳି ଭାବରେ କାଉଣ୍ଟର କରୁଛନ୍ତି, ତାହା ବିରୋଧୀଙ୍କୁ ପରାସ୍ତ କରିବାକୁ ବାଧ୍ୟ କରେ।
ନିତିନ ଗଡକରୀ :
ମୋଦି ସରକାରର ବରିଷ୍ଠ ମନ୍ତ୍ରୀମାନଙ୍କ ମଧ୍ୟରୁ ଜଣେ ହେଲେ ନିତିନ ଗଡକରୀ, ଯାହାଙ୍କର ଯୋଜନାରେ କୌଣସି ଅଭାବ ନାହିଁ। ସେ ପ୍ରଧାନମନ୍ତ୍ରୀଙ୍କ ଗତି ଶକ୍ତି ଜାତୀୟ ମାଷ୍ଟର ପ୍ଲାନରେ ପ୍ରମୁଖ ଭୂମିକା ଗ୍ରହଣ କରୁଥିବା ଜଣେ ମନ୍ତ୍ରୀ। ତାଙ୍କର ସଡକ ପରିବହନ ଏବଂ ରାଜପଥ ମନ୍ତ୍ରଣାଳୟ ଦେଶର ସବୁଠାରୁ ଭଲ କାମ କରୁଥିବା ବିଭାଗ ଭାବେ ଜଣାଯାଏ।
ଏସ୍. ଜୟଶଙ୍କର:
ସାରା ଜୀବନ ବୈଦେଶିକ ବିଭାଗ ଅଧୀନରେ ଜଣେ ବରିଷ୍ଠ ଅଧିକାରୀ ଭାବେ କାମ କରିଆସୁଥିବା ଏସ୍. ଜୟଶଙ୍କର ୨୦୧୯ରେ ବୈଦେଶିକ ମନ୍ତ୍ରୀ ଭାବେ ଦାୟିତ୍ୱ ନେଇଥିଲେ। ସେ ହେଉଛନ୍ତି ପ୍ରଥମ ପୂର୍ବତନ ବୈଦେଶିକ ସଚିବ, ଯିଏ ଚାକିରିରୁ ସିଧାସଳଖ ଅବସର ନେବା ପରେ କ୍ୟାବିନେଟ୍ ମନ୍ତ୍ରୀ ହୋଇଥିଲେ। କୂଟନୀତିଜ୍ଞ ଭାବରେ ତାଙ୍କର କାମ ଏବଂ ଦକ୍ଷତା ଅବିସ୍ମରଣୀୟ। ସେ ଅନେକ କ୍ଷେତ୍ରରେ ବହୁତ ପ୍ରଭାବଶାଳୀ ଭୂମିକା ନିଭାଇଛନ୍ତି। ଚୀନ୍ ସହିତ ତିକ୍ତତା ପରିସ୍ଥିତି ସମୟରେ ତାଙ୍କର ବୁଝାମଣା କରିବାର କ୍ଷମତା ତାଙ୍କ ଦକ୍ଷତାକୁ ପ୍ରମାଣ କରେ।
ରାଜନାଥ ସିଂ :
ପ୍ରଥମେ ଗୃହମନ୍ତ୍ରୀ ଏବଂ ପରେ ପ୍ରତିରକ୍ଷା ମନ୍ତ୍ରୀ ଭାବରେ ରାଜନାଥ ସିଂ ତାଙ୍କ ଭୂମିକାକୁ ଭଲ ଭାବରେ ନିଭାଇଛନ୍ତି। ତାଙ୍କ ସମୟରେ ସେନାର ଆଧୁନିକୀକରଣ ଏକ ନୂଆ ସ୍ତରରେ ପହଞ୍ଚିଥିଲା ଏବଂ ଚୀନ୍ ସହ ତିକ୍ତତା ପରିସ୍ଥିତିରେ ସେ ଜଣେ ଶକ୍ତିଶାଳୀ ମନ୍ତ୍ରୀ ଭାବରେ ନଜର ଆସିଥିଲେ। ଏହା ବ୍ୟତୀତ ସେ ପ୍ରଧାନମନ୍ତ୍ରୀ ମୋଦିଙ୍କର ଜଣେ ବିଶ୍ୱସ୍ତ ବ୍ୟକ୍ତି।
ପୀୟୁଷ ଗୋୟଲ:
ପ୍ରଫେସନାଲ୍ ଚାର୍ଟାର୍ଡ ଆକାଉଣ୍ଟାଣ୍ଟ ପୀୟୁଷ ଗୋୟଲ ବିଜେପି ସାଂସଦ ହେବା ପୂର୍ବରୁ ଏକ ଇନ୍ଭେଷ୍ଟମେଣ୍ଟ ବ୍ୟାଙ୍କର୍ ଭାବେ କାମ କରୁଥିଲେ। ସରକାରରେ ତାଙ୍କ ଦକ୍ଷତା ଯୋଗୁଁ ତାଙ୍କୁ ଏକ ଉଚ୍ଚ ସ୍ଥାନରେ ରଖାଯାଏ। ସେଥିପାଇଁ ତାଙ୍କ ପାଖରେ ସରକାରଙ୍କର ଅନେକ ବିଭାଗ ଅଛି, ଯେଉଁଥିରେ କୋଇଲା, ବିଦ୍ୟୁତ୍, ରେଳବାଇ ଏବଂ ଅର୍ଥ ବିଭାଗ ସାମିଲ ଅଛି। ସେ ମଧ୍ୟ ରାଜ୍ୟସଭାର ଜଣେ ନେତା। ଦଳର ପୂର୍ବତନ କୋଷାଧ୍ୟକ୍ଷ ଭାବରେ ଦଳ ପାଇଁ ପାଣ୍ଠି ସଂଗ୍ରହ କ୍ଷେତ୍ରରେ ତାଙ୍କର ଅତୁଳନୀୟ ଦକ୍ଷତା ରହିଛି। ସେ ତାଙ୍କର ମନ୍ତ୍ରଣାଳୟର ଦାୟିତ୍ୱକୁ ଖୁବ ଦକ୍ଷତାର ସହିତ ନିଭାଉଛନ୍ତି।
